1.1 შესყიდვის ობიექტის დასახელება
საგრანტო პროექტის - „კვლევა, დასუფთავების მეთოდოლოგიები, ეკონომიკური ვალორიზაცია და მაკრო ალგეას პილოტური გამოყენება“ („Research, Cleaning Methodologies, Economic Valorization and Pilot Application for Macroalgal Blooms“, BSB00584 - MACRO CLEAN”, კონტრაქტი: Nr. MDLPA 192228/16.09.2024) ფარგლებში - კვლევითი ლაბორატორიების მომსახურება.
1.2 საქონლის ტექნიკური პარამეტრები/მომსახურების/სამუშაოს აღწერა (ტექნიკური დავალება), შესყიდვის ობიექტის რაოდენობა/მოცულობა
საგრანტო პროექტის „კვლევა, დასუფთავების მეთოდოლოგიები, ეკონომიკური ვალორიზაცია და მაკრო ალგეას პილოტური გამოყენება“ („Research, Cleaning Methodologies, Economic Valorization and Pilot Application for Macroalgal Blooms“) ფარგლებში, გათვალისწინებული ლაბორატორიული კვლებისათვის, მიმწოდებელმა უნდა უზრუნველყოს წყლის ობიექტებში ქიმიური დამაბინძურებლების (დარიშხანი, რკინა, ტყვია, თუთია, სპილენძი, კადმიუმი, მაგნიუმი, ვერცხლისწყალი), პესტიციდების და სხვა ფიზიკურ-ქიმიური მაჩვენებლების (pH-ის, ქლორიდების, სულფატიონი, პოლიფოსფატების, ნიტრიტების, ნიტრატების, ამონიუმის იონის, შეწონილი ნაწილაკების, სიხისტე, სიმღვრივე, ტუტიანობა, ჟანგბადის ბიოქიმიური მოხმარება, ქლოროფილი-ა, ტემპერატურა) შესწავლა ISO 10523-ის მიხედვით. არსებული ფონური მდგომარეობის შესწავლა - ზღვის წყლის ნიმუშებში; შესწვალა სეზონების მიხედვით, მონიტორინგი და ანალიზი. კვლევის ზონა მოიცავს: სარფი-ანაკლიას შავი ზღვის სანაპირო ზოლს (7 ლოკაციას). განსაკუთრებული ყურადღება დაეთმობა ისეთ დამაბინძურებლებს, როგორიცაა ტყვია (Pb), კადმიუმი (Cd), ვერცხლისწყალი (Hg). ამ მიზნით პრეტენდენტმა უნდა განახორციელოს შეგროვებული ნიმუშების ქიმიური საექსპერტო მომსახურება ცხრილში მოცემული პირობებით. შეყიდვის ობიექტის დასახელება, გასაწევი მომსახურების ზუსტი აღწერილობა, მომსახურების გაწევის პერიოდი და რაოდენობა/მოცულობა მოცემულია დანართი N1-ში - ფასების ცხრილი.
1.3 ფასების ცხრილი/ხარჯთაღრიცხვა
1.4 საქონლის მიწოდების/მომსახურების გაწევის/სამუშაოს შესრულების ვადა
მომსახურება უნდა განხორციელდეს დანართი N1 - ფასების ცხრილში განსაზღვრული პერიოდების დაცვით, ხელშეკრულების გაფორმებიდან 2026 წლის 15 სექტემბრის ჩათვლით.
1.5 საქონლის მიწოდების/მომსახურების გაწევის/სამუშაოს შესრულების ფორმა და ადგილი
მომსახურება უნდა განხორციელდეს სატენდერო დოკუმენტაციის 1.3. პუნქტში ატვირთული დანართი N1 - ფასების ცხრილის პირობების დაცვით.
2.7.1 მოთხოვნა ლიცენზიასთან, აკრედიტაციასთან, სტანდარტებთან, ხარისხის შესაბამისობასთან და სხვ. დოკუმენტების შესახებ
ელექტრონული ტენდერით გათვალისწინებული კვლევები უნდა ჩატარდეს საერთაშორისო და საქართველოს კანონმდებლობის და ეროვნული სტანდარტების მოთხოვნების შესაბამისად. 1. პრეტენდენტმა უნდა წარმოადგინოს წინამდებარე ტენდერით გათვალისწინებული რომელიმე სფეროს (ზღვის წყალი ან/და მცენარე ან/და ნიადაგის) ლაბორატორიული მომსახურების აკრედიტაციის მოწმობა ან მისი ნოტარიულად დამოწმებული ასლი; 2. ასევე წარმოდგენილი უნდა იქნას აკრედიტაციის სფეროს ის ნაწილი (ნოტარიულად ან აკრედიტაციის ცენტრის მიერ დამოწმებული ასლი), რომელითაც დასტურდება, რომ პრეტენდენტს შეუძლია მოცემულ ტენდერში განსაზღვრული გამოსაკვლევი მაჩვენებლების (ზღვის წყალი ან/და მცენარე ან/და ნიადაგის) ტესტირება.
2.9 სხვა დამატებითი მოთხოვნები
2.9.1. წინადადების ფასი: 2.9.1.1. წინადადების ფასი გამოსახული და დაფიქსირებული უნდა იყოს ეროვნულ ვალუტაში, შესაბამისად პრეტენდენტმა ფასების ცხრილი უნდა წარმოადგინოს ლარში, არაუმეტეს 135000 ლარზე, მათ შორის: 2025 წლისათვის გათვალისწინებული მომსახურებების (I-III პერიოდი) ჯამური ღირებულება არ უნდა აღემატებოდეს 81000 ლარს, ხოლო 2026 წლის მომსახურებების (IV-V პერიოდი) ჯამური ღირებულება 54000 ლარს; 2.9.1.2. გამარჯვებულ პრეტენდენტთან ხელშეკრულება გაფორმდება ევროში, ხელშეკრულების გაფორმების დღეს ეროვნული ბანკის მიერ დაფიქსირებული ოფიციალური გაცვლითი კურსის შესაბამისად დაკორექტირებული ფასების ცხრილის (ევროში) მიხედვით, ერთეულის ფასის მეასედამდე დამრგვალებით, ევრო ცენტების სიზუსტით (მძიმის შემდეგ ორი ციფრი), ხოლო ანგარიშწორება განხორციელდება ეროვნულ ვალუტაში (რეზიდენტი პირების შემთხვევაში) მიღება-ჩაბარების დღეს ეროვნული ბანკის მიერ დაფიქსირებული ოფიციალური გაცვლითი კურსის შესაბამისად. 2.9.1.3. მომსახურება უნდა განხორციელდეს 5 ეტაპად, მათ შორის თითოეული პერიოდის ჯამური ღირებულება არ უნდა აღემატებოდეს - 27000 ლარს. ამიტომ პრეტენდენტის მიერ ფასების ცხრილის ორივე პოზიციაზე დაფიქსირებული ერთეულის ფასების ჯამი არ უნდა აღემატებოდეს 27000 ლარს. 2.9.1.4. თითოეული ეტაპის მომსახურების გაწევა უნდა განხორციელდეს შემსყიდველის მოთხოვნის შემდეგ, მიმწოდებელს არ ექნება პრეტენზია აუთვისებელ თანხაზე. 2.9.2. სხვა ინფორმაცია: 2.9.2.1. სატენდერო წინადადების წარდგენა შესაძლებელია მხოლოდ სისტემის მეშვეობით, აფიდავიტის პირობებზე დათანხმების, ელექტრონული გარანტიის წარდგენისა და საფასურის გადახდის შემდეგ, ამ პუნქტში გათვალისწინებული თანმიმდევრობით. 2.9.2.2. აფიდავიტი – წერილობითი დოკუმენტი, რომლის ხელმომწერი ადასტურებს დოკუმენტში მითითებული ინფორმაციისა და გარემოებების უტყუარობას და საქართველოს კანონმდებლობით დადგენილი წესით პასუხს აგებს აღნიშნული ინფორმაციისა და გარემოებების უტყუარობისთვის. 2.9.2.3. ელექტრონული ტენდერისთვის ტენდერის სტატუსის „წინადადებების მიღება დასრულებულია“ მინიჭებიდან არაუგვიანეს 5 სამუშაო დღის ვადაში, სატენდერო კომისია იმსჯელებს, შეესაბამება თუ არა ყველაზე დაბალი წინადადების ფასის მქონე პრეტენდენტის ტექნიკური დოკუმენტაცია სატენდერო პირობებს. 2.9.2.4. იმ შემთხვევაში, თუ პრეტენდენტის მიერ წარმოდგენილი ტექნიკური დოკუმენტაცია არ შეესაბამება სატენდერო პირობებს, პრეტენდენტი ექვემდებარება დისკვალიფიკაციას.
4.1.1 მოთხოვნა ფასწარმოქმნის ადეკვატურობის დამადასტურებელი დოკუმენტ(ებ)ის შესახებ
4.1.1.1 იმ შემთხვევაში, თუ ტენდერში ყველაზე დაბალი სატენდერო წინადადების ფასის მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით ნაკლები იქნება შესყიდვის ობიექტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასაბუთებისთვის პრეტენდენტის მიერ წარმოდგენილი უნდა იქნას სსიპ ,,ლევან სამხარაულის სახელობის სასამართლო ექსპერტიზის ეროვნული ბიურო“-ს ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი). 4.1.1.2 ფასწარმოქმნის ადეკვატურობის დამადასტურებელი დოკუმენტ(ებ)ით ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.
4.1.2 ფასწარმოქმნის ადეკვატურობის დამადასტურებელი დოკუმენტ(ებ)ის წარმოდგენის ვადა
მოთხოვნიდან 2 სამუშაო დღის ვადაში
7.2 ეტაპობრივი ან/და საბოლოო ანგარიშსწორების განხორციელების პირობები
7.2.1. ანგარიშსწორების ფორმა - უნაღდო, ვალუტა - ლარი. 7.2.2. ანგარიშსწორება მიმწოდებელთან განხორციელდება ეტაპობრივად (პერიოდულად), თითოეული პერიოდის სრულად შესრულების შემდგომ მიმწოდებლის მიერ წარმოდგენილი შესაბამის ანგარიშისა და მხარეებს შორის მიღება-ჩაბარების აქტის გაფორმების შემდეგ. 7.2.3. შენიშვნა: საქართველოს მთავრობასა და ევროპის გაერთიანებათა კომისიას შორის 2007 წლის 18 ივნისს ხელმოწერილი ჩარჩო შეთანხმების საფუძველზე, შემსყიდველი ორგანიზაცია 1.1. პუნქტში აღნიშნული საგრანტო პროექტის ფარგლებში გათავისუფლებულია დღგ-ს, იმპორტის და აქციზის გადასახადისგან.
7.3 ეტაპობრივი ან/და საბოლოო ანგარიშსწორების განხორციელების ვადები
ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.
8.1 ხელშეკრულების პროექტი
9.1 სატენდერო კომისიის აპარატის საკონტაქტო წევრის ვინაობა და მონაცემები
მირზა იაკობაძე, 577218865, bsu.shesyidvebi@gmail.com
10.1 დამატებითი ინფორმაცია/დოკუმენტები
10.1.1. სატენდერო დოკუმენტაციის უცხოურ ენაზე წარმოდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. 10.1.2. ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად. 10.1.3. პრეტენდენტი, რომელიც მონაწილეობას მიიღებს აღნიშნულ ტენდერში, ავტომატურად ეთანხმება სატენდერო დოკუმენტაციით გათვალისწინებულ ყველა მოთხოვნას. 10.1.4. პრეტენდენტს არ აქვს უფლება წარმოადგინოს ალტერნატიული სატენდერო წინადადება.
11.1 სატენდერო პირობების დამტკიცების შესახებ სატენდერო კომისიის სხდომის ოქმი