1.1 შესყიდვის ობიექტის დასახელება
შინაგან საქმეთა სამინისტროს მცხეთა მთიანეთის პოლიციის დეპარტამენტის ბალანსზე რიცხულ შენობებში ელექტრო-მექანიკური მოწყობილობების, ცენტრალური გათბობის და გამაგრილებელი სისტემების შეკეთება და ტექნიკური მომსახურება
1.2 საქონლის ტექნიკური პარამეტრები/მომსახურების/სამუშაოს აღწერა (ტექნიკური დავალება), შესყიდვის ობიექტის რაოდენობა/მოცულობა
1.2.1 მომსახურება უნდა განხორცილდეს დანართ N1-ში (პრეისკურანტში) მითითებული შესაბამისი საქონლის და მომსახურების შესაბამისად. 1.2.2 მომსახურება გაწეული უნდა იქნას ყოველ კონკრეტულ შემთხვევაში შედგენილი დეფექტური აქტის შესაბამისად (დეფექტური აქტის. შესადგენად საჭირო ხარჯების ანაზღაურება უნდა განახორციელოს მიმწოდებელმა) 1.2.3 მომსახურეობა გულისხმობს შეკეთებას და საჭიროების შემთხვევაში დეტალების შეცვლას, 1.2.4 მომსახურეობა მოიცავს შინაგან საქმეთა სამინისტროს მცხეთა - მთიანეთის პოლიციის დეპარტამენტის ობიექტებზე არსებული გათბობა-გაგრილება-ვენტილაციის სისტემების დაზიანების პრევენციის მიზნით პერიოდულ რევიზია-რეგულირება-შეკეთებას, საჭიროების შემთხვევაში დეფექტური აქტის შედგენას, დაზიანებული დეტალების შეცვლას და სისტემის ექსპლუატაციაში გაშვებას; 1.2.5 პერიოდული რევიზია მოიცავს: ობიექტზე არსებული გათბობა-გაგრილება-ვენტილაციის სისტემის აგრეგატების შემადგენელი კომპონენტების და დეტალების შემოწმებას (აგრეგატებში მაცივარაგენტის წნევის, კომპრესორებში ზეთის დონის, ელექტრო სისტემის შემადგენელი ნაწილების მდგომარეობის, საცირკულაციო ტუმბოების მდგომარეობის შემოწმებას და ა.შ.), მათი მახასიათებლების ნორმებთან შესაბამისობას, საჭიროების შემთხვევაში რეგულირება/დაჰაერებას და შეზეთვა-გაპოხვის სამუშაოების ჩატარებას. (ანგარიშსწორების მიზნით რევიზია თითოეული დამოუკიდებელი სისტემისთვის იანგარიშება ცალ-ცალკე); 1.2.6 პერიოდული რევიზიის ჩატარებისას უნდა შედგეს აგრეგატის/სისტემის შემოწმების აქტი, რომელზეც მითითებული უნდა იყოს ინფორმაცია აგრეგატის/სისტემის დასახელების, ტექნიკური მდგომარეობის შესახებ და შემოწმების პროცესში ჩართული, ობიექტზე პასუხისმგებელი პირის სახელი, გვარი, თანამდებობა და ხელმოწერა; 1.2.7 პრეისკურანტში ახალი პოზიციის დამატება მოხდება ურთიერთშეთანხმების საფუძველზე, საბაზრო ფასის გათვალისწინებით. 1.2.8 მომსახურეობა უნდა განხორციელდეს შესაბამისი კვალიფიკაციის მქონე სპეციალისტების მიერ. სპეციალისტი აღჭურვილი უნდა იყოს ყველა საჭირო ხელსაწყოთი; 1.2.9 მუშაობის დროს დაცული უნდა იყოს უსაფრთხოების ნორმები; 1.2.10 მიმწოდებლის მიერ გამოყენებული უნდა იქნას ახალი (არამეორადი) სათადარიგო ნაწილები. მეორადი ნაწილების გამოყენება დასაშვებია მხოლოდ შემსყიდველთან შეთანხმებით, რა შემთხვევაშიც მეორადი სათადარიგო ნაწილის ღირებულება დადგინდება ურთიერთშეთანხმების საფუძველზე, საბაზრო ფასის გათვალისწინებით. 1.2.11 მიმწოდებელმა შეცვლილი დეტალები უნდა დატოვოს ობიექტზე, შესაბამის უფლებამოსილ პირთან. 1.2.12 მიმწოდებელმა გაუმართაობის დიაგნოზის დასმა, დეტალების შეცვლა და სისტემის ჩართვა/ექსპლუატაციაში გაშვება უნდა მოახდინოს აგრეგატის ობიექტიდან გატანის გარეშე; აუცილებლობის შემთხვევაში, აგრეგატის გატანა უნდა მოხდეს ხელშეკრულების კოორდინატორთან შეთანხმებით. 1.2.13 მიმწოდებელი ვალდებულია შესრულებული სამუშაოს ამსახველი დოკუმენტაცია (მიღება ჩაბარების აქტი) წარმოადგინოს არაუგვიანეს საანგარიშო თვის მომდევნო თვის 15 რიცხვისა. 1.2.14 მიმწოდებლის მიერ შემსყიდველის ქონების დაზიანების შემთხვევაში, მიმწოდებელი ვალდებულია საკუთარი ხარჯებით აღმოფხვრას აღნიშნული დაზიანება/მიყენებული ზიანი. 1.2.15 საქართველოს კანონმდებლობით გათვალისწინებულ ყველა გადასახადს; 1.2.16 შემსყიდველი უფლებამოსილია შეწყვიტოს მიმდინარე ხელშეკრულება, თუ მიმწოდებელზე გაგზავნილ იქნა ორი ან მეტი გამაფრთხილებელი წერილი, სადაც დაფიქსირებული იქნება მათ მიერ სამუშაოს არაჯეროვნად ან ვადაგადაცილებით შესრულების შემთხვევები. 1.2.17 სატრანსპორტო ღირებულების ანაზღაურება არ მოხდება, თუ ობიექტამდე მანძილი მცხეთიდან ნაკლები ან ტოლია 15 კმ-სა. 1.2.18 სატრანსპორტო ღირებულების ანაზრაურება მოხდება მხოლოდ იმ შემთხვევაში, თუ ობიექტამდე მანძილი ქ. მცხეთიდან აღემატება 15 კმ-ს. მოცემულ შემთხვევაში მანძილი (კილომეტრაჟი) გამოთვლილი იქნება შემდეგი პრინციპით, მანძილი მცხეთიდან ობიექტამდე და უკან მცხეთამდე (ანუ ანგარიშდება წინ და უკან გზა).
1.3 ფასების ცხრილი/ხარჯთაღრიცხვა
1.4 საქონლის მიწოდების/მომსახურების გაწევის/სამუშაოს შესრულების ვადა
მომსახურების გაწევა უნდა განხორციელდეს ხელშეკრულების გაფორმებიდან 2027 წლის 31 მარტის ჩათვლით, ეტაპობრივად - კვირის ნებისმიერ დღეს. მიმწოდებელი ვალდებულია მცხეთაში და მცხეთიდან არაუმეტეს 30კმ რადიუსით დაშორებულ ობიექტებზე, გამოცხადდეს გამოძახებიდან (გამოძახება შეუზღუდავად, კვირის ნებისმიერ დღეს) არაუმეტეს 12 საათის განმავლობაში და იგივე ვადაში შეადგინოს შესაბამისი დეფექტური აქტი. მიმწოდებელი ვალდებულია მცხეთიდან 30 კმ-ზე მეტი მანძილით დაშორებულ ობიექტებზე, გამოცხადდეს გამოძახებიდან (გამოძახება შეუზღუდავად, კვირის ნებისმიერ დღეს) არაუმეტეს 36 საათის განმავლობაში და იგივე ვადაში შეადგინოს შესაბამისი დეფექტური აქტი. მიმწოდებელი ვალდებულია უზრუნველყოს დანადგარის შეკეთება დეფექტური აქტის გაფორმებიდან 48 საათის განმავლობაში. თუ შეკეთებისთვის აუცილებელია სათადარიგო ნაწილის საღვარგარეთ შეკვეთა, მიმწოდებელმა მომსახურება უნდა გაწიოს დეფექტური აქტის შედგენიდან 15 კალენდარული დღის განმავლობაში. მიმწოდებელი ვალდებულია შემსყიდველის მოთხოვნიდან არაუმეტეს 2 სამუშაო დღის ვადაში წარმოადგინოს სათადარიგო ნაწილის საზღვარგარეთ შეკვეთის დამადასტურებელი დოკუმენტაცია. შენიშვნა: შემსყიდველის მხრიდან შეტყობინება განხორციელდება ელექტრონული ფოსტის ან ოფიციალური წერილის მეშვეობით.
1.5 საქონლის მიწოდების/მომსახურების გაწევის/სამუშაოს შესრულების ფორმა და ადგილი
მცხეთა - მთიანეთის პოლიციის დეპარტამენტი და მისი ტერიტორიული დანაყოფების ადმინისტრაციული შენობები
1.7.1 მოთხოვნა საგარანტიო ვადის შესახებ
საგარანტიო ვადა (დანართი N1-ის თითოეული პოზიციისთვის): მიღება-ჩაბარების აქტის გაფორმებიდან არანაკლებ 6 (ექვსი) თვე. პრეტენდენტი ვალდებულია წარმოადგინოს ინფორმაცია საგარანტიო ვადის შესახებ. საგარანტიო პერიოდში დაზიანების, ხარვეზების გამოვლენის შემთხვევაში, მიმწოდებელმა საკუთარი ხარჯებით უნდა უზრუნველყოს საქონელზე გამოვლენილი ნაკლის (ხარვეზის) აღმოფხვრა (საჭიროების შემთხვევაში ტრანსპორტირება, შეკეთება ან კვლავ ახლით შეცვლა), შეტყობინებიდან (ოფიციალური წერილის ან ელექტრონული ფოსტის მეშვეობით) არაუგვიანეს 2 (ორი) კალენდარული დღის ვადაში.
2.2.1 მოთხოვნა პრეტენდენტის გამოცდილების შესახებ
ტენდერში მონაწილე პრეტენდენტს 2023 წლის 01 იანვრიდან უნდა გააჩნდეს არანაკლებ 40 000 (ორმოცი ათასი) ლარის ღირებულების გათბობის ან/და გაგრილების ან/და ვენტილაციის სისტემების ტექნიკური მომსახურების გაწევის გამოცდილება. აღნიშნულის დასტურად, პრეტენდენტმა ელექტრონულ სისტემაში უნდა ატვირთოს ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი.
2.9 სხვა დამატებითი მოთხოვნები
2.9.1. პრეტენდენტის მიერ, შესყიდვების ერთიანი ელექტრონული სისტემის მეშვეობით, წარმოდგენილ მომსახურების პრეისკურანტში (დანართი N1) მითითებული ერთეულის ფასები არ უნდა აღემატებოდეს შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო მაქსიმალურ ფასებს. 2.9.2. პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტის მოცემული ჩამონათვალის ერთეულის ფასებზე, თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და კლებადობით დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც (როგორც სატენდერო წინადადების წარდგენის ეტაპზე ასევე დაზუსტების არსებობის შემთხვევაში). 2.9.3 პრეტენდენტის მიერ შერჩევა-შეფასების ეტაპზე წარმოდგენილ დაზუსტებულ პრეისკურანტში რომელიმე პოზიციის ერთეულის ფასების გაზრდა გამოიწვევს პრეტენდენტის დისკვალიფიკაციას. 2.9.4 პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის დანართი N1-ის (პრეისკურანტის) წარმოუდგენლობა ან არსებითად შეუსაბამო დანართი N1-ის (პრეისკურანტის) წარმოდგენა გამოიწვევს პრეტენდენტის დისკვალიფიკაციას აღნიშნულ ტენდერში. 2.9.5 პრეტენდენტი ვალდებულია წარმოადგინოს ინფორმაცია 24 საათის განმავლობაში ჩართული ორი მობილური სატელეფონო ნომრის და ელ-ფოსტის მისამართის შესახებ, - საკონტაქტო პირების მითითებით.
4.1.1 მოთხოვნა ფასწარმოქმნის ადეკვატურობის დამადასტურებელი დოკუმენტ(ებ)ის შესახებ
4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილი უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული შესყიდვის ობიექტის მიწოდების შესაძლებლობა. 4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.
4.1.2 ფასწარმოქმნის ადეკვატურობის დამადასტურებელი დოკუმენტ(ებ)ის წარმოდგენის ვადა
მოთხოვნიდან 3 სამუშაო დღის ვადაში
7.2 ეტაპობრივი ან/და საბოლოო ანგარიშსწორების განხორციელების პირობები
ანგარიშსწორება მოხდება უნაღდო ანგარიშსწორებით ლარში. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
7.3 ეტაპობრივი ან/და საბოლოო ანგარიშსწორების განხორციელების ვადები
ანგარიშსწორება შემსყიდველის მიერ მოხდება ფაქტობრივად მოწოდებული შესყიდვის ობიექტის მიხედვით. მიღება–ჩაბარების აქტისა და შესაბამისი საგადასახადო ანგარიშ-ფაქტურის (კანონმდებლობით დადგენილ შემთხვევაში) შსს შესაბამისი სამსახურის მიერ ეკონომიკურ დეპარტამენტში წარმოდგენის შემდეგ არაუგვიანეს 15 კალენდარული დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.
8.1 ხელშეკრულების პროექტი
9.1 სატენდერო კომისიის აპარატის საკონტაქტო წევრის ვინაობა და მონაცემები
ნაია ზურაბიშვილი, 591165577, nzurabishvili@mia.gov.ge
10.1 დამატებითი ინფორმაცია/დოკუმენტები
10.1.1 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად. (შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით), გარდა ექსელის (Excel)-ის ფაილის სახით წარმოდგენილი პრეისკურანტებისა (პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს). 10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. 10.1.3 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში. 10.1.4 პრეტენდენტს არ აქვს უფლება წარმოადგინოს ალტერნატიული სატენდერო წინადადება. 10.1.5 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის. 10.2 პრეტენდენტის მიერ ერთიან ელექტრონულ სისტემაში ასატვირთი მონაცემები: 10.2.1 მომსახურების პრეისკურანტი (დანართი N1) (მომსახურების პრეისკურანტის წარმოუდგენლობა ან/და განუფასებელი მომსახურების პრეისკურანტის წარმოდგენა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას). (პრეისკურანტი წარმოდგენილი უნდა იყოს როგორც Excel ისე pdf ფორმატში. 10.2.2 ინფორმაცია მონაწილე პრეტენდენტი პირის მიერ 2023 წლის 01 იანვრიდან არანაკლებ 40 000 (ორმოცი ათასი) ლარის ღირებულების გათბობის ან/და გაგრილების ან/და ვენტილაციის სისტემების ტექნიკური მომსახურების გაწევის გამოცდილების შესახებ. აღნიშნულის დასტურად, პრეტენდენტმა ელექტრონულ სისტემაში უნდა ატვირთოს ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი. ან/და შესრულების დამადასტურებელი სხვა დოკუმენტაცია. (2.2.1) 10.2.3 ინფორმაცია გაწეულ მომსახურებაზე და შეცვლილ სათადარიგო ნაწილებზე საგარანტიო ვადების შესახებ. (1.7.1) 10.2.4 ინფორმაცია 24 საათის განმავლობაში ჩართული ორი მობილური სატელეფონო ნომრის და ელ-ფოსტის მისამართის შესახებ, - საკონტაქტო პირების მითითებით. (2.9.5)
11.1 სატენდერო პირობების დამტკიცების შესახებ სატენდერო კომისიის სხდომის ოქმი