1.1 შესყიდვის ობიექტის დასახელება
ბუნების დაცვის საერთაშორისო კავშირის (IUCN) საბჭოს მიერ დამტკიცებული „წითელი ნუსხის“ კრიტერიუმების შესაბამისად, მერქნიანი მცენარეების საკონსერვაციო სტატუსის განსაზღვრის მომსახურება.
1.2 საქონლის ტექნიკური პარამეტრები/მომსახურების/სამუშაოს აღწერა (ტექნიკური დავალება), შესყიდვის ობიექტის რაოდენობა/მოცულობა
1. კვლევის მიზანი: კვლევის მიზანია საქართველოს მასშტაბით გავრცელებული (როგორც ტყეში, ასევე ტყის გარეთ) მერქნიანი მცენარეების (ხეები, ბუჩქები) საკონსერვაციო სტატუსის განსაზღვრა ბუნების დაცვის საერთაშორისო კავშირის (IUCN) საბჭოს მიერ დამტკიცებული „წითელი ნუსხის“ უახლესი კრიტერიუმების („The Guidelines for Using the IUCN Red List Categories and Criteria“ version 16 (March 2024) ), შესაბამისად, რაც ხელს შეუწყობს საკონსერვაციო პრიორიტეტების განსაზღვრას, საფრთხეში მყოფი სახეობების დაცვის ეფექტური ღონისძიებების დაგეგმვასა და ბიომრავალფეროვნების სფეროში საერთაშორისო შეთანხმებების ეროვნულ დონეზე დანერგვას. კვლევა არსებული მონაცემების ანალიზთან ერთად, ასევე მოიცავს საველე კვლევების ჩატარებას და მიღებული შედეგების საფუძველზე კვლევას დაქვემდებარებული სახეობებისთვის IUCN წითელი ნუსხის კრიტერიუმების მიხედვით, საკონსერვაციო სტატუსის განსაზღვრას. 2. გასაწევი მომსახურება: კვლევის მიზნიდან გამომდინარე, კვლევის ფარგლებში გასაწევი მომსახურება მოიცავს ქმედებებს შემდეგი მიმართულებებით: 2.1. სამეცნიერო პუბლიკაციების, ანგარიშების და არსებული მონაცემთა ბაზების შესწავლა და ტყის ინვენტარიზაციის (ტყის ეროვნული აღრიცხვა, ტყის მართვის გეგმები) მონაცემების ანალიზი (არსებული მდგომარეობის დასადგენად, სარწმუნოდ ჩაითვლება ბოლო 5 წლის განმავლობაში ჩატარებული/გამოცემული პუბლიკაციები, ანგარიშები და ტყის ინვენტარიზაციის მონაცემები); 2.2. იმ სახეობების იდენტიფიცირება, რომელთა საკონსერვაციო სტატუსის განსასაზღვრად არსებული მონაცემები არასაკმარისია; 2.3. წინამდებარე ტექნიკური დავალების 2.2. პუნქტით იდენტიფიცირებული სახეობების საველე კვლევისთვის გამოსაყენებელი მეთოდოლოგიის შემუშავება და სამინისტროსთან შეთანხმება; 2.4 სამინიტროსთან შეთანხმებული აპრობირებული მეთოდოლოგიის მიხედვით საველე კვლევების ჩატარება, საქართველოს მთელ ტერიტორიაზე (გარდა ოკუპირებული ტერიტორიებისა). საველე კვლევები უნდა განხორციელდეს წინასწარ იდენტიფიცირებულ ადგილებზე. ტერიტორიები უნდა იდენტიფიცირდეს იმგვარად, რომ შერჩეულ ადგილებზე შეგროვებული მონაცემებით მიღებული შედეგების განზოგადება (ექსტრაპოლაცია) შესაძლებელი იყოს საქართველოს მთელ ტერიტორიაზე. 2.5 IUCN წითელი ნუსხის განსაზღვრის კრიტერიუმების გამოყენება (A-E კრიტერიუმები) სახეობების საკონსერვაციო სტატუსის განსასაზღვრად; 2.6 საველე კვლევების შედეგებზე და ამ პუნქტის 2.1 ქვეპუნქტის დროს გამოყენებულ მონაცემებზე დაყრდნობით, მერქნიანი მცენარეების სახეობებზე (ტექნიკური დავალების მე-4 პუნქტის განსაზღვრული „კვლევას დაქვემდებარებული სამიზნე ობიექტები“ მიხედვით) შემდეგი ინფორმაციების მომზადება: 2.6.1 სახეობის მდგომარეობის შესახებ (სიხშირე, დაფარულობა, ფიტოპათოლოგიური მდგომარეობა), გავრცელების შესახებ (ფართობი, შემცირების ტენდენციები, ფრაგმენტაცია), ჰაბიტატის მდგომარეობის შეფასება (დეგრადაციის ხარისხი, ცვლილებები); პოპულაციის ზომას, პოპულაციის რიცხოვნობის დინამიკას (რაზეც ეს შესაძლებელია), პოპულაციის ფრაგმენტაციას, ან/და IUCN წითელი ნუსხის კრიტერიუმების შესაბამისად, პოპულაციის კონსერვაციული სტატუსის დასადგენად საჭირო სხვა ინფორმაციას (მაგ: AOO ან/და EOO, პოპულაციის გრძელვადიანი ტრენდი და სხვ.). 2.7 სახეობებისთვის (ტექნიკური დავალების მე-4 პუნქტი განსაზღვრული „კვლევას დაქვემდებარებული სამიზნე ობიექტები“ მიხედვით) IUCN-ის „წითელი ნუსხის“ კატეგორიების (EX, EW, CR, EN, VU, NT, LC, DD) შესაბამისად, საკონსერვაციო სტატუსის განსაზღვრა და დასაბუთებული რეკომენდაციების მომზადება, მათი გრძელვადიანი კონსერვაციისათვის. 2.8 საბოლოო ანგარიშს თან უნდა ახლდეს, სახეობების შესახებ ინფორმაცია დანართი N3-ს შესაბამისად. კვლევას დაქვემდებარებული სამიზნე ობიექტებია მერქნიან მცენარეთა სახეობები, დანართი N2-ს შესაბამისად. გასაწევი მომსახურების დეტალური აღწერა მოცემულია ტექნიკურ დავალებაში (დანართი N1).
1.3 ფასების ცხრილი/ხარჯთაღრიცხვა
1.4 საქონლის მიწოდების/მომსახურების გაწევის/სამუშაოს შესრულების ვადა
მომსახურების გაწევის საერთო ვადა შეადგენს ხელშეკრულების ძალაში შესვლიდან არაუგვიანეს 2025 წლის 01 დეკემბრის ჩათვლით პერიოდს. მომსახურება უნდა განხორციელდეს 3 ეტაპად: I ეტაპი - პირველადი ანგარიში, რომელშიც ასახული უნდა იყოს საველე კვლევას დაქვემდებარებული სახეობების ნუსხა, საველე კვლევისათვის შერჩეული მეთოდოლოგიისა და ტერიტორიების შესახებ - ხელშეკრულების გაფორმებიდან არაუგვიანეს 30 კალენდარული დღის ვადაში; II ეტაპი - შუალედური ანგარიში/პრეზენტაცია, მოცემული ეტაპისთვის განხორციელებული კვლევების წინასწარი შედეგებით - ხელშეკრულების გაფორმებიდან 2025 წლის 01 აგვისტოს ჩათვლით პერიოდი; III ეტაპი - საბოლოო ანგარიში, სათანადო რეკომენდაციებითა და დასკვნებით - "ხელშეკრულების გაფორმებიდან 2025 წლის 01 დეკემბრის ჩათვლით პერიოდი.
1.5 საქონლის მიწოდების/მომსახურების გაწევის/სამუშაოს შესრულების ფორმა და ადგილი
მომსახურების გაწევის ადგილია მიმწოდებლის მიერ კვლევისათვის შერჩეული ტერიტორიები. განხორიცელებული კვლევების ანგარიშების წარმოდგენის ადგილია: ქ. თბილისი, მარშალ გელოვანის გამზ. N34, საქართველოს გარემოს დაცვისა და სოფლის მეურნეობის სამინისტრო. მიმწოდებელი ვალდებულია შემსყიდველის მოთხოვნის შემთხვევაში, მომსახურების გაწევის პერიოდში წარუდგინოს შემსყიდველს ანგარიშები მიმდინარე საქმიანობის შესახებ, ან/და შუალედური დასკვნები.
2.2.1 მოთხოვნა პრეტენდენტის გამოცდილების შესახებ
პრეტენდენტს უნდა გააჩნდეს მერქნიანი მცენარეების როგორც აღრიცხვის, ასევე მათი მდგომარეობის შეფასების გამოცდილება, რის დამადასტურებლად ერთიანი ელექტრონული სისტემის მეშვეობით უნდა წარმოადგინოს ბოლო 5 წლის განმავლობაში მინიმუმ ერთი დასრულებული პროექტის შესახებ ინფორმაცია დანართი N5-ის შესაბამისად და გაწეული მომსახურების დამადასტურებელი დოკუმენტი. იმ შემთხვევაში, თუ პრეტენდენტის მიერ წარმოდგენილ დანართ №5-ში მითითებული მონაცემების შესაბამისობის დადგენის მიზნით, შემსყიდველის მიერ ვერ იქნება მოძიებული სრულყოფილი ინფორმაცია, პრეტენდენტი ვალდებულია, შემსყიდველის მოთხოვნის შესაბამისად, წარმოადგინოს ხელშეკრულებებისა და მის შესაბამისად შედგენილი მომსახურების გაწევის დამადასტურებელი დოკუმენტების ასლები. მიმდინარე პროექტები არ განიხილება.
2.4.1 მოთხოვნა პრეტენდენტის პერსონალის გამოცდილების შესახებ
პრეტენდენტს, ტენდერით გათვალისწინებული მომსახურების გაწევის პროცესში ჩასართავად უნდა ჰყავდეს მერქნიან მცენარეთა აღრიცხვის ჩატარების თვალსაზრისით გამოცდილი და მაღალკვალიფიციური პერსონალი, რომელთაგანაც მინიმუმ ორის კვალიფიკაცია/სპეციალობა უნდა იყოს გარემოსდაცვითი მიმართულებით და ერთის - GIS სპეციალისტი. კვლევის პროცესში ჩართული პერსონალის გამოცდილების/კვალიფიკაციის შესახებ ინფორმაციის მიღების მიზნით პრეტენდენტმა თითოეულ პერსონაზე უნდა წარმოადგინოს: ა) პროფესიული და აკადემიური გამოცდილების ნაკრები (CV), (პერსონალური და აკადემიური გამოცდილების დამადასტურებელი დოკუმენტები; ბ) მინიმუმ ბოლო 3 წლის განმავლობაში, მერქნიანი მცენარეების (აღრიცხვა, შეფასება) კვლევის განხორციელების გამოცდილების დამადასტურებელი ინფორმაცია/დოკუმენტაცია.
2.9 სხვა დამატებითი მოთხოვნები
პრეტენდენტმა ერთიანი ელექტრონული სისტემის მეშვეობით უნდა წარმოადგინოს შემდეგი დოკუმენტები: ა) ფასების ცხრილი - დანართი N4-ის შესაბამისად; ბ) ინფორმაცია პრეტენდენტის გამოცდილების შესახებ დანართი N5-ის შესაბამისად; გ) ინფორმაცია მომსახურების გაწევის პროცესში ჩართული პერსონალის გამოცდილების შესახებ სატენდერო პირობების 2.4.1. პუნქტის შესაბამისად; დ) ინფორმაცია მომსახურების გაწევის პროცესში ჩართული პერსონალის შესახებ დანართი N6-ის შესაბამისად; • პრეტენდენტმა უნდა გაითვალისწინოს, რომ სისტემაში ატვირთულ ყველა დოკუმენტზე განხორციელებული უნდა იყოს კვალიფიციური ელექტრონული ხელმოწერა ან/და დამოწმებული უნდა იყოს ელექტრონული შტამპით.
4.1.1 მოთხოვნა ფასწარმოქმნის ადეკვატურობის დამადასტურებელი დოკუმენტ(ებ)ის შესახებ
იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია წარმოადგინოს ფასწარმოქმნის ადეკვატურობის დასაბუთება. ფასწარმოქმნის ადეკვატურობა შესაძლებელია დასაბუთდეს შესყიდვის ობიექტის მიწოდებასთან დაკავშირებით ექსპერტიზის/აუდიტის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტის ასლ(ებ)ი.
4.1.2 ფასწარმოქმნის ადეკვატურობის დამადასტურებელი დოკუმენტ(ებ)ის წარმოდგენის ვადა
მოთხოვნიდან 2 სამუშაო დღის ვადაში
7.2 ეტაპობრივი ან/და საბოლოო ანგარიშსწორების განხორციელების პირობები
ანგარიშსწორება განხორციელდება ეტაპობრივად, ფაქტიურად გაწეულ მომსახურებაზე შედგენილი მიღება-ჩაბარების აქტისა და მიმწოდებლის მიერ საგადასახადო ანგარიშ-ფაქტურის (კანონმდებლობით დადგენილ შემთხვევაში) წარმოდგენის შემდეგ.
7.3 ეტაპობრივი ან/და საბოლოო ანგარიშსწორების განხორციელების ვადები
ანგარიშსწორება მიმწოდებელთან განხორციელდება შესაბამისი დოკუმენტაციის წარმოდგენიდან არაუგვიანეს 10 (ათი) სამუშო დღის განმავლობაში.
8.1 ხელშეკრულების პროექტი
9.1 სატენდერო კომისიის აპარატის საკონტაქტო წევრის ვინაობა და მონაცემები
მარიამი სამხარაძე, 591221121, mariam.samkharadze@mepa.gov.ge
10.1 დამატებითი ინფორმაცია/დოკუმენტები
10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იყოს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. 10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია. 10.1.3 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და მომსახურების გაწევასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასი წარმოდგენილი უნდა იყოს ეროვნულ ვალუტაში. 10.1.4 პრეტენდენტს არა აქვს უფლება წარმოადგინოს ალტერნატიული წინადადება.
11.1 სატენდერო პირობების დამტკიცების შესახებ სატენდერო კომისიის სხდომის ოქმი