პრეტენდენტმა ფასთა ცხრილში (დანართი N2) უნდა წარმოადგინოს ინფორმაცია შემოთავაზებული საქონლის კონკრეტული საგარანტიო ვადის შესახებ. შესყიდვის ობიექტის საგარანტიო ვადა უნდა შეადგენდეს მიღება-ჩაბარების აქტის გაფორმებიდან არანაკლებ 1 (ერთი) წელს.

ტენდერით გათვალისწინებული სხვადასხვა სახის კომპიუტერული ტექნიკის მწარმოებელი კომპანია და მოდელი მითითებული უნდა იყოს დანართი N2-ის შესაბამის ველში. ამ ქვეპუნქტით მოთხოვნილი ინფორმაციის წარმოუდგენლობა დაზუსტებას არ ექვემდებარება და გამოიწვევს პრეტენდენტის დისკვალიფიკაციას. იმ შემთხვევაში თუ შემოთავაზებულ საქონელს არ გააჩნია მოდელი, სავალდებულოა აღნიშნულის მითითება ( მოდელის შესავსებ ველში უნდა მიეთითოს მაგ: „არ გააჩნია“, .... ). შემოთავაზებული პროდუქციის ტექნიკური მახასიათებლების გადამოწმება შესაძლებელი უნდა იყოს მწარმოებლის ოფიციალურ ვებ გვერდზე, ან პრეტედენტმა უნდა წარმოადგინოს შემოთავაზებული პროდუქციის მწარმოებლის მიერ გაცემული წერილი (ოფიციალური დოკუმენტი) რომელიც დაადასტურებს მის ტექნიკურ პარამეტრებს.

პრეტენდენტს 2022 წლის 1 იანვრიდან მოცემულ ტენდერში წინადადებების მიღების დასრულების დღემდე უნდა ჰქონდეს ანალოგიური/მსგავსი მიწოდების გამოცდილება, ჯამურად არანაკლებ 111 300.00 ლარის ღირებულების ფაქტობრივი შესრულება. მათ შორის, მინიმუმ ერთი ხელშეკრულება ფაქტობრივი შესრულებით - არანაკლებ 37 100.00 ლარისა. აღნიშნულის დასადასტურებლად, პრეტენდენტმა სისტემის მეშვეობით უნდა წარმოადგინოს შესაბამისი ხელშეკრულებ(ები)ა და ამ ხელშეკრულებ(ებ)ით გათვალისწინებული მიწოდების ფაქტობრივი შესრულების დამადასტურებელი დოკუმენტ(ებ)ი. იმ შემთხვევაში, თუ შემსყიდველი იყო სახელმწიფო ორგანიზაცია, დადებული ხელშეკრულებ(ებ)ის და მათი შესრულების დამადასტურებელი დოკუმენტ(ებ)ის სისტემაში ატვირთვა აუცილებელი არ არის. პრეტენდენტმა საკმარისია, წარმოადგინოს სახელმწიფო შესყიდვის ერთიანი ელექტრონული სისტემის მონაცემები, კერძოდ: SPA /NAT/DAP/CMR ნომრები.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%–ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობის ანუ ფასწარმოქმნის ადეკვატურობის დასაბუთებას. ფასწარმოქმნის ადეკვატურობა, შესაძლებელია დასაბუთდეს აუდიტორული დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების სრულად შესრულების შესაძლებლობას (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტი, რომელთა შესაბამისობა დადგენილი იქნება მიმდინარე პერიოდისათვის მოქმედი კანონმდებლობის შესაბამისად) ან/და შესყიდვის ობიექტის მიწოდებასთან დაკავშირებით პრეტენდენტის მიერ გაფორმებული ხელშეკრულებით და მისი შესრულების დამადასტურებელი დოკუმენტით, რომელიც ადასტურებს პრეტენდენტის მიერ ელექტრონული ვაჭრობის შედეგად დაფიქსირებულ საბოლოო ფასად ტენდერით გათვალისწინებული შესყიდვის ობიექტის სრულად მოწოდების შესაძლებლობას.

მოთხოვნიდან 2 სამუშაო დღის ვადაში