1.1 შესყიდვის ობიექტის დასახელება
ახალი ამბების სააგენტოების საინფორმაციო მომსახურების სახელმწიფო შესყიდვა.
1.2 საქონლის ტექნიკური პარამეტრები/მომსახურების/სამუშაოს აღწერა (ტექნიკური დავალება), შესყიდვის ობიექტის რაოდენობა/მოცულობა
1.2.1. მომსახურების ფარგლებში პრეტენდენტის ვალდებულებები: 1.2.1.1. ინფორმაციის, სტატიების, ფოტომასალის გავრცელება საკუთარ საინფორმაციო სააგენტოზე და დამატებით არანაკლებ 4 სხვადასხვა საინფორმაციო სააგენტოს (ქვეკონტრაქტორი საინფორმაციო პორტალების) მეშვეობით. აქედან მინიმუმ სამმა საინფორმაციო სააგენტომ ინფორმაცია და მიწოდებული მასალა უნდა გაავრცელოს ულიმიტოდ, შეუზღუდავი რაოდენობით. 1.2.1.2. მიმწოდებელმა უნდა უზრუნველყოს გავრცელებული მასალების ბმულების მიწოდება შემსყიდველის მიერ მითითებულ ელექტრონულ ფოსტაზე დღეში 2-ჯერ. 1.2.1.3. მიმწოდებელმა უნდა უზრუნველყოს SMS მომსახურება, რაც გულისხმობს ინფორმაციის მოკლე ანოტაციის, წყაროსა და მისი ამსახველი ბმულის შეტყობინების სახით გაგზავნას შემსყიდველისთვის ოპერატიულად, ინფორმაციის გავრცელებიდან ნახევარი საათის ინტერვალში (შემსყიდველის მოთხოვნის შემთხვევაში). 1.2.2. მომსახურების აღწერილობა: 1.2.2.1. შემსყიდველის საქმიანობის შესახებ ანონსებისა და სიახლეების მომზადება და გაშუქება, არანაკლებ ოთხ მედიასაშუალებაში, სატენდერო დოკუმენტაციით დადგენილი პირობების შესაბამისად; 1.2.2.2. მიმწოდებლის საინფორმაციო ვებგვერდის არქივის სრული წვდომა შესმყიდველის საქმიანობის ამსახველი აუდიო, ვიდეო თუ ფოტომასალის გამოყენების მიზნით. 1.2.2.3. შემსყიდველისთვის მნიშვნელოვანი და საინტერესო თემების შესახებ ნიუსების, ინტერვიუების და კომენტარების მომზადება/გავრცელება არანაკლებ სამი საინფორმაციო სააგენტოს მეშვეობით, ულიმიტოდ; 1.2.2.4. შემსყიდველის მოთხოვნის შემთხვევაში, მიმწოდებელმა დღეში ერთხელ, არანაკლებ ერთი საინფორმაციო სააგენტოს ფეისბუქ გვერდზე, უნდა გაავრცელოს დამკვეთის მიერ მიწოდებული ინფორმაცია შემსყიდველის მიერ შერჩეულ სეგმენტსა და პერიმეტრზე; 1.2.2.5. მიწოდებული ინფორმაციის გავრცელება ყველა სააგენტოში უნდა მოხდეს ქართულ ენაზე, ასევე შემსყიდველის მოთხოვნის შემთხვევაში, არანაკლებ ერთ სააგენტოში სულ მცირე ორ ენაზე, რომლიდან ერთ-ერთი უნდა იყოს ინგლისური (ულიმიტოდ). ამასთან, მიმწოდებელმა უნდა უზრუნველყოს შემსყიდველის მიერ მიწოდებული მასალის თარგმნა და განთავსება ულიმიტოდ, არანაკლებ ერთ ინგლისურენოვან ვებგვერდზე; 1.2.2.6. შემსყიდველის მოთხოვნის შესაბამისად, მიმწოდებელი ვალდებულია, უზრუნველყოს კვირაში ერთხელ, შემსყიდველის მიერ მოთხოვნილი გადაცემების რეიტინგისა და გაზიარების შესახებ ინფორმაციის მიწოდება. სადაც კვლევის (რეიტინგი და გაზიარება) გენერალური ერთობლიობა უნდა მოიცავდეს მთელ საქართველოს; 1.2.2.7. შემსყიდველის მოთხოვნის შემთხვევაში, მიმწოდებელმა უნდა უზრუნველყოს მიწოდებული ინფორმაციის ე.წ. ქარდებად მომზადება (დიზაინის შეთანხმებით) და გავრცელება არანაკლებ სამი საინფორმაციო სააგენტოს ფეისბუქ გვერდზე.
1.3 ფასების ცხრილი/ხარჯთაღრიცხვა
1.4 საქონლის მიწოდების/მომსახურების გაწევის/სამუშაოს შესრულების ვადა
ხელშეკრულების გაფორმებიდან ან/და 2026 წლის 15 იანვრიდან (რომელიც უფრო გვიან დადგება) 2026 წლის 31 დეკემბრის ჩათვლით, ეტაპობრივად შემსყიდველის მოთხოვნის შესაბამისად.
1.5 საქონლის მიწოდების/მომსახურების გაწევის/სამუშაოს შესრულების ფორმა და ადგილი
შესყიდვის ობიექტის მიწოდება უნდა განხორციელდეს საინფორმაციო ვებ-გვერდ(ებ)ის საშუალებით, სატენდერო დოკუმენტაციის მოთხოვნების შესაბამისად.
2.2.1 მოთხოვნა პრეტენდენტის გამოცდილების შესახებ
2.2.1.1 პრეტენდენტს 2022 წლის 01 იანვრიდან ამ ტენდერის გამოცხადების დღემდე უნდა გააჩნდეს არანაკლებ 12 სხვადასხვა ორგანიზაციასთან ახალი ამბების სააგენტოების მომსახურების გაწევის გამოცდილება. აღნიშნულის დასადასტურებლად პრეტენდენტის მიერ ერთიან ელექტრონულ სისტემაში ატვირთულ უნდა იქნას გამოცდილების დამადასტურებელი დოკუმენტები: (ხელშეკრულებ(ებ)ა, ამ ხელშეკრულებების შესრულების დამადასტურებელი მიღება-ჩაბარების აქტ(ებ)ი, ან მიღება-ჩაბარების აქტის სანაცვლოდ მომსახურების გაწევის დამადასტურებელი ნებისმიერი სახის სხვა დოკუმენტი (დადასტურებული საგადასახადო ანგარიშ-ფაქტურა (არსებობის შემთხვევაში) ან/და გადახდის დამადასტურებელი დოკუმენტი). 2.2.1.2 იმ შემთხვევაში, თუ პრეტენდენტის მიერ შესრულებულ ანალოგიურ მომსახურებაზე შესყიდვ(ებ)ა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და სისტემაში სრულყოფილად არის ატვირთული შესრულების შესახებ ინფორმაცია/დოკუმენტაცია, პრეტენდენტს არ აქვს 2.2.1.1 პუნქტით მოთხოვნილი გამოცდილების დამადასტურებელი დოკუმენტების წარმოდგენის ვალდებულება. საკმარისია წარმოდგენილ იქნას ინფორმაცია გამოცდილების შესახებ დანართი N2-ის შესაბამისად, რომელშიც მითითებული იქნება სატენდერო განცხადებ(ებ)ის SPA/NAT/CMR.. ან სხვა ნომერ(ებ)ი.
2.3.1 მოთხოვნა პრეტენდენტის მატერიალურ-ტექნიკური ბაზის შესახებ
უახლესი ინფორმაციისა და სტატიების გავრცელების მიზნით, პრეტენდენტის საკუთრებაში უნდა არსებობდეს: ა) მოქმედი არანაკლებ სამენოვანი საინფორმაციო ვებგვერდი; ბ) მოქმედი არანაკლებ სამენოვანი მობილური აპლიკაცია (ANDROID და IOS). აღნიშნულის თაობაზე პრეტენდენტი ვალდებულია წარმოადგინოს შესაბამისი დამადასტურებელი ინფორმაცია ან/და დოკუმენტაცია ან/და ხელწერილი (ამ უკანასკნელში მითითებული უნდა იყოს, რომ კონკრეტული ვებ-გვერდი (შესაბამისი ლინკის მითითებით) და მობილური აპლიკაცია წარმოადგენს პრეტენდენტის საკუთრებას).
2.9 სხვა დამატებითი მოთხოვნები
4.1.1 მოთხოვნა ფასწარმოქმნის ადეკვატურობის დამადასტურებელი დოკუმენტ(ებ)ის შესახებ
4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა. 4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.
4.1.2 ფასწარმოქმნის ადეკვატურობის დამადასტურებელი დოკუმენტ(ებ)ის წარმოდგენის ვადა
მოთხოვნიდან 2 სამუშაო დღის ვადაში
7.2 ეტაპობრივი ან/და საბოლოო ანგარიშსწორების განხორციელების პირობები
7.2.1. ანგარიშსწორება მოხდება უნაღდო ანგარიშსწორებით ლარში, 2026 წლის ადგილობრივი ბიუჯეტის სახსრებით. 7.2.2. იმ შემთხვევაში თუ მომსახურების გაწევისას სახეზე იქნება არასრული თვე (2026 წლის იანვრის თვე), მაშინ აღნიშნულ თვეში ანგარიშსწორება განხორციელდება ხელშეკრულების გაფორმებიდან და ძალაში შესვლის დღიდან დარჩენილი დღეების შესაბამისად (ერთი დღის თანხა გამოიანგარიშება თვიურად გათვალისწინებული თანხის აღნიშნულ თვეში არსებულ დღეებზე გაყოფით).
7.3 ეტაპობრივი ან/და საბოლოო ანგარიშსწორების განხორციელების ვადები
ეტაპობრივად, ფაქტიურად გაწეული მომსახურების შემდეგ, მიღება–ჩაბარების აქტის გაფორმებიდან 10 სამუშაო დღის განმავლობაში.
8.1 ხელშეკრულების პროექტი
9.1 სატენდერო კომისიის აპარატის საკონტაქტო წევრის ვინაობა და მონაცემები
თალიკო გიორგაძე, 599177706, TGiorgadze@tbilisi.gov.ge
10.1 დამატებითი ინფორმაცია/დოკუმენტები
10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. 10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია. 10.1.3 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. 10.1.4 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი. 10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში. 10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება. 10.2 პრეტენდენტის მიერ ერთიან ელექტრონულ სისტემაში ასატვირთი მონაცემები: 10.2.1 ფასების ცხრილი (დანართი N1). 10.2.2 სატენდერო დოკუმენტაციის 2.2.1 პუნქტის მოთხოვნები. (დანართი N2) 10.2.3 სატენდერო დოკუმენტაციის 2.3.1 პუნქტის მოთხოვნები.(მატერიალურ-ტექნიკური ბაზა).
11.1 სატენდერო პირობების დამტკიცების შესახებ სატენდერო კომისიის სხდომის ოქმი