1.1 შესყიდვის ობიექტის დასახელება
საავტომობილო დიზელის 60 (სამოცი) ერთეულ ნიმუშში ტექნიკური დავალებით გათვალისწინებული ხარისხობრივი ნორმების განსაზღვრისთვის ლაბორატორიული კვლევის ჩატარება.
1.2 საქონლის ტექნიკური პარამეტრები/მომსახურების/სამუშაოს აღწერა (ტექნიკური დავალება), შესყიდვის ობიექტის რაოდენობა/მოცულობა
ტექნიკური დავალება - დანართი №1 ტექნიკური დავალება. მიმწოდებელმა უნდა უზრუნველყოს საავტომობილო დიზელის 60 ერთეულ ნიმუშში ლაბორატორიული კვლევის ჩატარება შემდეგი ხარისხობრივი ნორმების განსაზღვრისათვის 1. ცეტანის რიცხვი – კვლევითი მეთოდით - 60 ნიმუში 2. გოგირდის შემცველობა - 60 ნიმუში 3. სიმკვრივე 15°C - 60 ნიმუში 4. პოლიციკლური არომატული ნახშირწყალბადების მასური წილი - 60 ნიმუში 5. დისტილაცია 360°C-ზე - 60 ნიმუში 6. აფეთქების ტემპერატურა (დახურულ ტიგელში) - 60 ნიმუში 7. წყლის შემცველობა - 60 ნიმუში 8. ნავთობბაზის/საცავის რეზერვუარიდან სინჯის აღება - 20 ცალი ლაბორატორიული კვლევისათვის წარდგენილი ნიმუშების გამოცდა უნდა ჩატარდეს საქართველოში მოქმედი კანონმდებლობის შესაბამისად, კერძოდ: დიზელის ხარისხის ანალიზისთვის გამოყენებულ უნდა იქნეს საერთაშორისო სტანდარტები (ისო) ან/და ევროპული ნორმები (ენ) ან/და საქართველოს მიერ აღიარებული მისი ეკვივალენტური სხვა მეთოდები და სტანდარტები. ლაბორატორიული გამოცდის მიზნით დიზელის საწვავის სინჯები მიმწოდებელს გადაეცემა შემსყიდველის შესაბამისი უფლებამოსილი პირისაგან დალუქული, დეპარტამენტის წერილობითი მიმართვის საფუძველზე. საჭიროების შემთხვევაში მიმწოდებელმა უნდა უზრუნველყოს დეპარტამენტის შესაბამისი სტრუქტურული ერთეულის ხელმძღვანელის ან ნიმუშის/სინჯის ამღები უფლებამოსილი თანამშრომლის დაუყოვნებელი ინფორმირება (ელექტრონული ფოსტა ან/და სატელეფონო შეტყობინება) ნიმუშის/სინჯის გამოცდის შედეგების შესახებ. მიმწოდებელმა (საგამოცდო ლაბორატორიამ) უნდა უზრუნველყოს აკრედიტაციის პასპორტის შესაბამისი ფორმის მიხედვით ჩატარებული ტექნიკური ოპერაციის, თითოეული გამოცდა-ანალიზის, საანალიზო ნიმუშების გამოცდის ოქმების (არსებობის შემთხვევაში გრაფიკების, გაზომვების, ცხრილების, ნახაზების) შენახვა და დაცვა პირადი პასუხისმგებლობის ქვეშ არანაკლებ გამოცდის ოქმის შედგენიდან 1 (ერთი) წლის განმავლობაში და წარმოადგინონ ისინი მოთხოვნის შემთხვევაში. ლაბორატორიული კვლევისათვის გამოყენებული დიზელის საწვავის სინჯის რაოდენობა არ უნდა აღემატებოდეს 3 (სამი) ლიტრს. შემსყიდველის მოთხოვნის შემთხვევაში მიმწოდებელმა, საქართველოს ტერიტორიაზე, მოთხოვნიდან 5 სამუშაო დღის ვადაში, თავად უნდა უზრუნველყოს, შემსყიდველის შესაბამისი წარმომადგენლის ზედამხედველობის ქვეშ, ნავთობბაზების/საცავების რეზერვუარებში განთავსებული საწვავის სინჯების აღება. თითო რეზერვუარიდან სინჯის აღება უნდა განხორციელდეს 3 (სამი) თანაბარი ზომის ჭურჭელში. შემსყიდველი არ არის ვალდებული სრულად აითვისოს ფასების ცხრილი დანართი N2- ში მითითებული რაოდენობები.
1.3 ფასების ცხრილი/ხარჯთაღრიცხვა
1.4 საქონლის მიწოდების/მომსახურების გაწევის/სამუშაოს შესრულების ვადა
ნიმუშების მიწოდება განხორციელდება ერთიანად ან ეტაპობრივად 2026 წლის 20 ნოემბრის ჩათვლით. მიმწოდებელმა ნიმუშების გადაცემიდან ან ნავთობბაზის/საცავების რეზერვუარებიდან აღებიდან 30 (ოცდაათი) კალენდარული დღის განმავლობაში უნდა უზრუნველყოს შესაბამისი კვლევის ჩატარება და შემსყიდველისათვის გამოცდის ოქმის - კვლევის შედეგების წერილობით (არსებობის შემთხვევაში ოქმის თანდართულ მასალებთან ერთად - გრაფიკები, გაზომვები, ცხრილები, ნახაზები და სხვა) გადაცემა.
1.5 საქონლის მიწოდების/მომსახურების გაწევის/სამუშაოს შესრულების ფორმა და ადგილი
1. ნიმუშების მიწოდება უნდა განხორციელდეს საქართველოს ტერიტორიაზე მიმწოდებლის მიერ მითითებულ მისამართზე. 2. კვლევების შედეგების გადაცემა უნდა განხორციელდეს მისამართზე: ქ.თბილისი, ვლადიმერ წითლანაძის I შესახვევი N1, მე-6 სართული (ყოფილი - ქ. თბილისი გ.გულუას №6). 3. მომსახურება უნდა განხორციელდეს მიმწოდებლის მისამართზე.
2.3.1 მოთხოვნა პრეტენდენტის მატერიალურ-ტექნიკური ბაზის შესახებ
1. პრეტენდენტებმა უნდა წარმოადგინონ ინფორმაცია ლაბორატორიული-ცენტრ(ებ)ის შესახებ, მისამართ(ებ)ის მითითებით. მიმწოდებელს ექსპლოატაციაში უნდა გააჩნდეს არანაკლებ 1 (ერთი) ლაბორატორიული ცენტრ(ებ)ი. 2. ლაბორატორიული-ცენტრ(ებ)ი უნდა იყოს პრეტენდენტის სარგებლობაში (საკუთრება ან იჯარა). იჯარის (სარგებლობაში) არსებობის შემთხვევაში პრეტენდენტმა უნდა წარმოადგინოს შესაბამისი იჯარის (სარგებლობის) ხელშეკრულება. საკუთრების შემთხვევაში პრეტენდენტმა უნდა წარმოადგინოს საკუთრების დამადასტურებელი დოკუმენტი.
2.7.1 მოთხოვნა ლიცენზიასთან, აკრედიტაციასთან, სტანდარტებთან, ხარისხის შესაბამისობასთან და სხვ. დოკუმენტების შესახებ
1. მიმწოდებელმა უნდა უზრუნველყოს ნავთობპროდუქტების კვლევის სფეროში, საგამოცდო ლაბორატორი(ებ)ის საერთაშორისო სტანდარტის მიხედვით მიღებული აკრედიტაციის დამადასტურებელი შესაბამისი დოკუმენტის წარმოდგენა. დოკუმენტ(ებ)ის უცხოურ ენაზე წარდგენის შემთხვევაში მას უნდა დაერთოს ნოტარიულად დამოწმებული ქართული თარგმანი.
2.8.1 ქვეკონტრაქტორთან დაკავშირებული მოთხოვნები
1. ქვეკონტრაქტორის არსებობის შემთხვევაში სახელმწიფო შესყიდვების ერთიან ელექტრონულ სისტემაში განთავსებულ უნდა იქნას პრეტენდენტსა და ქვეკონტრაქტორ(ებ)ს შორის გაფორმებული ხელშეკრულებ(ები)ა, რომლის მოქმედების ვადაც უნდა იყოს არანაკლებ 2026 წლის 31 დეკემბრისა. 2. ქვეკონტრაქტორის არსებობის შემთხვევაში ქვეკონტრაქტორი უნდა აკმაყოფილებდეს სატენდერო დოკუმენტაციის 2.7.1 და 2.3.1 პუნქტებით განსაზღვრულ მოთხოვნებს და სახელმწიფო შესყიდვების ერთიან ელექტრონულ სისტემაში წარმოდგენილი უნდა იყოს შესაბამისი დოკუმენტები.
2.9 სხვა დამატებითი მოთხოვნები
სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი. სხვადასხვა ვალუტაში გამოსახული სატენდერო წინადადებები არ განიხილება. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია. ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად. პრედენდენტს არა აქვს უფლება წარმოადგინოს ალტერნატიული წინადადება.
4.1.1 მოთხოვნა ფასწარმოქმნის ადეკვატურობის დამადასტურებელი დოკუმენტ(ებ)ის შესახებ
იმ შემთხვევაში, თუ ყველაზე დაბალი წინადადების ფასის მქონე პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტი).
4.1.2 ფასწარმოქმნის ადეკვატურობის დამადასტურებელი დოკუმენტ(ებ)ის წარმოდგენის ვადა
მოთხოვნიდან 3 სამუშაო დღის ვადაში
7.2 ეტაპობრივი ან/და საბოლოო ანგარიშსწორების განხორციელების პირობები
მიმწოდებელთან ანგარიშსწორება განხორციელდება უნაღდო ანგარიშსწორების წესით ეროვნულ ვალუტაში. ფაქტიურად გაწეული მომსახურეობის ღირებულების ანაზღაურება განხორციელდება ორივე მხარის მიერ ხელმოწერილი მიღება-ჩაბარების აქტისა და შესაბამისი ფინანსური დოკუმენტაციის მიმწოდებლის მიერ წარდგენის შემდეგ.
7.3 ეტაპობრივი ან/და საბოლოო ანგარიშსწორების განხორციელების ვადები
ფაქტიურად გაწეული მომსახურეობის ღირებულების ანაზღაურება განხორციელდება ორივე მხარის მიერ ხელმოწერილი მიღება-ჩაბარების აქტისა და შესაბამისი ფინანსური დოკუმენტაციის მიმწოდებლის მიერ წარდგენიდან 10 (ათი) სამუშაო დღის განმავლობაში.
8.1 ხელშეკრულების პროექტი
9.1 სატენდერო კომისიის აპარატის საკონტაქტო წევრის ვინაობა და მონაცემები
ნიკო ხუციშვილი, 591512106, niko.khutsishvili@des.gov.ge
10.1 დამატებითი ინფორმაცია/დოკუმენტები
როგორც იურიდიული ასევე ფიზიკური პირისათვის პრეტენდენტმა სახელმწიფო შესყიდვების ერთიან ელექტრონულ სისტემაში სატენდერო წინადადების ფასის ატვირთვასთან ერთად უნდა ატვირთოს და წარმოადგინოს შემდეგი ტექნიკური დოკუმენტაცია: ა) სრული ინფორმაცია გასაწევი მომსახურების შესახებ ტექნიკური დავალება დანართი №1-ის მიხედვით; ბ) სატენდერო წინადადების ფასი (ფასების ცხრილი) დანართი №2-ის მიხედვით; გ) ინფორმაცია სატენდერო დოკუმენტაციის 2.7.1. პუნქტის მოთოვნების შესაბამისად დ) ინფორმაცია სატენდერო დოკუმენტაციის 2.3.1. პუნქტის მოთხოვნების შესაბამისად
11.1 სატენდერო პირობების დამტკიცების შესახებ სატენდერო კომისიის სხდომის ოქმი