1.1 შესყიდვის ობიექტის დასახელება
შესყიდვის ობიექტს წარმოადგენს დაზვერვის სააგენტოს ბალანსზე რიცხული ავტოსატრანსპორტო საშუალებების ტექნიკური მომსახურება (სათადარიგო ნაწილებისა და საცხებ-საპოხი მასალების გათვალისწინებით).
1.2 საქონლის ტექნიკური პარამეტრები/მომსახურების/სამუშაოს აღწერა (ტექნიკური დავალება), შესყიდვის ობიექტის რაოდენობა/მოცულობა
1. მიმწოდებელმა უნდა უზრუნველყოს სატენდერო დოკუმენტაციის ფასების ცხრილით/პრეისკურანტით (ავტოპარკი) განსაზღვრული სხვადასხვა მარკის ავტომომანქანების შეკეთება და ტექნიკური მომსახურება წინამდებარე ტექნიკური დავალებით განსაზღვრული პირობების შესაბამისად. 2. ელექტრონულ ტენდერში გამარჯვების შემთხვევაში პრეტენდენტმა უნდა უზრუნველყოს შემდეგი სახის ტექ.მომსახურების გაწევა: • ავტოსატრანსპორტო საშუალებების პროფილაქტიკური და დიაგნოსტიკური მომსახურება, მათ შორის სათადარიგო ნაწილების შეკეთება ან/და შეცვლა; • საცხებ–საპოხი მასალების შეცვლა; • საჭიროების შემთხვევაში ევაკუატორით მომსახურება. 3. ავტომანქანის დაზიანებული ნაწილი უნდა შეიცვალოს ახალი/ექსპლუატაციაში არმყოფი თანამედროვე სტანდარტების შესაბამისი ხარისხის სათადარიგო ნაწილით. 4. ტენდერში გამარჯვებული პრეტენდენტის მიერ ტექ-მომსახურების გასაწევად ტექნიკური დოკუმენტაციით წარმოდგენილი საკუთრებაში და/ან სარგებლობაში არსებული ყველა სერვის-ცენტრი (ადგილმდებარეობის მიხედვით) აღჭურვილი უნდა იყოს კომპიუტერული დიაგნოსტიკის აპარატით, ზეთის შემცვლელი ვაკუუმური ბალონით, განშლადობის გასასწორებელი დანადგარით, ვულკანიზაციის დანადგარით, ძრავის ამოსაღები ამწეებით, ავტო-ამწეებით (არანაკლებ 10), ავტომობილის გასაჭიმი რობოტით, სამღებრო ოთახით, სარემონტო ორმოთი, სახარატე დაზგით, გამონაბოლქვის გამწოვით და მომსახურების გაწევისთვის საჭირო სხვა თანამედროვე აპარატურით და დანადგარებით. უნდა შეესაბამებოდეს ჰიგიენურ -სანიტარულ ნორმებს. (პრეტენდენტს თბილისის მასშტაბით უნდა გააჩნდეს საკუთრებაში და/ან სარგებლობაში არსებული ერთი სერვის-ცენტრი მაინც. თბილისის ფარგლებს გარეთ შესაძლებელია შემოთავაზებული იყოს ქვეკონტრაქტორების მომსახურება). 5. მიმწოდებელმა უნდა უზრუნველყოს წინამდებარე ტენდერის სატენდერო პირობებით განსაზღვრული (პრეისკურანტი) ტექ.მომსახურების გაწევა, მის მიერ ტექნიკური დოკუმენტაციით წარმოდგენილ სერვის-ცენტრებში, როგორც საკუთრებაში და/ან სარგებლობაში არსებულის, ასევე ქვეკონტრაქტორების შემთხვევაში (ადგილმდებარეობის მიხედვით მითითებულ მისამართზე). მხოლოდ გამონაკლის შემთხვევაში, დაზვერვის სააგენტოს თანხმობის შემდეგ იქნება შესაძლებელი ავტომანქანის შესაკეთებლად მისი სხვა სერვის-ცენტრში გადაყვანა მიმწოდებლის ხარჯებით. 6. მიმწოდებელმა წინამდებარე ტენდერის ფარგლებში, მისი ტექნიკური დოკუმენტაციით განსაზღვრულ თითოეულ სერვის-ცენტრში უნდა უზრუნველყოს ერთდროულად ტექ.მომსახურების გაწევა არანაკლებ 10 ავტომანქანისთვის (თბილისის მაშტაბით). 7. სერვის-ცენტრებს უნდა გააჩნდეს საჭირო ფართი იმისათვის, რომ უზრუნველყოს ზემოაღნიშნული რაოდენობების ფარგლებში შემსყიდველის ავტომობილების განთავსება ბოქსებში ან/და შესაბამის სადგომზე (დაცულ ტერიტორიაზე). ასევე, თბილისის სერვის-ცენტრს უნდა ჰქონდეს მოცდის ოთახი, რომელიც აღჭურვილი უნდა იყოს სათანადო ავეჯითა და გათბობა-კონდიცირებით. 8. ავტომანქანის სერვის ცენტრში მიყვანიდან, მიმწოდებელმა შემსყიდველის მოთხოვნიდან არაუგვიანეს მომდევნო კალენდარული დღისა უნდა ჩაატაროს ავტომობილების დათვალიერება და წარუდგინოს შემსყიდველს დეფექტური აქტი ხელმოსაწერად, რომელშიც აღნიშნული იქნება გასაწევი მომსახურების ან/და ასეთი მომსახურებისათვის სათადარიგო ნაწილების/საცხებ-საპოხი მასალის დეტალური აღწერა, თარიღი და პასუხისმგებელი პირის ხელმოწერა. მომსახურების გაწევის შემდეგ მიმწოდებელმა შემსყიდველს უნდა წარუდგინოს ასევე შესრულებული სამუშაოს აქტი, რომელშიც აღნიშნული იქნება გაწეული მომსახურების ან/და ასეთი მომსახურებისათვის გახარჯული სათადარიგო ნაწილების/საცხებ-საპოხი მასალის დეტალური აღწერა, თარიღი და პასუხისმგებელი პირის ხელმოწერა. ამასთან, ავტომანქანების ტექმომსახურება უნდა განხორციელდეს დეფექტურ აქტში მოცემულ მხოლოდ იმ პოზიციებზე, რომლებზეც იქნება შემსყიდველის უფლებამოსილი პირის თანხმობა-დასტური. 9. თბილისის სერვის ცენტრში მიმწოდებელს მხოლოდ შემსყიდველისათვის მუდმივად უნდა გამოყოს 3 (სამი) ამწე-დანადგარი, ამათგან ერთერთს უნდა გააჩნდეს ორმო. 10. თუ ხელშეკრულების დადების შემდეგ, ხელშეკრულების მოქმედების პერიოდში აღმოჩნდება, რომ პრეისკურანტში არ არსებობს რომელიმე სახის სათადარიგო ნაწილი/საცხებ-საპოხი მასალა/მომსახურება, აღნიშნული გასაწევი მომსახურების ერთეულის ფასი დადგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში შესაბამისი მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს. 11. მომსახურების გაწევის პერიოდში, მიმწოდებლის ბრალეულობით ავტოსატრანსპორტო საშუალების დაზიანების შემთხვევაში, მიყენებული ზიანის აღმოფხვრის ხარჯების სრულად ანაზღაურება ეკისრება მიმწოდებელს.
1.3 ფასების ცხრილი/ხარჯთაღრიცხვა
1.4 საქონლის მიწოდების/მომსახურების გაწევის/სამუშაოს შესრულების ვადა
1. მომსახურება უნდა განხორციელდეს ეტაპობრივად, შემსყიდველის მოთხოვნის შესაბამისად - 2026 წლის 1 იანვრიდან 2026 წლის 31 დეკემბრის ჩათვლით, შემდეგი პირობების გათვალისწინებით: 2. ავტომობილების ტექნიკური მომსახურება გაწეულ უნდა იქნას დაუყოვნებლივ, რიგგარეშე. მომსახურების გაწევის ვადა თითოეულ შემთხვევაში არ უნდა აღემატებოდეს: ა. ძრავის ზეთის, ფილტრებისა და სამუხრუჭე ხუნდის შეცვლა - არაუმეტეს 1 სთ. ბ. სავალი ნაწილების შეცვლა/აღდგენა - მოთხოვნიდან არაუმეტეს 1 სამუშაო დღე. გ. ძრავის, გადაცემათა კოლოფის და ხიდების ძირეული შეკეთება - მოთხოვნიდან არაუმეტეს 5 სამუშაო დღე. დ. ელექტრული დეტალების შეცვლა/აღდგენა - მოთხოვნიდან 1 სამუშაო დღე. ე. სათადარიგო ნაწილის საზღვარგარეთ შეკვეთის შემთხვევაში მომსახურების გაწევის ვადა არ უნდა აღემატებოდეს 40 კალენდარულ დღეს; 3. მიმწოდებელი ვალდებულია, ხელშეკრულების მოქმედების პერიოდში, ავტოსათადარიგო ნაწილის საქართველოს ფარგლებს გარეთ შეკვეთისას, ავტომანქანაზე დეფექტური აქტის შედგენიდან 2 (ორი) კალენდარული დღის ვადაში მოთხოვნის შემთხვევაში წარუდგინოს შემსყიდველს შეკვეთის დამადასტურებელი დოკუმენტი.
1.5 საქონლის მიწოდების/მომსახურების გაწევის/სამუშაოს შესრულების ფორმა და ადგილი
ავტოსატრანსპორტო საშუალებების ტექნიკური მომსახურების გაწევა უნდა განხორციელდეს შემდეგ ქალაქებში ან მათ მიმდებარე ტერიტორიაზე არაუმეტეს 15 კმ-ის რადიუსში (გარდა ქ. თბილისისა): • ქ. თბილისი; • ქ. ქუთაისი; • ქ. ბათუმი; • ქ. ზუგდიდი; • ქ. თელავი; • ქ. ახალციხე; • ქ. ფოთი.
1.7.1 მოთხოვნა საგარანტიო ვადის შესახებ
1. საგარანტიო ვადები: ა. სავალ ნაწილებზე - არანაკლებ 6 თვე; ბ. ძრავზე, გადაცემათა კოლოფზე და ხიდებზე - არანაკლებ 1 წელი ან 25 000 კმ; გ. ელექტრულ მოწყობილობებზე (გარდა ელ. მცველებისა და ნათურებისა) - არანაკლებ 1 წელი; დ. XENON-ის ტიპის ნათურებზე (ქარხნულად აღჭურვილ ავტომობილებზე) - არანაკლებ 6 თვე; ე. სათუნუქე და სამღებრო სამუშაოებზე - არანაკლებ 1 წელი; ვ. გადაბმულობის კომპლექტზე, სამუხრუჭე ხუნდებზე, დაკიდების დისკზე, მორგვის საკისრებზე და ყუმბარებზე - არანაკლებ 10000 კმ; ზ. ძირითად არგრეგატებზე გამოყენებულ შუასადებებზე - 10000კმ; თ. სინთეთიკურ ძრავის ზეთზე - არანაკლებ 10000 კმ; ი. ნახევრად სინთეტიკურ ძრავის ზეთზე - არანაკლებ 8000 კმ; კ. მინერალურ ძრავის ზეთზე - არანაკლებ 6000 კმ; 2. საგარანტიო პერიოდში, ავტომანქანის სათადარიგო ნაწილზე/გაწეულ მომსახურებაზე დეფექტის/ნაკლის/წუნის/ხარვეზის გამოვლენის შემთხვევაში ხელშეკრულების მოქმედების ნებისმიერ ეტაპზე და ასევე, მისი მოქმედების დასრულების შემდგომ მიმწოდებელი ვალდებულია შეტყობინების მიღებისთანავე გონივრულ ვადებში (მაგრამ არაუგვიანეს 5 კალენდარული დღისა) ნაკლის/წუნის გამოსწორების მიზნით შეცვალოს იგი ახალი სათადარიგო ნაწილით, შემსყიდველის მხრიდან დამატებითი დანახარჯების გაწევის გარეშე. ხოლო, საგარანტიო პირობებით ნაკისრი ვალდებულებების შესრულებაზე მიმწოდებლის მხრიდან უარის თქმის შემთხვევაში, შემსყიდველი უფლებამოსილია მიმწოდებელს ჩაატარებინოს ავტოტექნიკური ექსპერტიზა აკრედიტებულ საექსპერტო დაწესებულებაში-სათადარიგო ნაწილის/გაწეული მომსახურების ხარისხის/ვარგისიანობის/დაზიანების გამომწვევი მიზეზის დასადგენად, შემსყიდველის მხრიდან დამატებითი დანახარჯების გაწევის გარეშე. აღნიშნულ შემთხვევაში ექსპერტიზის ჩატარების ვადად განისაზღვრება შემსყიდველის მიმართვიდან 10 (ათი) კალენდარული დღე. მიმწოდებლის მხრიდან საგარანტიო პირობებით ნაკისრი ვალდებულებების შეუსრულებლობის შემთხვევაში, შემსყიდველი უფლებამოსილია მოსთხოვოს მიმწოდებელს შესაბამისი ხარჯების ანაზღაურება. 3. მიმწოდებელი ვალდებულია, საჭიროების შემთხვევაში, წინამდებარე ტენდერით გათვალისწინებული ავტოსატრანსპორტო საშუალებების ელექტრო (კომპიუტერული) სისტემის დიაგნოსტიკა და სავალი ნაწილების შემოწმების მომსახურება გაუწიოს შემსყიდველს უსასყიდლოდ - როგორც ხელშეკრულების მოქმედების ნებისმიერ ეტაპზე, ასევე საგარანტიო პერიოდის განმავლობაში.
2.2.1 მოთხოვნა პრეტენდენტის გამოცდილების შესახებ
1. ტენდერში მონაწილე პრეტენდენტს 2021 წლის 1 იანვრიდან მიმდინარე ტენდერის გამოცხადების თარიღამდე უნდა გააჩნდეს არანაკლებ 500 000 (ხუთასი ათასი) ლარის ღირებულების ავტოსატრანსპორტო საშუალებების ტექნიკური მომსახურების გაწევის გამოცდილება, რომლის დამადასტურებლად პრეტენდენტმა ელექტრონულ სისტემაში უნდა ატვირთოს ტექ.მომსახურების გაწევის დამადასტურებელი შემდეგი დოკუმენტები: ხელშეკრულებ(ები)ა და ამ ხელშეკრულების საფუძველზე გაფორმებული გაწეული ტექ-მომსახურების ამსახველი მიღება-ჩაბარების აქტ(ებ)ი, ან/და შესრულების დამადასტურებელი სხვა დოკუმენტაცია. იმ შემთხვევაში, თუ ანალოგიური გამოცდილება რეგისტრირებულია სახელმწიფო შესყიდვების სააგენტოს ერთიან ელექტრონულ სისტემაში, მითითებული უნდა იქნას სისტემის მიერ მინიჭებული SPA/CMR/NAT ნომერი და ხელშეკრულებას უნდა ქონდეს მინიჭებული სტატუსი „შესრულებული ხელშეკრულება“ ან/და სისტემაში ატვირთული უნდა იყოს საქონლის მიწოდებასთან დაკავშირებული მიღება ჩაბარების აქტები, იმ შემთხვევაში თუ ხელშეკრულებას ექნება მინიჭებული სტატუსი „მიმდინარე ხელშეკრულება“. 2. პრეტენდენტმა უნდა წარმოადგინოს არანაკლებ 3 (სამი) სარეკომენდაციო წერილი. სარეკომენდაციო წერილი გაცემული უნდა იყოს საბიუჯეტო ორგანიზაციიდან, თითოეული არანაკლებ 100 000 (ასი ათასი) ლარის ღირებულების ანალოგიური მომსახურების (კონკრეტულ ერთ წელში) გაწევის შესახებ. წერილები გაცემული უნდა იყოს 2021 - 2025 წლებში გაწეული მომსახურების შესახებ.
2.3.1 მოთხოვნა პრეტენდენტის მატერიალურ-ტექნიკური ბაზის შესახებ
ტენდერში გამარჯვებული პრეტენდენტის მიერ ტექ-მომსახურების გასაწევად ტექნიკური დოკუმენტაციით წარმოდგენილი საკუთრებაში და/ან სარგებლობაში არსებული ყველა სერვის-ცენტრი (ადგილმდებარეობის მიხედვით) აღჭურვილი უნდა იყოს კომპიუტერული დიაგნოსტიკის აპარატით, ზეთის შემცვლელი ვაკუუმური ბალონით, განშლადობის გასასწორებელი დანადგარით, ვულკანიზაციის დანადგარით, ძრავის ამოსაღები ამწეებით, ავტო-ამწეებით (არანაკლებ 10), ავტომობილის გასაჭიმი რობოტით, სამღებრო ოთახით, სარემონტო ორმოთი, სახარატე დაზგით, გამონაბოლქვის გამწოვით და მომსახურების გაწევისთვის საჭირო სხვა თანამედროვე აპარატურით და დანადგარებით. უნდა შეესაბამებოდეს ჰიგიენურ -სანიტარულ ნორმებს. (პრეტენდენტს თბილისის მასშტაბით უნდა გააჩნდეს საკუთრებაში და/ან სარგებლობაში არსებული ერთი სერვის-ცენტრი მაინც. თბილისის ფარგლებს გარეთ შესაძლებელია შემოთავაზებული იყოს ქვეკონტრაქტორების მომსახურება). ზემოთ აღნიშნულის დამადასტურებლად პრეტენდენტი ვალდებულია, სისტემის საშუალებით წარმოადგინოს შემდეგი ინფორმაცია/დოკუმენტაცია: • საკუთრებაში და/ან სარგებლობაში არსებული სერვის-ცენტრების (მისამართების მითითებით) ფლობის/სარგებლობის დამადასტურებელი დოკუმენტაცია და ინფორმაცია მათი მატერიალურ-ტექნიკური ბაზის შესახებ (სერვის-ცენტრების მიხედვით და კონკრეტულ პოზიციაზე ზუსტი რაოდენობის მითითებით).
2.8.1 ქვეკონტრაქტორთან დაკავშირებული მოთხოვნები
სერვისის გამწევი ქვეკონტრაქტორ(ებ)ის არსებობის შემთხვევაში წარმოდგენილ უნდა იქნეს გაფორმებული მოქმედი ხელშეკრულებ(ებ)ი (წარმოდგენილ ხელშეკრულებებში გარკვევით უნდა იკითხებოდეს (ტექსტის შინაარსიდან ირკვეოდეს)): ხელშეკრულების საგანი - შესყიდვის ობიექტის ტიპები: • ავტოსატრანსპორტო საშუალებების პროფილაქტიკური და დიაგნოსტიკური მომსახურება, მათ შორის სათადარიგო ნაწილების შეკეთება ან/და შეცვლა; • საცხებ–საპოხი მასალების შეცვლა; • საჭიროების შემთხვევაში ევაკუატორით მომსახურება.
2.9 სხვა დამატებითი მოთხოვნები
1. პრეტენდენტის მიერ წარმოდგენილ პრეისკურანტში დაფიქსირებული მომსახურების, სათადარიგო ნაწილის ან/და საცხებ-საპოხი მასალის ერთეულის ღირებულება არ უნდა აღემატებოდეს სატენდერო დოკუმენტაციის პრეისკურანტებში შესაბამის პოზიციაზე დაფიქსირებულ ერთეულის სავარაუდო ღირებულებას. 2. შემსყიდველის მიერ წარმოდგენილი პრეისკურანტის სავარაუდო ღირებულებასა და პრეტენდენტის მიერ ერთიან ელექტრონულ სისტემაში დაფიქსირებულ ბოლო შეთავაზებას შორის სხვაობის არსებობის შემთხვევაში, სხვაობა გამოანგარიშდება პროცენტულად, რომლის მიხედვითაც ფასთა კლება პრეტენდენტმა პროცენტულად და პროპორციულად უნდა ასახოს ყველა დასახელების მომსახურებაზე, სათადარიგო ნაწილზე და საცხებ-საპოხ მასალაზე. 3. პრეისკურანტის დაზუსტების შეთხვევაში, დაუშვებელია რომელიმე პოზიციაზე თავდაპირველად წარმოდგენილი ერთეულის ფასის გაზრდილი ღირებულებით წარმოდგენა. 4. იმ მომსახურების ღირებულებაში, რომლის გასაწევადაც საჭირო გახდება ავტომანქანიდან საბურავის მოხსნა და შემდგომ დაყენება, გათვალისწინებულია საბურავის მოხსნა-დაყენების ღირებულებაც და საბურავის მოხსნა-დაყენება ცალკე ანაზღაურებას არ დაექვემდებარება.
4.1.1 მოთხოვნა ფასწარმოქმნის ადეკვატურობის დამადასტურებელი დოკუმენტ(ებ)ის შესახებ
ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული შესყიდვის ობიექტის მიწოდების შესაძლებლობა.
4.1.2 ფასწარმოქმნის ადეკვატურობის დამადასტურებელი დოკუმენტ(ებ)ის წარმოდგენის ვადა
მოთხოვნიდან 3 სამუშაო დღის ვადაში
5.1.2 იურიდიული პირისთვის
ცნობა უფლებამოსილი ორგანოდან, რომელიც ადასტურებს, საქართველოს სახელმწიფო ბიუჯეტის წინაშე პრეტენდენტის დავალიანების არ არსებობას. შენიშვნა: იმ შემთხვევაში თუ პრეტენდენტს გამარჯვებულად გამოვლენის მომენტისთვის, ერთიანი ელექტრონული სისტემის (tenders.procurement.gov.ge) "შეთავაზებები"-ს ველში, ბიუჯეტის წინაშე არ უფიქსირდება დავალიანება, შემსყიდველის მიერ აღნიშნული ინფორმაციის გადამოწმება ჩაითვალოს დავალიანების შესახებ ცნობის წარმოდგენად.
5.1.3 ინდივიდუალური მეწარმისთვის
ცნობა უფლებამოსილი ორგანოდან, რომელიც ადასტურებს, საქართველოს სახელმწიფო ბიუჯეტის წინაშე პრეტენდენტის დავალიანების არ არსებობას. შენიშვნა: იმ შემთხვევაში თუ პრეტენდენტს გამარჯვებულად გამოვლენის მომენტისთვის, ერთიანი ელექტრონული სისტემის (tenders.procurement.gov.ge) "შეთავაზებები"-ს ველში, ბიუჯეტის წინაშე არ უფიქსირდება დავალიანება, შემსყიდველის მიერ აღნიშნული ინფორმაციის გადამოწმება ჩაითვალოს დავალიანების შესახებ ცნობის წარმოდგენად.
5.1.4 ფიზიკური პირისთვის
ა) პირადობის დამადასტურებელი სახელმწიფო დოკუმენტის ასლი; ბ) გადასახადის გადამხდელად რეგისტრაცის მოწმობის ასლი; გ) ცნობა უფლებამოსილი ორგანოდან, რომელიც ადასტურებს ბიუჯეტის წინაშე პრეტენდენტს დავალიანების არარსებობას. შენიშვნა: იმ შემთხვევაში თუ პრეტენდენტს გამარჯვებულად გამოვლენის მომენტისთვის, ერთიანი ელექტრონული სისტემის (tenders.procurement.gov.ge) "შეთავაზებები"-ს ველში, ბიუჯეტის წინაშე არ უფიქსირდება დავალიანება, შემსყიდველის მიერ აღნიშნული ინფორმაციის გადამოწმება ჩაითვალოს დავალიანების შესახებ ცნობის წარმოდგენად.
5.1.5 ამხანაგობისთვის
ცნობა უფლებამოსილი ორგანოდან, რომელიც ადასტურებს, საქართველოს სახელმწიფო ბიუჯეტის წინაშე პრეტენდენტის დავალიანების არ არსებობას.
5.1.6 არარეზიდენტი პირისთვის
შესაბამისი ქვეყნის უფლებამოსილი ორგანოების მიერ გაცემული საკვალიფიკაციო მონაცემების დამადასტურებელი დოკუმენტ(ებ)ი - ცნობა უფლებამოსილი ორგანოდან, რომელიც ადასტურებს ბიუჯეტის წინაშე პრეტენდენტის დავალიანების არარსებობას. წარმოდგენილ დოკუმენტს თან უნდა დაერთოს ნოტარიალურად დამოწმებული თარგმანი ქართულ ენაზე. საკვალიფიკაციო მონაცემების დამადასტურებელი დოკუმენტები გაცემული უნდა იყოს ელექტრონული ტენდერისთვის ტენდერის სტატუსის „გამოცხადებულია“ მინიჭებდე არაუგვიანეს 30 დღით ადრე.
5.1.7 წარმომადგენლობისთვის/ფილიალისთვის
ცნობა უფლებამოსილი ორგანოდან, რომელიც ადასტურებს საქართველოს სახელმწიფო ბიუჯეტის წინაშე წარმომადგენლობის დავალიანების არარსებობას. ასევე, შესაბამისი სახელმწიფო ბიუჯეტის წინაშე დამფუძნებელი კომპანიის დავალიანების არარსებობას. წარმოდგენილ დოკუმენტს თან უნდა დაერთოს ნოტარიალურად დამოწმებული თარგმანი ქართულ ენაზე.
6.1 მოითხოვება ხელშეკრულების შესრულების უზრუნველყოფის გარანტია
2 პროცენტი
6.2 სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში მოითხოვება გარანტია
3 პროცენტი
6.3 გარანტიის მოქმედების ვადა
გარანტიის მოქმედების ვადა არანაკლებ 30 კალენდარული დღით უნდა აღემატებოდეს ხელშეკრულების მოქმედების ვადას (ხელშეკრულების მოქმედების ვადა ერთი თვით აღემატება ხელშეკრულების მიწოდების ვადას).
6.4 გარანტიის პირობები
ხელშეკრულების გაფორმებამდე, პრეტენდენტმა უნდა წარმოადგინოს საქართველოს სამოქალაქო კოდექსის 879 მუხლის შესაბამისად გაცემული ხელშეკრულების შესრულების უზრუნველყოფის საბანკო გარანტია.
7.2 ეტაპობრივი ან/და საბოლოო ანგარიშსწორების განხორციელების პირობები
ანგარიშსწორება განხორციელდება საქონლის მიღება-ჩაბარების აქტის გაფორმების შემდეგ.
7.3 ეტაპობრივი ან/და საბოლოო ანგარიშსწორების განხორციელების ვადები
მიღება-ჩაბარების აქტის ხელმოწერიდან 10 სამუშაო დღის ვადაში.
8.1 ხელშეკრულების პროექტი
9.1 სატენდერო კომისიის აპარატის საკონტაქტო წევრის ვინაობა და მონაცემები
თამთა ლეკიაშვილი, 598739718, lekiashvilitamta@gmail.com
10.1 დამატებითი ინფორმაცია/დოკუმენტები
1. წინამდებარე ტენდერში მონაწილეობით პრეტენდენტი ავტომატურად ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. 2. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. 3. ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების გათვალისწინებით, სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი ან/და ინფორმაცია დამოწმებული უნდა იყოს ელექტრონული ხელმოწერით ან/და კვალიფიციური ელექტრონული შტამპით.
11.1 სატენდერო პირობების დამტკიცების შესახებ სატენდერო კომისიის სხდომის ოქმი