1.1 შესყიდვის ობიექტის დასახელება
ქალაქ თბილისის მასშტაბით ტვირთის გადაზიდვის მომსახურების სახელმწიფო შესყიდვა.
1.2 საქონლის ტექნიკური პარამეტრები/მომსახურების/სამუშაოს აღწერა (ტექნიკური დავალება), შესყიდვის ობიექტის რაოდენობა/მოცულობა
1.2.1 მიმწოდებლის მიერ ტვირთის გადატანა/გადაზიდვის მომსახურების გაწევა უნდა მოხდეს მისი დამხმარე მუშა პერსონალით, საწვავით და შესაბამისი ტექნიკური აღჭურვილობით, რომლებითაც უზრუნველყოფს საქონლის დაზიანების გარეშე, ოპერატიულად დატვირთვა-გადმოტვირთვას და დაუზიანებლად გადაზიდვას. 1.2.2 მომსახურების გაწევის პროცესში, შემსყიდველის ტვირთის დაზიანების ან დაკარგვის შემთხვევაში, მიმწოდებელი ვალდებულია სრულად აუნაზღაუროს შემსყიდველს დაზიანების ან დანაკარგის ხარჯი. 1.2.3 ტვირთის სახეობები: საოფისე ინვენტარი, მაგიდები, სკამები, კომპიუტერული ტექნიკა, საყოფაცხოვრებო ტექნიკა, სურსათი, ბანერის კონსტრუქციები, სასცენო დეკორაციები და ღონისძიებებისათვის საჭირო კონსტრუქციები, 100 კილოვატიანი გენერატორი, 250 კილოვატიანი უწყვეტი კვების ბლოკი, სეიფი, ფორტეპიანო, როიალი, ლითონის ჯიხური, საბურავები და სხვა. 1.2.4 მარშრუტი ითვალისწინებს: შემსყიდველის დავალების შესაბამისად, ქალაქ თბილისის მასშტაბით ერთი დატვირთის პუნქტიდან ტვირთის დაუზიანებლად, ერთ ან პარალელურად რამდენიმე დანიშნულების პუნქტში გადატანა/გადაზიდვას. 1.2.5 მიმწოდებელმა უნდა გაითვალისწინოს, რომ ზოგიერთ შემთხვევაში მოუწევს ტვირთის შენობიდან გამოზიდვა, მათ შორის სართულებიდან ჩამოზიდვა, სატვირთოზე დატვირთვა და გადაზიდვის შემდეგ შენობაში შეზიდვა და სართულებზე აზიდვა. 1.2.6 მიმწოდებლის მიერ მომსახურების ხარჯთაღრიცხვის შევსებისას გათვალისწინებულ უნდა იქნას, რომ მე-2 და მე-3 პოზიციით გათვალისწინებული ერთეულის ღირებულებები უნდა იყოს მე-4 პოზიციის ერთეულის ღირებულებაზე ნაკლები.
1.3 ფასების ცხრილი/ხარჯთაღრიცხვა
1.4 საქონლის მიწოდების/მომსახურების გაწევის/სამუშაოს შესრულების ვადა
1.4.1 ხელშეკრულების ძალაში შესვლიდან ან 2026 წლის 01 თებერვლიდან (რომელიც უფრო გვიან დადგება) 2027 წლის 31 იანვრის ჩათვლით, ეტაპობრივად, შემსყიდველის დავალების შესაბამისად. 1.4.2 სატენდერო დოკუმენტაციის 1.4.1 პუნქტით გათვალისწინებული შემსყიდველის დავალებით განსაზღვრული ტვირთის გადატანა/გადაზიდვა უნდა მოხდეს დღე-ღამის ნებისმიერ მონაკვეთში, 24-საათიან რეჟიმში. 1.4.3 სატენდერო დოკუმენტაციის 1.4.1 პუნქტით გათვალისწინებული ყოველი კონკრეტული დავალებისათვის შემსყიდველი მიმწოდებელს წერილობით, ელექტრონული ფოსტის ან/და სატელეფონო (მოკლეტექსტური) შეტყობინების სახით უგზავნის დავალებას, რომელშიც მითითებული იქნება ინფორმაცია შესყიდვის ობიექტის სახეობის, რაოდენობის, მიწოდების ადგილისა და ვადის შესახებ.
1.5 საქონლის მიწოდების/მომსახურების გაწევის/სამუშაოს შესრულების ფორმა და ადგილი
ქ. თბილისის მუნიციპალიტეტის ტერიტორია, შემსყიდველის დავალებით განსაზღვრული ადგილ(ებ)ი.
2.9 სხვა დამატებითი მოთხოვნები
4.1.1 მოთხოვნა ფასწარმოქმნის ადეკვატურობის დამადასტურებელი დოკუმენტ(ებ)ის შესახებ
იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის (საშემფასებლო) დასკვნა (დასკვნასთან ერთად წარმოდგენილ უნდა იქნას შესაბამისი უფლებამოსილების დამადასტურებელი დოკუმენტი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ხარჯთაღრიცხვაში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე მომსახურების ხარჯთაღრიცხვით განსაზღვრული შესყიდვის ობიექტის მიწოდების შესაძლებლობა. დასკვნის წარმოუდგენლობა ან უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის 1-ელი, მე-2, მე-3, მე-5, მე-6 და მე-7 პუნქტებით განსაზღვრული წესები.
4.1.2 ფასწარმოქმნის ადეკვატურობის დამადასტურებელი დოკუმენტ(ებ)ის წარმოდგენის ვადა
მოთხოვნიდან 3 სამუშაო დღის ვადაში
7.2 ეტაპობრივი ან/და საბოლოო ანგარიშსწორების განხორციელების პირობები
ანგარიშსწორება მოხდება უნაღდო ანგარიშსწორებით ლარში, 2026 (90%) და 2027 (10%) წლების ადგილობრივი ბიუჯეტის სახსრებით.
7.3 ეტაპობრივი ან/და საბოლოო ანგარიშსწორების განხორციელების ვადები
ეტაპობრივად, გაწეული მომსახურების შესაბამისად, მიღება–ჩაბარების აქტის გაფორმებიდან 10 (ათი) სამუშაო დღის განმავლობაში.
8.1 ხელშეკრულების პროექტი
9.1 სატენდერო კომისიის აპარატის საკონტაქტო წევრის ვინაობა და მონაცემები
სოფიკო ცუხიშვილი, 598340929, s.tsukhishvili@tbilisi.gov.ge , ტექნიკურ საკითხებთან დაკავშირებით საკონტაქტო პირი: გიორგი თვაური, მობილური ტელეფონის ნომერი: 558940763. ელ-ფოსტა: Giotvao10@gmail.com.
10.1 დამატებითი ინფორმაცია/დოკუმენტები
10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. 10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია. 10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის დანართ N1-ის (ფასების ცხრილი/მომსახურების ხარჯთაღრიცხვა/პრეისკურანტი) შესაბამისი ინფორმაცია წარმოდგენილ უნდა იქნეს MS Excel-ის ფორმატის ფაილის სახით, რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ სხვა დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა. 10.1.4 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი. 10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში. 10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება. 10.1.7 პრეტენდენტის მიერ ერთიან ელექტრონულ სისტემაში ასატვირთი მონაცემები: 10.1.7.1 მომსახურების ხარჯთაღრიცხვა (დანართი N1), MS Excel-ის ფორმატის ფაილის სახით, სატენდერო დოკუმენტაციის 1.2.6 პუნქტის გათვალისწინებით.
11.1 სატენდერო პირობების დამტკიცების შესახებ სატენდერო კომისიის სხდომის ოქმი