1.1 შესყიდვის ობიექტის დასახელება
სპეციალური პენიტენციური სამსახურის თანამშრომლებისათვის უნიფორმების შესყიდვა შესაბამისი ემბლემით, კოკარდითა და ატრიბუტიკით.
1.2 საქონლის ტექნიკური პარამეტრები/მომსახურების/სამუშაოს აღწერა (ტექნიკური დავალება), შესყიდვის ობიექტის რაოდენობა/მოცულობა
1. შესყიდვის ობიექტის ტექნიკური პარამეტრები იხილეთ ატვირთულ ფაილებში - დანართი N2.1, დანართი N2.2, დანართი N2.3, დანართი N2.4, დანართი N2.5 და დანართი N2.6; 2. შესყიდვის ობიექტის ვიზუალური ესკიზები იხ. ატვირთულ ფაილებში; 3. შესყიდვის ობიექტის რაოდენობები მითითებულია დანართ N1 - ფასების ცხრილში; 4. გამოყენებული დამხმარე აქსესუარები: ელვა - შესაკრავები, კნოპები, ფხრიწები, ფიქსატორები, რეზინები და სხვა უნდა იყოს ინდივიდუალურად შერჩეული ზემოაღნიშნული უნიფორმების შეფერილობის მიხედვით, რომელიც შეთანხმდება შემსყიდველ ორგანიზაციასთან. 5. იმის გათვალისწინებით, რომ შესაძლებელია ესკიზებზე ზუსტად არ იყოს შესაძლებელი შესყიდვის ობიექტის რომელიმე შემადგენელი დეტალის ფერის ტონალობის და თარგის აღქმა, პრეტენდენტი ვალდებულია საქონლის თარგი და ფერი (მათ შორის პრინტი) ნიმუშის წარმოდგენის ეტაპზე შეათანხმოს შემსყიდველთან და შეიკეროს შემსყიდველის მოთხოვნის შესაბამისად. 6. მიმწოდებელმა 1-ელი და მე-2 პოზიციებით განსაზღვრული შესყიდვის ობიექტის 120-120 ერთეულზე, მე-18-დან მე-20 პოზიციის ჩათვლით და ელექტრონული მეთვალყურეობის და საზოგადოებრივი მისაღების ფორმებზე 27-ე პოზიციიდან დან 47-ე პოზიციის ის ჩათვლით უნდა უზრუნველყოს თითოეულ თანამშრომელზე ზომების აღება და ინდივიდუალურად უნიფორმის ზომის მორგება ხელშეკრულების გაფორმების შემდეგ. 7. 35-ე და 45-ე პოზიციით განსაზღვრული შესყიდვის ობიექტი დაზუსტდება ხელშეკრულების გაფორმების შემდეგ ინდივიდუალურად (თითოეული მოსამსახურისთვის შეიძლება შეკერილი იყოს შარვალი, შარვალი და კაბა, ან კაბა) 8. პრეტენდენტმა ერთიანი ელექტრონული სისტემის მეშვეობით უნდა წარმოადგინოს ტექნიკური დავალება დანართი N2.1, დანართი N2.2, დანართი N2.3, დანართი N2.4, დანართი N2.5 და დანართი N2.6, სადაც მითითებული უნდა იყოს შესყიდვის ობიექტის კონკრეტული პარამეტრები/მახასიათებლები (არ უნდა იყოს გამოყენებული ტერმინები: არანაკლებ, არაუმეტეს, ან, ±, უნდა და ა.შ.) გარდა ექსპერტიზის დასკვნით მოთხოვნილი პარამეტერებისა, რაც დადგინდება ექპერტიზ(ებ)ის დასკვნის მიხედვით, რომელიც უნდა შეესაბამებოდეს ტექნიკური დავალების მოთხოვნებს.
1.3 ფასების ცხრილი/ხარჯთაღრიცხვა
1.4 საქონლის მიწოდების/მომსახურების გაწევის/სამუშაოს შესრულების ვადა
შესყიდვის ობიექტის მიწოდება უნდა განხორციელდეს ხელშეკრულების გაფორმების შემდგომ ერთიანად ან ეტაპობრივად არაუმეტეს 180 კალენდარული დღის ვადაში. შენიშვნა: თუ მიწოდების საბოლოო ვადა ემთხვევა არასამუშაო დღეს, შესყიდვის ობიექტის მიწოდება განხორციელდება მომდევნო სამუშაო დღეს.
1.5 საქონლის მიწოდების/მომსახურების გაწევის/სამუშაოს შესრულების ფორმა და ადგილი
შესყიდვის ობიექტის მიწოდება და დაცლა/დასაწყობება მიმწოდებელმა უნდა უზრუნველყოს საკუთარი ხარჯით, შემდეგ მისამართზე: ქ.თბილისი ჟორესის ქ. N10.
1.7.1 მოთხოვნა საგარანტიო ვადის შესახებ
1. ქურთუკზე უნდა ვრცელდებოდეს გარანტია არანაკლებ 2 (ორი) წელი, ხოლო დანარჩენ შესყიდვის ობიექტებზე არანაკლებ 1 (ერთი) წელი მიღება-ჩაბარების აქტის გაფორმებიდან. 2. უნიფორმაზე დატანილ ემბლემაზე, კოკარდაზე და ატრიბუტიკაზე უნდა ვრცელდებოდეს გარანტია მიღება-ჩაბარების აქტის გაფორმებიდან არანაკლებ 1 (ერთი) წლის განმავლობაში, რა დროსაც ყველა ნაკეთობა და ფხრიწი უნდა ინარჩუნებდეს ფერს, ხარისხსა და თვისობრივ მახასიათებლებს (რეცხვისა და ტემპერატურის ზემოქმედების ჩათვლით), არ უნდა აღინიშნოს ნაკერ(ებ)ის რღვევა. 3. საგარანტიო პერიოდში მოწოდებულ საქონელზე გამოყენებული მეტალის მასალა და დამხმარე აქსესუარები არ უნდა დაიჟანგოს, ჩამკეტი მოწყობილობა, ფიქსატორები ძალის ზემოქმედების შედეგად არ უნდა დაიმსხვრეს და დაზიანდეს, უნდა ინარჩუნებდეს ხარისხსა და თვისობრივ მახასიათებლებს. 4. აღმოჩენილი ხარვეზის ან/და ნაკლის არსებობის შემთხვევაში (მათ შორის ფორმისა და ფერის დაკარვა), მიმწოდებელი ვალდებულია 10 (ათი) კალენდარული დღის ვადაში გამოასწოროს იგი ან შეცვალოს ახალი შესყიდვის ობიექტით, შემსყიდველის მხრიდან დამატებითი დანახარჯების გაწევის გარეშე. შენიშვნა: პრეტენდენტის მიერ ერთიანი ელექტრონული სისტემის მეშვეობით წარმოდგენილი უნდა იქნეს ზემოხსენებული ინფორმაცია.
2.1.1 მოთხოვნა შესყიდვის ობიექტის სასაქონლო ნიშანთან, პატენტთან, მოდელთან, წარმოშობის წყაროსთან ან/და მწარმოებელთან დაკავშირებით
პრეტენდენტმა ფასების ცხრილში (დანართი N1) უნდა მიუთითოს შესყიდვის ობიექტის მწარმოებელი ან/და ბრენდი და მოდელი (მოდელის არარსებობის შემთხვევაში, უნდა მიეთითოს ტექსტი მოდელი არ აქვს). აღნიშნული ინფორმაციის მიუთითებლობა გამოიწვევს პრეტენდენტის დისკვალიფიკაციას.
2.2.1 მოთხოვნა პრეტენდენტის გამოცდილების შესახებ
პრეტენდენტს, 2022 წლის 1 იანვრიდან ტენდერის გამოცხადების დღემდე უნდა გააჩნდეს 4,000,000.00 (ოთხი მილიონი) ლარის ღირებულების წინამდებარე ტენდერის შესყიდვის ობიექტის მსგავსი სახეობის საქონლის მაგ: ტანსაცმლის ან/და სპეც. ტანსაცმლის ან/და უნიფორმების მიწოდების გამოცდილება. აღნიშნულის დასტურად, პრეტენდენტმა შესყიდვების ერთიან ელექტრონულ სისტემაში უნდა ატვირთოს პროდუქციის მიწოდების დამადასტურებელი დოკუმენტები - ხელშეკრულება/ხელშეკრულებები, ამ ხელშეკრულების საფუძველზე გაფორმებული მიღება-ჩაბარების აქტ(ებ)ი და დადასტურებული საგადასახადო ანგარიშ-ფაქტურები. იმ შემთხვევაში, თუ მოთხოვნილი გამოცდილების დამადასტურებელი ხელშეკრულება და მიღება-ჩაბარების აქტები სრულად არის ატვირთული შესყიდვების ერთიან ელექტრონულ სისტემაში, საკმარისია შესაბამისი SPA/NAT/CMR ან სხვა ნომრის მითითება. იმ შემთხვევაში თუ პრეტენდენტსა და მიმწოდებელს შორის ხელშეკრულება გაფორმებულია საქართველოს მთავრობის 2016 წლის 11 ივლისის №321 დადგენილების შესაბამისად (საიდუმლო წესით), პრეტენდენტმა მოთხოვნილი გამოცდილების დასადასტურებლად უნდა წარმოადგინოს შემსყიდველის მიერ დადასტურებული ინფორმაცია ან/და რეკომენდაცია, სადაც მითითებული იქნება შესყიდვის ობიექტი და ღირებულება.
2.9 სხვა დამატებითი მოთხოვნები
1. შესყიდვის ობიექტს უნდა გააჩნდეს მწარმოებლის მიერ დატანილი იარლიყი, სადაც დაფიქსირდება ზომა, მწარმოებელი ან/და ბრენდი, გამოყენებული ქსოვილის შემადგენლობა, მოვლის წესები და სხვა საჭირო ინფორმაცია. 2. შემოთავაზებული საქონელი უნდა იყოს ინდივიდუალურად შეფუთული. 3. მიმწოდებელს შესასყიდი საქონლის კონკრეტული ზომები, ასევე ატრიბუტიკის რაოდენობა სახეობების (A,G,B,C) მიხედვით გადაეცემა ხელშეკრულების გაფორმების შემდეგ, 3 სამუშაო დღის ვადაში.
3.1.1 მოთხოვნა შესყიდვის ობიექტის ნიმუშის ან/და ექსპერტიზის დასკვნის შესახებ
1. პრეტენდენტი ვალდებულია შემსყიდველ ორგანიზაციაში წარმოადგინოს ფასების ცხრილი - დანართი N1-ის თითოეული პოზიციით განსაზღვრული შემოთავაზებული საქონლის ნიმუშები დატანილი შესაბამისი ემბლემით, კოკარდითა და ატრიბუტიკით ტექნიკური დავალებების - დანართი N 2.1, 2.2, 2.3, 2.4, 2.5 და 2.6 მოთხოვნათა გათვალისწინებით, ასევე სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“, SGS, INTERTEK, EKOTEKS ან სხვა აკრედიტირებული პირის (ასეთ შემთხვევაში, დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი და ოფიციალური, მოქმედი ვებ-გვერდის მისამართი) მიერ გაცემული შესაბამისი დასკვნის ორიგინალი/დედანი და ექსპერტიზაგავლილი ქსოვილი. 2. პრეტენდენტი ვალდებულია შემსყიდველ ორგანიზაციაში წარმოადგინოს ექსპერტიზის დასკვნის ორიგინალი/დედანი ტექნიკური დავალების (დანართები N 2.1, 2.2, 2.3, 2.4, 2.5 და 2.6) მოთხოვნათა გათვალისწინებით, ექსპერტიზაგავლილ ქსოვილთან ერთად დალუქულ მდგომარეობაში. (ასეთის არ არსებობის შემთხვევაში, პრეტენდენტმა შესაძლებელია წარმოადგინოს ექსპერტიზაგავლილი ქსოვილი დალუქულ, ხოლო ექსპერტიზის დასკვნის ორიგინალი/დედანი დაულუქავ მდგომარეობაში. ამ შემთხვევაში შესაძლებელი უნდა იყოს დალუქული ქსოვილის, შესაბამისი ექსპერტიზის დასკვნასთან იდენტიფიცირება. მაგალითად, ექსპერტიზის დასკვნის ინდივიდუალური ნომერი უნდა ემთხვეოდეს დალუქული საქონლის შეფუთვაზე (შეფუთვაში) არსებულ ნომერს) (ექსპერტიზის ხარჯებს ანაზღაურებს პრეტენდენტი). წარმოდგენილი ნიმუშები სრულად უნდა აკმაყოფილებდეს ტექნიკურ მოთხოვნებს. 3. თუ პრეტენდენტი წინამდებარე ტენდერში არსებულ საბოლოო პროდუქტებს ქმნის ერთიდაიმავე შემადგენლობისა და იდენტური ფერის ქსოვილით, შესაძლებელია შესაბამის ქსოვილებზე წარმოდგენილი იქნას ერთი დასკვნა. 4. პრეტენდენტის მიერ წარდგენილი შესყიდვის ობიექტის ნიმუში/ექსპერტიზის დასკვნები დაზუსტებას არ ექვემდებარება. 5. ტექნიკური დავალებების - დანართი N 2.1, 2.2, 2.3, 2.4, განსაზღვრულ შესყიდვის ობიექტებზე ფერის ტონი უნდა იყოს შემსყიდველის მატერიალური ნიმუშების იდენტური. პრეტენდენტ(ებ)ს შესაძლებლობა აქვს ადგილზე გაეცნოს შემსყიდველის ხელთ არსებულ ქსოვილის ნიმუშებს შემდეგ მისამართზე: ქ. თბილისი ზ. ანჯაფარიძის ქ N18. შენიშვნა: - ტენდერში მონაწილე „დისკვალიფიცირებულ" პრეტენდენტს ნიმუშ(ებ)ის დაბრუნების მოთხოვნა შეუძლია წინამდებარე ტენდერის საფუძველზე ხელშეკრულების გაფორმების შემდეგ 30 კალენდარული დღის განმავლობაში, ხოლო „გამარჯვებულ" პრეტენდენტს საქონლის სრულად მიწოდების შემდეგ 30 კალენდარული დღის განმავლობაში. აღნიშნული ვადის გასვლის შემდეგ, შემსყიდველი ორგანიზაცია იხსნის ყოველგვარ პასუხისმგებლობას პრეტენდენტ(ებ)ის მიერ წარმოდგენილი ნიმუშ(ებ)ის დაბრუნებაზე. - იმ შემთხვევაში თუ ელექტრონულ ტენდერს მიენიჭება სტატუსი „შეწყვეტილია“ პრეტენდენტს ნიმუშ(ებ)ის დაბრუნების მოთხოვნა შეუძლია სტატუსის მინიჭებიდან 30 კალენდარული დღის განმავლობაში. - იმ შემთხვევაში თუ კი წარმოდგენილი ნიმუშ(ებ)ი საჭიროებს შემოწმებას/გატესტვას შესაძლოა შესყიდვის ობიექტი პირვანდელი სახით ვერ დაუბრუნდეს პრეტენდენტს.
3.1.2 შესყიდვის ობიექტის ნიმუშის ან/და ექსპერტიზის დასკვნის წარმოდგენის ვადა
მოთხოვნიდან 10 სამუშაო დღის ვადაში
3.1.3 შესყიდვის ობიექტის ნიმუშის ან/და ექსპერტიზის დასკვნის წარმოდგენის ადგილი
ქ. თბილისი, ზურაბ ანჯაფარიძის ქ. N 18
4.1.1 მოთხოვნა ფასწარმოქმნის ადეკვატურობის დამადასტურებელი დოკუმენტ(ებ)ის შესახებ
იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობა უნდა დასაბუთდეს სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის მოთხოვნათა გათვალისწინებით, საშემფასებლო დასკვნით (ამასთან,ბუღალტრული აღრიცხვის, ანგარიშგებისა და აუდიტის შესახებ საქართველოს კანონის 28-ე მუხლის მე-8 პუნქტის ,,გ“ ქვეპუნქტის შესაბამისად, საშემფასებლო მომსახურების გაწევის უფლება ეძლევა მხოლოდ იმ პირს, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ სერტიფიცირებული შემფასებელი. შეფასების განხორციელების და შეფასების ანგარიშზე/დასკვნაზე ხელის მოწერის უფლება ენიჭება აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს) საშემფასებლო დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი)).
4.1.2 ფასწარმოქმნის ადეკვატურობის დამადასტურებელი დოკუმენტ(ებ)ის წარმოდგენის ვადა
მოთხოვნიდან 3 სამუშაო დღის ვადაში
6.1 მოითხოვება ხელშეკრულების შესრულების უზრუნველყოფის გარანტია
5 პროცენტი
6.2 სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში მოითხოვება გარანტია
10 პროცენტი
6.3 გარანტიის მოქმედების ვადა
ხელშეკრულების უზრუნველყოფის საბანკო/სადაზღვევო გარანტიის მოქმედების ვადა 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.
6.4 გარანტიის პირობები
ა) ხელშეკრულების უზრუნველყოფის უპირობო გამოუთხოვადი საბანკო/სადაზღვევო გარანტია, გარანტია წარმოდგენილი უნდა იყოს ეროვნულ ვალუტაში - ლარში. ბ) მიმწოდებლის მიერ ხელშეკრულებით გათვალისწინებული ვალდებულების დარღვევის (ხელშეკრულებით გათვალისწინებული ვალდებულების შესრულებაზე უარის თქმა, ვალდებულების უხარისხოდ, არაჯეროვნად, არასრულად შესრულება და სხვა) შემთხვევაში, შემსყიდველს უფლება აქვს მიმწოდებელს არ დაუბრუნოს საბანკო/სადაზღვევო გარანტიით გათვალისწინებული თანხა. შემსყიდველს უფლება აქვს ასევე მიმწოდებელს არ დაუბრუნოს საბანკო/სადაზღვევო გარანტიით გათვალისწინებული თანხა იმ შემთხვევაში თუ იგი უარს აცხადებს დაკისრებული პირგასამტეხლოს გადახდაზე (პირგასამტეხლოს პროპორციულად). გ) ხელშეკრულების უზრუნველყოფის უპირობო გამოუთხოვადი გარანტია წარმოდგენილი უნდა იქნას საბანკო ან სადაზღვევო დაწესებულებიდან (გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან/და სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან). დ) უცხოური ბანკებიდან საბანკო გარანტიების წარმოდგენის შემთხვევაში მათთან ერთად მიმწოდებელმა უნდა წარმოადგინოს ზემოაღნიშნული საბანკო გარანტიების საფუძველზე საქართველოში აკრედიტირებული საბანკო დაწესებულების ან/და სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიის მიერ გაცემული „კონტრ გარანტიები“ (მიმწოდებლის მიერ მოთხოვნილ ვალუტაში). საბანკო გარანტიები და მასთან დაკავშირებული დოკუმენტაცია წარმოდგენილი უნდა იქნას ქართულ ენაზე (დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი).
7.1.1 წინასწარ გადასახდელი თანხის ოდენობა და პირობები
1. მიმწოდებლის მოთხოვნის შემთხვევაში, შესაძლებელია განხორციელდეს საავანსო ანგარიშსწორება არაუმეტეს სახელშეკრულებო ღირებულების 50%-ის ოდენობით. ამ შემთხვევაში, მიმწოდებელი ვალდებულია წარმოადგინოს შესაბამისი ოდენობის საბანკო/სადაზღვეო გარანტია. საბანკო/სადაზღვეო გარანტიის მოქმედების ვადა მინიმუმ 2 (ორი) თვით უნდა აღემატებოდეს შესყიდვის ობიექტის სრული რაოდენობის მიწოდების დასრულებისათვის განსაზღვრულ ვადას. ამ შემთხვევაში ანგარიშსწორება განხორციელდება საავანსო საბანკო/სადაზღვევო გარანტიის წარმოდგენიდან 5 (ხუთი) სამუშაო დღის განმავლობაში. 2. ფაქტობრივად მიწოდებული საქონლის ღირებულების 100% მიმართული იქნება გაცემული ავანსის დასაფარად. 3. თეთრ სიაში რეგისტრირებული მიმწოდებლისთვის, საშეღავათო წინასწარი ანგარიშსწორების შემთხვევაში გაცემული ავანსის დაფარვა განხორციელდება შემდეგი წესით: მიწოდებული საქონლის ღირებულების პროპორციული გადახდისას პირველად იფარება გარანტიით გათვალისწინებული თანხის გარეშე, შეღავათით გაცემული ავანსი მის სრულ ამოწურვამდე, ხოლო შემდგომში მოხდება გარანტიით გათვალისწინებული თანხის დაფარვა მიწოდებული საქონლის ღირებულების 100%-ის ოდენობით.
7.2 ეტაპობრივი ან/და საბოლოო ანგარიშსწორების განხორციელების პირობები
ანგარიშსწორება განხორციელდება უნაღდო ანგარიშსწორებით ლარში.
7.3 ეტაპობრივი ან/და საბოლოო ანგარიშსწორების განხორციელების ვადები
მიმწოდებელთან ანგარიშსწორება განხორციელდება ფაქტობრივად მიწოდებული საქონლის ღირებულების მიხედვით. მიღება–ჩაბარების აქტის ხელმოწერის, ინსპექტირების აქტის, საგადასახადო ანგარიშ-ფაქტურისა და სასაქონლო ზედნადების (კანონმდებლობით დადგენილ შემთხვევებში) წარმოდგენის საფუძველზე, არაუგვიანეს 10 სამუშაო დღის ვადაში.
8.1 ხელშეკრულების პროექტი
9.1 სატენდერო კომისიის აპარატის საკონტაქტო წევრის ვინაობა და მონაცემები
ქეთევან პაპელიშვილი, 593571571, ketpapelishvili@sps.gov.ge ტექნიკურ საკითხებთან დაკავშირებით დაუკავშირდით თათია პარუნაშვილს - ტელ: 558 181 185, tparunashvili@sps.gov.ge
10.1 დამატებითი ინფორმაცია/დოკუმენტები
10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით. 10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია. 10.1.3 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. გარდა, სატენდერო დოკუმენტაციის კითხვარის 1.3 პუნქტით გათვალისწინებული დანართისა (ფასების ცხრილი/ხარჯთაღრიცხვა) რომელიც წარმოდგენილი იქნება Excel-ის ფორმატის სახით. 10.1.4 „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს). 10.1.5 იმ შემთხვევაში, თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. 10.1.6 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში. 10.1.7 პრეტენდენტს არ აქვს უფლება წარმოადგინოს ალტერნატიული სატენდერო წინადადება. 10.1.8 მიმწოდებელი ვალდებულია გადასცეს შემსყიდველს უფლებრივად და ნივთობრივად უნაკლო და ახალი საქონელი. 10.1.9 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.
11.1 სატენდერო პირობების დამტკიცების შესახებ სატენდერო კომისიის სხდომის ოქმი