ტუბერკულოზის სკრინინგი ნარკოტიკული ნივთიერებების მომხმარებელთა შორის და კომპაქტურ დასახლებებში მომსახურება.

შესყიდვის ობიექტი შესყიდვის ობიექტს წარმოადგენს აივ ინფექციის/შიდსის, ტუბერკულოზისა და მალარიის წინააღმდეგ ბრძოლის გლობალური ფონდის (The Global Fund to Fight AIDS, Tuberculosis and Malaria) მიერ დაფინანსებული „საქართველოში აივ/შიდსისა და ტუბერკულოზის პრევენციის, მკურნალობის, მოვლისა და მხარდაჭერის ეროვნული სისტემების გაძლიერება“ პროგრამის ფარგლებში სსიპ „ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის“ მიერ დაგეგმილი მომსახურების (CPV 85300000 - სოციალური დახმარების სამსახური და მასთან დაკავშირებული მომსახურებები; 85323000 - საზოგადოებრივი ჯანდაცვის მომსახურებები) შესყიდვა - ტუბერკულოზის სკრინინგი ნარკოტიკული ნივთიერებების მომხმარებელთა შორის და კომპაქტურ დასახლებებში. მომსახურების მიწოდების ვადა: ხელშეკრულების გაფორმებიდან 12 თვის განმავლობაში. ტექნიკური დავალება ინექციური ნარკოტიკული საშუალებების მომხმარებლებს აქვთ აივ ინფიცირების და ამავე დროს, ტუბერკულოზით ინფიცირების და აქტიური დაავადების განვითარების მაღალი რისკი აივ ინფექციის სტატუსის მიუხედავად. ნარკოტიკების მომხმარებლები, ხშირად, მარგინალიზებული ჯგუფია კომპლექსური საჭიროებებით, რომლებსაც აქვთ უფრო ცუდი წვდომა სასიცოცხლოდ მნიშვნელოვან სერვისებზე. ამ გამოწვევების საპასუხოდ ჯანმრთელობის მსოფლიო ორგანიზაციამ რეკომენდაცია გაუწია ნარკოტიკების მომხმარებელთათვის სერვისების კოორდინაციას, და პრევენციისა და მკურნალობის უნივერსალური ხელმისაწვდომობის უზრუნველყოფას. ტუბერკულოზის ეროვნული პროგრამისა და ქვეყანაში მოქმედი გაიდლაინების მიხედვით ინექციური ნარკოტიკების მომხმარებლებს აქტიური ტუბერკულოზის და ლატენტური ტუბერკულოზური ინფექციის სისტემატური ტესტირება და პრევენციული მკურნალობა უნდა ჩაუტარდეთ. თავშესაფრებში და სხვა მჭიდროდ დასახლებულ ინსტიტუციებში მყოფი პირები ასევე განეკუთვნებიან ტუბერკულოზის რისკ-ჯგუფებს და შესაბამისად, მიზანშეწონილია ტუბერკულოზის აქტიური სკრინინგი. 2022-2023 წლებში თბილისსა და სამეგრელოში ჩატარდა ჩანაცვლებითი თერაპიის ცენტრებისა და ზიანის შემცირების საქართველოს ქსელის ბენეფიციარების ნაწილის სკრინინგი აქტიურ და ლატენტურ ტუბერკულოზზე. სკრინინგის შედეგების მიხედვით როგორც აქტიური, ასევე ლატენტური ტუბერკულოზის მაჩვენებელი ნარკოტიკული საშუალებების მომხმარებელთა შორის მნიშვნელოვნად აჭარბებს ქვეყნის საშუალო მონაცემებს. ბენეფიციართა აქტიური სკრინინგის უზრუნველსაყოფად, გლობალური ფონდის გრანტის ფარგლებში იგეგმება მომსახურების შესყიდვა. სკრინინგის ჩასატარებლად კონტრაქტორისთვის ხელმისაწვდომი იქნება რენტგენოდიაგნოსტიკური სრული სისტემით აღჭურვილი ავტომობილი, რომლის საშუალებითაც უნდა ჩატარდეს ნარკოტიკული საშუალებების მომხმარებელთა აქტიური სკრინინგი. ავტომობილს გააჩნია ციფრული რენტგენის დანადგარი, რენტგენის ფირების საბეჭდი მოწყობილობა, ხელოვნური ინტელექტის საშუალებით რენტგენის სურათის შეფასების პროგრამა; ასევე, ლაბორატორიული კაბინეტი, აღჭურვილია GeneXpert-ის აპარატით. სკრინინგის ჩასატარებლად კონტრაქტორისთვის ასევე ხელმისაწვდომი იქნება პორტატული რენტგენოდიაგნოსტიკური აპარატი. აქტიური ტუბერკულოზის სადიაგნოსტიკო Xpert MTB/Rif Ultra კარტრიჯები და ტუბერკულოზური ინფეციის სადიაგნოსტიკო (Qauntiferon TB Gold) ტესტები კონტრაქტორს გადაეცემა აივ ინფექციის/შიდსის, ტუბერკულოზისა და მალარიის წინააღმდეგ ბრძოლის გლობალური ფონდის დაფინანსებული პროგრამის ფარგლებში. კონტრაქტორი უზრუნველყოფს კონტეინერებს ნახველის და სისხლის ტრანსპორტირებისთვის, საწვავს. მიზანი აქტიური ტუბერკულოზის და ტუბერკულოზური ინფექციის ადრეული გამოვლენის და მკურნალობაში ჩართვის ხელშეწყობა სხვადასხვა რისკ-ჯგუფში, როგორიცაა ინექციური ნარკოტიკების მომხმარებელები და ჩანაცვლებით თერაპიის პროგრამის ბენეფიციარები, თავშესაფრებში და სხვა მჭიდროდ დასახლებულ ინსტიტუციებში მყოფი პირები. სპეციფიკური ამოცანებია: 1. პროექტის მხარდასაჭერი მოსამზადებელი აქტივობების განხორციელება, სკრინინგის მართვის პრცესის ჩამოყალიბება და შესაბამისი საფეხურების გაწერა • პროექტის განხორციელებაში პარტნიორებისა და პროექტში ჩართული პერსონალის იდენტიფიცირება და როლების განსაზღვრა. სკრინინგის დაწყებამდე შესაბამისი ლოკაციების მოძიება ავტომანქანის განთავსებისთვის, ავტომანქანის სამუშაო და სატრანსპორტო რეჟიმებში მოყვანა, სკრინინგის დღეების დაგეგმვა; • პროექტის თაობაზე საინფორმაციო მასალების მომზადება და ბეჭდვა; • ნებაყოფლობითი კონსულტირებისა და ტესტირების (ნკტ) კონსულტანტების, სოციალური მუშაკების და ზიანის შემცირების ქსელის სხვა პერსონალის, ასევე ჩანაცვლებითი თერაპიის ცენტრების შერჩეული პერსონალის ტრენინგი (საორიენტაციო რაოდენობა 20 პირი), რომელთაც უშუალო შეხება აქვთ ინექციური ნარკოტიკის მომხმარებლებთან/ჩანაცვლებით თერაპიაზე მყოფ პირებთან; • შერჩეული ინსტიტუციების ხელმძღვანელთა ინფორმირებულობის ამაღლება მოწყვლად ჯგუფებში მიმდინარე სკრინინგის კამპანიის შესახებ; • ინექციური ნარკოტიკების მომხმარებლების/ჩანაცვლებით თერაპიაზე მყოფი პირების ინფორმირებულობის ამაღლება მოწყვლად ჯგუფებში ტუბერკულოზის სიმპტომებისა და ტუბერკულოზის პრევენციის მნიშვნელობის და ასევე, მიმდინარე სკრინინგის კამპანიის შესახებ; 2. აქტიური ტუბერკულოზის და ლატენტური ტუბერკულოზური ინფექციის სკრინინგის ჩატარება ინექციური ნარკოტიკების მომხმარებელთა შორის  თბილისის, აჭარის, იმერეთის, გურიის, კახეთისა და შიდა ქართლის წინასწარ განსაზღვრულ წერტილებში (ჩანაცვლებითი თერაპიის ცენტრები და ზიანის შემცირების ქსელის ორგანიზაციების მიერ შერჩეული ლოკაციები) სამიზნე ჯგუფების (მათ შორის ამ ცენტრების თანამშრომელთა) მოძიება და აქტიური სკრინინგი რენტგენოდიაგნოსტიკური სრული სისტემით აღჭურვილი ავტომობილის საშუალებით - ტუბერკულოზზე (კითხვარი, რენტგენი, GeneXpert, QuantiferonTB Gold ტესტი);  სკრინინგ-დადებითი პირების გადამისამართება შესაბამის დაწესებულებაში და მიდევნება, საჭიროების შემთხვევაში თანხლება;  აქტიური სკრინინგის მონაცემების დამუშავება, შესაბამისი მონაცემთა ბაზის ფორმირება;  პროექტის შეფასების ინდიკატორების (ცხრილი 1) შესრულების თაობაზე ინფორმაციის მომზადება. 3. აქტიური ტუბერკულოზის და ლატენტური ტუბერკულოზური ინფექციის სკრინინგის ჩატარება კომპაქტური ჩასახლების ადგილებში  წინასწარ განსაზღვრულ წერტილებში (თავშესაფრები და სხვა მჭიდროდ დასახლებული ინსტიტუციები) სამიზნე ჯგუფების (მათ შორის ამ დაწესებულებების თანამშრომელთა) მოძიება და აქტიური სკრინინგი ტუბერკულოზზე (კითხვარი, რენტგენი, მასალის აღება GeneXpert ტესტის ჩასატარებლად ლაბორატორიაში);  სკრინინგ-დადებითი პირების გადამისამართება შესაბამის დაწესებულებაში და მიდევნება, საჭიროების შემთხვევაში თანხლება;  აქტიური სკრინინგის მონაცემების დამუშავება, შესაბამისი მონაცემთა ბაზის ფორმირება;  პროექტის შეფასების ინდიკატორების (ცხრილი 1) შესრულების თაობაზე ინფორმაციის მომზადება. ცხრილი 1. პროექტის ფარგლებში განხორციელებული აქტივობების შესაფასებელი ინდიკატორები N ინდიკატორი სამიზნე 1 გამოსაკვლევი ნიმ-ების საორიენტაციო რაოდენობა 3000 ნიმი და ჩანაცვლებითი თერაპიის ცენტრის თანამშრომელი 2 თავშესაფრებსა და მჭიდროდ დასახლებული ინსტიტუციებში მყოფი გამოსაკვლევი პირების საორიენტაციო რაოდენობა 500 პირი 3 სკრინინგ-დადებით პირებში ტუბერკულოზის დადასტურების მაჩვენებელი სკრინინგ-დადებითი პირების 5% 4 პირები, რომელთაც სრული გამოკვლევა ჩაუტარდებათ ტუბერკულოზზე სკრინინგ-დადებით პირების არანეკლებ 90% 5 ტუბერკულოზის დადასტურებულ შემთხვევებში ანტიტუბერკულოზურ მკურნალობაში ჩართულ პირთა რაოდენობა, დიაგნოზის დადასტურებიდან 1 კვირის განმავლობაში 6 ტუბერკულოზური ინფექციის დადასტურების შემთხვევაში - იმ პირთა რაოდენობა ა) რომლებსაც მიეცათ ტუბერკულოზის პრევენციული მკურნალობის რეკომენდაცია და ბ) რომლებმაც დაიწყეს მკურნალობა 4. პროექტის შეფასება, ანგარიშისა და რეკომენდაციების მომზადება  პროექტის ანგარიშის მომზადება, რეკომენდაციების ჩათვლით  შეხვედრის ორგანიზება ძირითადი პარტნიორების მონაწილეობით და შედეგების დისემინაცია წარსადგენი დოკუმენტაცია 1. სკრინინგის პროტოკოლი 2. სკრინინგის ინსტრუმენტები (კითხვარი, რენტგენოლოგიური შეფასების ფორმა, დასკრინული პირების აღრიცხვის ფორმა) 3. პროექტის საინფორმაციო მასალები 4. ტრენინგის მასალები 5. ბენეფიციარების დამუშავებული მონაცემთა ბაზა; 6. საბოლოო ანგარიში 7. დანართი 1-ით განსაზღვრული წარსადგენი დოკუმენტები. იხილეთ ტექნიკური დავალება.

მომსახურების განხორციელების საორიენტაციო პერიოდია ხელშეკრულების გაფორმებიდან 12 თვე.

მომსახურება განხორციელდება 1.2. პუნქტში ატვირთული ტექნიკური დავალების მიხედვით.

1. პრეტენდენტი ვალდებულია წარმოადგინოს მომსახურების განხორციელების ტექნიკური აღწერა 1.2 პუნქტში ატვირთული ტექნიკური დავალების შესაბამისად. 2. პრეტენდენტმა მიერ შექმნილი, წინადადების სახით წარსადგენი დოკუმენტები (მაგ., სატენდერო წინადადება - ფასების ცხრილი, გეგმა გრაფიკი, ინფორმაცია პრეტენდენტის გამოცდილების შესახებ და ა.შ). დაამოწმოს/დაადასტუროს კვალიფიციური ხელმოწერით ან კვალიფიციური შტამპით. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად.

2 პროცენტი

2 პროცენტი

ხელშეკრულების შესრულების უზრუნველყოფის გარანტიის ვადა უნდა შეადგენდეს 2025 წლის 30 სექტემბრის ჩათვლით.

1. უპირობო საბანკო გარანტია გაცემული საბანკო ან/და სადაზღვევო ორგანიზაციის მიერ. უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნეს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. 2. ხელშეკრულების უზრუნველყოფის საბანკო გარანტია წარდგენილი უნდა იქნეს შემსყიდველ ორგანიზაციაში ხელშეკრულების დადებამდე. 3. პრეტენდენტის მიერ წარმოდგენილ ხელშეკრულების შესრულების უზრუნველყოფის გარანტიაში არ უნდა იყოს მითითებული, რომ გარანტია მცირდება შესრულების პროპორციულად. 4. მიმწოდებელი არ არის ვალდებული წარადგინოს ხელშეკრულების უზრუნველყოფის საბანკო გარანტია, თუ ხელშეკრულების ღირებულება ნაკლებია 200 000 (ორასი ათასი) ლარზე. 5. შემსყიდველი ორგანიზაციის გადაწყვეტილებით, ამ პუნქტით გათვალისწინებული გარანტიის წარდგენისგან შესაძლებელია განთავისუფლდეს პოტენციური მიმწოდებელი მისი საქმიანი რეპუტაციის, გაწეული მომსახურების ხარისხისა და ცნობადობის გათვალისწინებით, აგრეთვე თეთრ სიაში რეგისტრირებული მიმწოდებელი.

ანგარიშსწორება განხორციელდება ფაზების მიხედვით, უნაღდო ანგარიშსწორებით, ფაქტობრივად განხორციელებული მომსახურების შესაბამისად გაფორმებული მიღება-ჩაბარების აქტის საფუძველზე. ფაზა 2-ის აქტივობა 2.1 და ფაზა 3-ის 3.1 აქტივობის ანაზღაურება განხორციელდება ფაქტობრივად შესრულებული სამუშაოს მიხედვით (გამოკვლეულ პირთა რაოდენობა). შესაბამისად, პრეტენდენტმა უნდა განსაზღვროს ერთეულის ღირებულება.

ანგარიშსწორება განხორციელდება უნაღდო ანგარიშსწორებით, ფაქტობრივად გაწეული მომსახურების საფუძველზე, მიღება- ჩაბარების აქტის გაფორმებიდან არაუგვიანეს 20 (ოცი) სამუშაო დღის ვადაში.

ხათუნა კაპანაძე, 595071622, kh.kapanadze@ncdc.ge ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

10.1.1. ტენდერში მონაწილეობის მიღება შეუძლიათ მხოლოდ სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ მომხმარებლებს; 10.1.2. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული ყველა გადასახადის ჩათვლით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში; 10.1.3. ტენდერში გამარჯვებულად ჩაითვლება ის პრეტენდენტი, რომელიც დააფიქსირებს ყველაზე დაბალ სატენდერო წინადადების ფასს და ამასთან, დააკმაყოფილებს სატენდერო დოკუმენტაციითა და შესაბამისი სამართლებრივი აქტებით დადგენილ მოთხოვნებს; 10.1.4. სატენდერო კომისია სატენდერო წინადადებებს განიხილავს კანონმდებლობით დადგენილ ვადაში და შედეგები გამოქვეყნდება სისტემის მეშვეობით; 10.1.5. ტენდერთან დაკავშირებული დოკუმენტები ან/და ინფორმაცია შესაძლებელია წარმოდგენილ იქნეს ქართულ ან/და უცხო ენაზე. დოკუმენტების ან/და ინფორმაციის უცხო ენაზე წარმოდგენის შემთხვევაში, მათ უნდა დაერთოს ქართული თარგმანი; 10.1.6. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია; 10.1.7. პრეტენდენტი სატენდერო წინადადების წარმოდგენით ეთანხმება სატენდერო დოკუმენტაციითა და ხელშეკრულების პროექტით განსაზღვრულ ყველა მოთხოვნას. თუ ხელშეკრულების გასაფორმებლად მოწვევის შემდგომ აღმოჩნდება, რომ გამარჯვებული პრეტენდენტი არ ეთანხმება სატენდერო დოკუმენტაციითა და ხელშეკრულების პროექტით განსაზღვრულ რომელიმე პირობას, აღნიშნული აღქმული იქნება, როგორც მიმწოდებლის მხრიდან ხელშეკრულების გაფორმებაზე უარის თქმა, რისი გათვალისწინებითაც მოხდება მისი დისკვალიფიკაცია ტენდერიდან; 10.1.8. პრეტენდენტს არ აქვს უფლება წარმოადგინოს ალტერნატიული სატენდერო წინადადება; 10.1.9. მიმწოდებელი ვალდებულია გაეცნოს და დაიცვას გლობალური ფონდის „მიმწოდებელთა ქცევის ნორმების სახელმძღვანელო“ https://www.theglobalfund.org/media/3275/corporate_codeofconductforsuppliers_policy_en.pdf; • იხელმძღვანელოს საინფორმაციო სისტემებისა და მონაცემთა გაცვლის სახელმძღვანელოს https://www.theglobalfund.org/media/9564/core_criticaldatamanagement_guidance_en.pdf პირობებით; • იხელმძღვანელოს და დაიცვას გლობალური ფონდის გრანტების შესახებ მარეგულირებელი ნორმები (14 ივნისი 2023), https://www.theglobalfund.org/media/13343/core_grantregulationsversionone_regulations_en.pdf; ზემოხსენებული მარეგულირებელი ნორმების უგულვებელყოფა შეიძლება გახდეს ხელშეკრულების შეწყვეტის საფუძველი.