1.1 შესყიდვის ობიექტის დასახელება
ისნის რაიონის ტერიტორიაზე ხეების სხვლა-ფორმირების, კუნძების ამოძირკვა-გატანის, ზეხმელი და ავარიული ხეების ჭრა-დამუშავებისა და გატანის მომსახურება.
1.2 საქონლის ტექნიკური პარამეტრები/მომსახურების/სამუშაოს აღწერა (ტექნიკური დავალება), შესყიდვის ობიექტის რაოდენობა/მოცულობა
1.2.1 გასაწევი მომსახურების ჩამონათვალი მოცემულია დანართი N1-ში. მოცულობები არის სავარაუდო, ხელშეკრულების მოქმედების პერიოდში ფაქტიურად გასაწევი მომსახურების მიხედვით მოხდება მათი დაზუსტება (შემცირება ან გაზრდა), ერთეულის ფასისა და ხელშეკრულების საერთო ღირებულების შეუცვლელად; 1.2.2 გასაწევი მომსახურების ხარჯთაღრიცხვა წარმოდგენილი უნდა იქნეს სატენდერო დოკუმენტაციის დანართი N1-ის შესაბამისად (ხარჯთაღრიცხვის წარმოუდგენლობა ან განუფასებელი ხარჯთაღრიცხვის წარმოდგენა ან წარმოდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს, დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).. 1.2.3 პრეტენდენტის მიერ წარმოდგენილი ერთეულის ფასები არ უნდა აღემატებოდეს დანართი N1-ში მითითებული შესაბამისი ერთეულის ზღვრული ფასების ოდენობას. 1.2.4 კონკრეტული დავალებები და მისამართები მიმწოდებელს გადაეცემა შემსყიდველის მიერ ეტაპობრივად. 1.2.5 მომსახურება განხორციელდება (ფორს-მაჟორული შემთხვევების გარდა) გამგეობის შესაბამისი თანხმობის საფუძველზე. 1.2.6 მიმწოდებელი ვალდებულია შემსყიდველის მოთხოვნის შემთხვევაში ერთდროულად იმუშაოს მინიმუმ 2(ორი) ჯგუფით, თითოეული ჯგუფი 7 (შვიდი) კაციანი შემადგენლობით. 1.2.7 მიმწოდებელი ვალდებულია ავარიულ შემთხვევებში (ხის მოტეხვა, ტოტის მოტეხვა და სხვა) ქ.თბილისის მუნიციპალიტეტის ისნის რაიონის თანამშრომლის შეტყობინების (მოკლეტექსტური, სატელეფონო ზარი, ელექტრონული ფოსტა) საფუძველზე ერთი საათის განმავლობაში გამოცხადდეს სათანადო ტექნიკითა და აღჭურვილობით და უზრუნველყოს მომსახურების დაწყება. 1.2.8 მიმწოდებელმა სამუშაოები უნდა დაიწყოს შემსყიდველის მიერ დავალების გადაცემიდან არაუგვიანეს 1 (ერთი) დღის ვადაში. მომსახურება შესაძლებელია განხორციელდეს როგორც სამუშაო ისე უქმე და დასვენების დღეებში, დღე-ღამის ნებისმიერი დროის მონაკვეთში (ფორს-მაჟორულ სიტუაციის შემთხვევაში 24 საათის განმავლობაში). 1.2.9 ავტოტრანსპორტის მოძრაობის შეუფერხებლად გადაადგილებისა და საცობის თავიდან აცილების მიზნით მომსახურება შესაძლებელია განხორციელდეს ღამის საათებშიც, კერძოდ 00:00 საათიდან 06:00 საათამდე. 1.2.10 მიმწოდებელმა უნდა უზრუნველყოს მოჭრილი (მოტეხილი/მოთხრილი) ხეების დაჭრა კოტრებად (ზომით არაუმეტეს 40-50სმ) და წარმოქნილი საშეშე მერქნის შენახვა მის მიერ მითითებულ სასაწყობო ფართში ან განახორციელოს დარიგება შემსყიდველის მიერ მითითებულ მისამართებზე საკუთარი ხარჯით, რაზეც გაფორმდება შესაბამისი მიღება-ჩაბარების აქტი. 1.2.11 მიმწოდებელი იღებს ვალდებულებას, რომ გაწეული მომსახურების ხარისხი უპასუხებს ხელშეკრულებით გათვალისწინებულ პირობებს და დააკმაყოფილებს შემსყიდველის მოთხოვნებს 1.2.12 შემსყიდველს ან მის წარმომადგენელს უფლება აქვთ განახორცილეონ ტექნიკური კონტროლი ან/და შეამოწმონ მომსახურება, რათა დარწმუნდენ მათ შესაბამისობაში კონტრაქტით გათვალისწინებულ ტექნიკურ პირობებთან. 1.2.13 შემსყიდველი ვალდებულია წერილობითი ფორმით დაუყოვნებლივ აცნობოს მიმწოდებელს ნაკლის აღმოჩენის შესახებ; 1.2.14 მიმწოდებელი ვალდებულია საკუთარი ხარჯებით უზრუნველყოს კონტროლის (ინსპექტირების) შედეგად გამოვლენილი ყველა დეფექტის ან ნაკლის აღმოფხვრა და წუნდებით გაწეული მომსახურების ხელახალი შესრულება. ასევე აღნიშნული დეფექტების შედეგად შემსყიდველისა და მესამე პირებისათვის მიყენებული ზიანის ანაზღაურება; 1.2.15 მომსახურების დროს ხე-მცენარეების, შენობა-ნაგებობების ან სხვა საგნების დაზიანების შემთხვევაში ან თუ ზიანი მიადგა მესამე პირის ქონებას, მიმწოდებელი ვალდებულია დაუყოვნებლივ აცნობოს აღნიშნულის შესახებ შემსყიდველს და შესაბამის ორგანოებს. მიმწოდებელი ვალდებულია თავისი ხარჯებით აღმოფხვრას მიყენებული ზიანი/ზარალი. 1.2.16 ქალაქ თბილისის ტერიტორიაზე ზეხმელი, ხმობადი და ავარიული ხეების მოჭრის მომსახურება ხორციელდება ქ. თბილისის მუნიციპალიტეტის ტერიტორიაზე მწვანე ნარგავების დაცვის, მოვლისა და აღდგენის წესის დამტკიცების შესახებ“ ქალაქ თბილისის მუნიციპალიტეტის საკრებულოს 2022 წლის 11 ივნისის №11-58 დადგენილების შესაბამისად. 1.2.17 მომსახურების გაწევისთვის ხის კატეგორიები პირობითად დაყოფილია შემდეგნაირად: I კატეგორიის ხე – 10 მეტრამდე ხე-მცენარე; II კატეგორიის ხე – 10 მეტრიდან 20 მეტრის ჩათვლით; III კატეგორიის ხე – 21 მეტრი და მასზე ზევით ხე-მცენარე; IV კატეგორიის ხე – 10 მეტრი და მასზე ზევით ხე-მცენარე ტექნიკისათვის მიუწვდომელ პირობებში. 1.2.18 ხის სხვლა-ფორმირების, დამუშავების და გატანის შემთხვევაში, გაწეული მომსახურების ღირებულების ანაზღაურება განხორციელდება ფაქტიურად გაწეული მომსახურების მიხედვით. მაგ: თუ მოხდა IV კატეგორიის ხის სხვლა-ფორმირება, დამუშავება და გატანა I კატეგორიის ხის დონემდე (სიმაღლემდე), გაწეული მომსახურების ღირებულება ანაზღაურდება I კატეგორიის ხის სხვლა-ფორმირება, დამუშავება და გატანაზე პრეტენდენტის მიერ დაფიქსირებული ფასის მიხედვით. ანალოგიურად ანაზღაურდება სხვა კატეგორიების ხის სხვლა-ფორმირება, დამუშავება და გატანის შემთხვევაშიც. 1.2.19 მომსახურების განხორციელების დროს დაცული უნდა იყოს საქართველოს კანონმდებლობით განსაზღვრული უსაფრთხოების ნორმები, მათ შორის მიმწოდებლის პერსონალი აღჭურვილნი უნდა იყვეს უნიფორმით, ჩაფხუტებით, პირადი უსაფრთხოების აქსესუარებით და ინვენტარით, პირველადი დახამარების სამედიცინო ჩანთით; 1.2.20 თუ სამუშაოები იწვევს მოძრაობის შეფერხებას, მიმწოდებელი ვალდებულია წინასწარ შეატყობინოს და შეათანხმოს შესაბამის სამსახურებთან მომსახურების გაწევა და სრულად დაიცვას შეთანხმებული სქემით განსაზღვრული პერიმეტრი შესაბამისი მარეგულირებელი ნიშნებით. ყოველ კონკრეტულ ობიექტზე სამუშაო ადგილი უნდა შემოიფარგლოს თვალსაჩინო ნიშნებით. 1.2.21 მიმწოდებელი ვალდებულია საჭიროების შემთხვევაში უზრუნველყოს ობიექტზე დამცავი ბარიერების მოწყობა. 1.2.22 მომსახურების დასრულების შემდეგ, მიმწოდებელი ვალდებულია თავისი ძალებით და სახსრებით დაუყონებლივ გაათავისუფლოს სამუშაო ადგილი მანქანა-მექანიზმებისაგან, მოწყობილობა-დანადგარებისაგან, წარმოქმნილი ნარჩენებისაგან და ა.შ.
1.3 ფასების ცხრილი/ხარჯთაღრიცხვა
1.4 საქონლის მიწოდების/მომსახურების გაწევის/სამუშაოს შესრულების ვადა
მომსახურება განხორციელდება ხელშეკრულების გაფორმებიდან 2025 წლის 25 დეკემბრამდე, ეტაპობრივად.
1.5 საქონლის მიწოდების/მომსახურების გაწევის/სამუშაოს შესრულების ფორმა და ადგილი
მომსახურების შესრულება განხორციელდება შემსყიდველის მოთხოვნის საფუძველზე, ეტაპობრივად. მომსახურების გაწევის ადგილი: ისნის რაიონის ტერიტორია. კონკრეტული დავალებები და მისამართები გამარჯვებულ პრეტენდენტს გადაეცემა შემსყიდველი ორგანიზაციის მიერ.
2.2.1 მოთხოვნა პრეტენდენტის გამოცდილების შესახებ
1. პრეტენდენტს 2022 წლის 1 იანვრიდან ტენდერის გამოცხაებამდე უნდა გააჩნდეს ანალოგიური (ქალაქში ან/და ქალაქის ტიპის დასახლებაში ხეების სხვლა-ფორმირების, კუნძების ამოძირკვა-გატანის, ზეხმელი და ავარიული ხეების ჭრა-დამუშავებისა და გატანის) სამუშაოების შესრულების გამოცდილება, ჯამური ღირებულებით მინიმუმ შესყიდვის ობიექტის სავარუდო ღირებულების 100 %-ის ოდენობის. საკმარისია ერთ-ერთი წელიც. აღნიშნულის დასადასტურებლად პრეტენდენტის მიერ ერთიან ელექტრონულ სისტემაში ატვირთული უნდა იქნას ინფორმაცია სატენდერო დოკუმენტაციის დანართი №2-ის შესაბამისად, ხელშეკრულებ(ები)ა და ამ ხელშეკრულების საფუძველზე გაფორმებული: 1. მიღება-ჩაბარების აქტები, 2. ფორმა N2 (შესრულებული სამუშაოების აქტი) და 3. გადახდის დამადასტურებელი დოკუმენტი ან სხვა, რომლითაც გარკვევით დადასტურდება პრეტენდენტის მიერ შესრულებული სამუშაო/მომსახურება; 2. იმ შემთხვევაში, თუ პრეტენდენტის მიერ ანალოგიური შესყიდვ(ები)ა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და სისტემაში სრულყოფილად არის ატვირთული შესრულების შესახებ ინფორმაცია/დოკუმენტაცია, SPA/NAT/CMR... ნომრ(ებ)ი-ს მითითების შემთხვევაში შესრულების დამადასტურებელი დოკუმენტ(ებ)ი-ს წარმოდგენა სავალდებულო არ არის. შენიშვნა: წარმოდგენილ უნდა იქნას ინფორმაცია გამოცდილების შესახებ დანართი N2–ის შესაბამისად.
2.3.1 მოთხოვნა პრეტენდენტის მატერიალურ-ტექნიკური ბაზის შესახებ
პრეტენდენტს მომსახურების გაწევის ადგილზე საჭიროების მიხედვით უნდა გააჩნდეს 2 მუშა ბრიგადა (თითოეული 7 კაცის ოდენობით) აღჭურვილი მოცემული სახეობისა და მინიმალური რაოდენობის მატერიალურ–ტექნიკური ბაზით, რომელიც გამოყენებული იქნება მომსახურების გაწევის პროცესში ყოველი კონკრეტული დავალების შესაბამისად, დავალების მოცულობიდან გამომდინარე. 1. პრეტენდენტს მომსახურების ადგილზე საჭიროების მიხედვით უნდა გააჩნდეს სატენდერო დოკუმენტაციის დანართი N3-ში მოცემული სახეობისა და მინიმალური რაოდენობის მატერიალურ–ტექნიკური ბაზა, რომელიც გამოყენებული იქნება მომსახურების წარმოების პროცესში. 2. სატენდერო დოკუმენტაციის დანართი N3-ში მითითებული ინფორმაცია (თანხმობა) წარმოდგენილი უნდა იქნას ჩამონათვალში მოცემული ტექნიკის სახეობების უცვლელად და მინიმალური რაოდენობის გათვალისწინებით. 3. პრეტენდენტმა უნდა წარმოადგინოს დანართი N3-ში მითითებული მატერიალურ–ტექნიკური ბაზის საკუთრების ან იჯარის დამადასტურებელი დოკუმენტაცია (ნოტარიულად დამოწმებული) თანდართული ტექნიკური დოკუმენტაციის სრულყოფილი მონაცემებითურთ. პრეტენდენტს საკუთრების ან იჯარით თუ არ ექნება სატენდერო დოკუმენტაციით გათვალისწინებული მატერიალურ–ტექნიკური ბაზა, მოხდება მისი დისკვალიფიკაცია. 4. მატერიალურ–ტექნიკური ბაზის იჯარის შემთხვევაში, იჯარის ხელშეკრულების დასრულების ვადა უნდა აღემატებოდეს ხელშეკრულებით გათვალისწინებული სამუშაოების დასრულების ვადას. 5. მანქანა-მექანიზმები მუდმივად უნდა იყოს გამართულ მდგომარეობაში, დაზიანების შემთხვევაში მომწოდებელი ორგანიზაცია ვალდებულია დაუყოვნებლივ შეაკეთოს მანქანა-იარაღი ან ჩაანაცვლოს ახლით. 6. ინფორმაცია (თანხმობა) მატერიალურ–ტექნიკური ბაზის შესახებ წარმოდგენილი უნდა იქნას დანართი N3-ის შესაბამისად.
2.5.1 მოთხოვნა საქონლის მიწოდების/მომსახურების გაწევის/სამუშაოს შესრულების ვადებთან დაკავშირებით (გეგმა-გრაფიკი)
მიმწოდებელი ვალდებულია მომსახურების გაწევა დაიწყოს წერილობითი დავალების ჩაბარებიდან 1 (ერთი) კალენდარული დღის ვადაში ( ფორს – მაჟორის შემთხვევაში დაუყოვნებლივ 24 საათიანი სამუშაო გრაფიკით).
2.9 სხვა დამატებითი მოთხოვნები
4.1.1 მოთხოვნა ფასწარმოქმნის ადეკვატურობის დამადასტურებელი დოკუმენტ(ებ)ის შესახებ
იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული პირის მიერ გაცემული შესაბამისი დასკვნა (სხვა აკრედიტირებული პირის მიერ გაცემულ დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ხარჯთაღრიცხვაში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე მომსახურების ხარჯთაღრიცხვით განსაზღვრული შესყიდვის ობიექტის მიწოდების შესაძლებლობა. დასკვნის წარმოუდგენლობა ან უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.
4.1.2 ფასწარმოქმნის ადეკვატურობის დამადასტურებელი დოკუმენტ(ებ)ის წარმოდგენის ვადა
მოთხოვნიდან 5 სამუშაო დღის ვადაში
6.1 მოითხოვება ხელშეკრულების შესრულების უზრუნველყოფის გარანტია
5 პროცენტი
6.2 სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში მოითხოვება გარანტია
10 პროცენტი
6.3 გარანტიის მოქმედების ვადა
ხელშეკრულების უზრუნველყოფის საბანკო გარანტიის მოქმედების ვადა 60 კალენდარული დღით უნდა აღემატებოდეს ხელშეკრულებით გათვალისწინებული სამუშაოების დასრულების ვადას.
6.4 გარანტიის პირობები
საბანკო გარანტია: 6.4.1. იმისათვის, რომ თავიდან იქნეს აცილებული რისკი წარმოქმნილი მიმწოდებლის მიერ სახელმწიფო შესყიდვების შესახებ ხელშეკრულების შეუსრულებლობის გამო, ტენდერში გამოიყენება გარანტირების მექანიზმის შემდეგი სახე-საბანკო გარანტია ხელშეკრულების საერთო ღირებულების 5 (10) პროცენტის ოდენობით. დანართი N3–ის მიხედვით. 6.4.2 მიმწოდებლის მიერ ხელშეკრულებით ნაკისრი ვალდებულებების დარღვევის (ხელშეკრულებით გათვალისწინებული ვალდებულებების შესრულებაზე უარის თქმა, ხელშეკრულებით გათვალისწინებული ვადების დარღვევა, ვალდებულებების უხარისხოდ, არაჯეროვნად შესრულება და სხვა) შემთხვევაში, მიმწოდებელს საბანკო გარანტიით გათვალისწინებული თანხა არ დაუბრუნდება. 6.4.3. მიმწოდებელს მისი წერილობითი მოთხოვნის საფუძველზე, ხელშეკრულების შესრულების უზრუნველსაყოფად გაცემული საბანკო გარანტია, ხელშეკრულებით გათვალისწინებული ვალდებულებების სრული და ჯეროვანი შესრულების შემთხვევაში დაუბრუნდება მხარეთა შორის შესყიდვის ობიექტის ბოლოო მიღება-ჩაბარების აქტის გაფორმების შემდეგ. 6.4.4.მიმწოდებლისაგან დამოუკიდებელი მიზეზების გამო ხელშეკრულების შეწყვეტის შემთხვევაში შემსყიდველი ორგანიზაცია ვალდებულია მიმწოდებლის მოთხოვნისთანავე დაუბრუნოს მას ხელშეკრულების შესრულების უზრუნველყოფის გარანტია. 6.4.5. უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. ხელშეკრულების უზრუნველყოფის საბანკო გარანტიის (დანართი N4) ფორმა ატვირთულია სატენდერო დოკუმენტაციის 10.1 პუნქტში.
7.2 ეტაპობრივი ან/და საბოლოო ანგარიშსწორების განხორციელების პირობები
ანგარიშსწორება მოხდება ეტაპობრივად უნაღდო ანგარიშსწორებით ლარში, 2025 წ. ქ. თბილისის მუნიციპალიტეტის ადგილობრივი ბიუჯეტის სახსრებით.
7.3 ეტაპობრივი ან/და საბოლოო ანგარიშსწორების განხორციელების ვადები
ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღისა
8.1 ხელშეკრულების პროექტი
9.1 სატენდერო კომისიის აპარატის საკონტაქტო წევრის ვინაობა და მონაცემები
გია ბულაშვილი, 577158615, g.bulashvili@tbilisi.gov.ge სატენდერო პირობების საკითხებზე - ვაჟა ადამია 577 15 86 34 ტექნიკურ საკითხებზე-გიორგი ქალიაშვილი 577 33 06 21
10.1 დამატებითი ინფორმაცია/დოკუმენტები
10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. 10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია. 10.1.3 პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის დანართ N1-ის (ფასების ცხრილი/მომსახურების ხარჯთაღრიცხვა/პრეისკურანტი) შესაბამისი ინფორმაცია წარმოდგენილ უნდა იქნეს MS Excel-ის ფორმატის ფაილის სახით, რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ სხვა დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა; 10.1.4 სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის მიერ სახელმწიფო შესყიდვების ერთიან ელექტრონულ სისტემაში წარმოდგენილ, უცხო ქვეყანაში შედგენილ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული. 10.1.5 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“. 10.1.6 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში. 10.1.7 პრეტენდენტს არა აქვს უფლება წარმოადგინოს ალტერნატიული სატენდერო წინადადება. პრეტენდენტის მიერ ერთიან ელექტრონულ სისტემაში ასატვირთი მონაცემები: 1. გასაწევი მომსახურების ხარჯთაღრიცხვა დანართი N1-ის მიხედვით; 2.ინფორმაცია ანალოგიური მომსახურების გაწევის შესახებ. წარმოდგენილი უნდა იყოს დანართი N2-ის მიხედვით; 3. ინფორმაცია მომსახურების გაწევისათვის საჭირო მანქანა-მექანიზმების შესახებ. წარმოდგენილი უნდა იყოს საკუთრების დამადასტურებელი დოკუმენტი ან იჯარის ხელშეკრულებ(ებ)ის ასლ(ებ)ი), დანართი 3-ის მიხედვით. 4. ხელშეკრულების უზრუნველყოფის საბანკო გარანტია (დანართი N4)
11.1 სატენდერო პირობების დამტკიცების შესახებ სატენდერო კომისიის სხდომის ოქმი