1.1 შესყიდვის ობიექტის დასახელება
1.1.1. ქ. ბათუმში, წყლის სისტემის მოწყობის სამუშაოების საპროექტო-სახარჯთაღრიცხვო დოკუმენტაციის შედგენა.
1.2 საქონლის ტექნიკური პარამეტრები/მომსახურების/სამუშაოს აღწერა (ტექნიკური დავალება), შესყიდვის ობიექტის რაოდენობა/მოცულობა
1.2.1. გასაწევი მომსახურება: საველე კვლევა-ძიება და კამერალური სამუშაოები; ა) საპროექტო სამუშაოები; ბ) სახარჯთაღრიცხვო დოკუმენტაციის მომზადება და ობიექტის სავარაუდო ღირებულების დადგენა; გ) სატენდერო დოკუმენტაციის მომზადება; (ფასების ცხრილი) დ) საჭირო შემთხვევებში დამატებითი მომსახურების გაწევა: ე) დეფექტური უწყისებით ხარჯთაღრიცხვების შედგენა; ვ) გეოლოგიური გამოკვლევა. 1.2.2. დავალების შინაარსი შესასრულებელი სამუშაოების ხარისხის გაზრდისა და ღირებულების შემცირების მიზნით მიმწოდებელი ვალდებულია: ა) ყოველი კონკრეტული საპროექტო სამუშაოები შეასრულოს კლასიფიკაციის ინსტრუქციის შესაბამისად (საუწყებო სამშენებლო ნორმები) და ტექნიკური დავალებით გათ-ვალისწინებული პირობებით. რიგ შემთხვევებში დასაშვებია საბაზრო ფასების გამოყენების პრაქტიკაც; ბ) საკვლევაძიებო და საპროექტო-სახარჯთაღრიცხვო სამუშაოების დროულად და ხარისხიანად შესრულებისათვის მოახდინოს დაინტერესებულ ორგანიზაციებთან და პირებთან პროექტის საჭირო წინასწარი შეთანხმებები, გარდა სამშენებლო მოედნისა, ტერიტორიის გამოყოფის და გათავისუფლებისა, რომელიც წარმოადგენს შემსყიდველის მოვალეობას; გ) პროექტებში გათვალისწინებულ უნდა იქნეს მშენებლობაში მიღწეული და დაგროვილი საერთაშორისო გამოცდილებები ახალი ტექნოლოგიებისა და მოწყობილობების გამოყენებით საქართველოს სპეციფიკური პირობებიდან გამომდინარე; დ) პერიოდული შეკეთებისა და სარეაბილიტაციო სამუშაოების და დეფექტური უწყისებით ხარჯთაღრიცხვების შედგენისას პროექტების ღირებულება მიმწოდებელმა უნდა განსაზღვროს დასაბუთებული კალკულაციებით და ღირებულებებით; ე) მიმწოდებელი პასუხისმგებელია ყველა საჭირო საოფისე ფართის, აღჭურვილობის, მოწყობილობის, ტრანსპორტის უზრუნველყოფაზე და ყველა საველე სამუშაოებისათვის საჭირო ტექნიკაზე; ვ)საპროექტო-სახარჯთაღრიცხვო დოკუმენტაციის წარმოდგენასთან ერთად უნდა უზრუნველყოს სსიპ ლევან სამხარაულის სახელობის სასამართლო ექსპეტიზის ეროვნული ბიუროს ან სხვა აკრედიტებული პირის მიერ გაცემული დასკვნის წარმოდგენა საპროექტო-სახარჯთაღრიცხვო დოკუმენტაციის შესაბამისობაზე ფაქტიურად შესასრულებელ სამუშაოებთან. ზ)კონსტრუქციული ნაწილის ექსპერტიზა. თ)კონკრეტული ობიექტების პროექტების შედგენის ვადები განისაზღვრება შემსყიდველის მიერ მიმწოდებელზე წერილობითი შეტყობინებით განსაზღვრულ ვადაში. თ) წინასწარ შედგენილი დეფექტური აქტები; ე) ხარჯთაღრიცხვის ექსპერტიზა. 1.2.3. დავალების შესრულების წესი ა) დავალების შესრულების წესი განისაზღვრება დავალების შინაარსით და ხელშეკრულების სპეციფიკური პირობებით. მიმწოდებელმა უნდა უზრუნველყოს თითოეული მიწისქვეშა კომუნიკაციის ან მისი მონაკვეთის ცალკე ლოკალურ-რესურსული ხარჯთაღრიცხვების მომზადება. ასევე პროექტირებისას გათვალისწინებული უნდა იყოს ქუჩებზე საკაბელო არხების მოწყობა. ბ)დოკუმენტაციის ნებისმიერი სამუშაოს დაპროექტება შეთანხმებული უნდა იყოს შემსყიდველ ორგანიზაციასთან და გათვალისწინებული იქნას შპს "ბათუმის წყალის" შესრულებული და დაგეგმილი სამუშაოები. 1.2.4. ნორმატიული დოკუმენტები პროექტების ძირითადი სახელმძღვანელო ნორმატივებია: - სნიპ II-7-81 = სეისმურ რაიონებში მშენებლობა; - სნიპ II-9-78 = მშენებლობისათვის საინჟინრო-საძიებო სამუშაოები, ძირითადი დებულებები; - სნიპ 2.03.0I-84 = ბეტონისა და რკინა-ბეტონის კონსტრუქციები; - სნიპ II-22-81 = ქვისა და არმირებული ქვის კონსტრუქციები; - სნიპ II-23-81 = მეტალო-ფოლადის კონსტრუქციები; - სნიპ II-25-80 = ხის კონსტრუქციები; - სნიპ II-28-73 = სამშენებლო კონსტრუქციების კოროზიისაგან დაცვა; - სნიპ 2.04-02-84 = წყალმომარაგება, გარე ქსელები და ნაგებობები; - სნიპ II-32-74 = კანალიზაცია, გარე ქსელები და ნაგებობები; შენიშვნა: სამუშაოების სახეობების და კონსტრუქციული ელემენტების პროექტირებისას მიმწოდებელი ხელმძღვანელობს საქართველოში მიღებული შესაბამისი სხვა ნორმებით და სტანდარტებით. 1.2.5. მიმწოდებლის პასუხისმგებლობა ა) მიმწოდებელი პასუხისმგებელია სრულყოფილი საპროექტო – სატენდერო დოკუმენტაციის ხარისხიანად დამუშავებაზე და სამშენებლო სამუშაოების სახარჯთაღრიცხვო დოკუმენტაციის შედგენაზე. 1.2.6. კუთვნილება ა) ამ დავალებასთან დაკავშირებით მომზადებული ნებისმიერი შესწავლა, ანგარიში, გრაფიკული ან სხვა სახის მასალი ეკუთვნის შემსყიდველს და რჩება მის საკუთრებაში; ბ) მიმწოდებელს არ აქვს ამ მასალების გამოყენების უფლება სხვა სამუშაოების შესასრულებლად შემსყიდველის წინასწარი თანხმობის გარეშე. გ) მიმწოდებელი ვალდებულია წარმოადგინოს პროექტის ნაწილის ან სრული მოცულობის ელექტრონული ვერსია. 1.2.7. საპროექტო დოკუმენტაციის რაოდენობა ა) მიმწოდებელი ვალდებულია გადასცეს შემსყიდველს სრული საპროექტო-სახარჯთაღრიცხვო დოკუმენტაცია 4 ეგზემპლარად და მისი შესაბამისი ელექტრონული ვარიანტი. ელექტრონულ ვარიანტში ტექსტური დოკუმენტაცია (ხარჯთაღრიცხვა, განმარტე-ბითი ბარათი და ა.შ.) უნდა იყოს დაბეჭდილი შრიფტით Sylfaen, ხოლო ნახაზები უნდა იყოს PDF ფორმატში, ამასთანავე, PDF ფორმატის თითოეული ფაილის ზომა არ უნდა აღემატებოდეს 7 მეგაბაიტს.
1.3 ფასების ცხრილი/ხარჯთაღრიცხვა
1.4 საქონლის მიწოდების/მომსახურების გაწევის/სამუშაოს შესრულების ვადა
1.4.1. სამუშაოს შესრულების ვადაა 2026 წლის 15 დეკემბრის ჩათვლით პერიოდი.
1.5 საქონლის მიწოდების/მომსახურების გაწევის/სამუშაოს შესრულების ფორმა და ადგილი
1.5.1. ქ. ბათუმის ტერიტორია
2.2.1 მოთხოვნა პრეტენდენტის გამოცდილების შესახებ
2.2.1.1 ტენდერში მონაწილე პრეტენდენტს უკანასკნელი წლების განმავლობაში, 2023 წლის 1 იანვრიდან ტენდერის გამოცხადების დღემდე შესრულებული უნდა ჰქონდეს ტენდერით გათვალისწინებული ანალოგიური ხასიათის, სირთულისა და შინაარსის (წყლის სისტემების ან/და სანიაღვრე სისტემების ან/და საკანალიზაციო სისტემების, სხვა მიწისქვეშა კომუნიკაციების საპროექტო-სახარჯთაღრიცხვო დოკუმენტაციის შედგენა ან მათთან დაკავშირებული სამუშაოები) მომსახურება საერთო ღირებულებით არანაკლებ 500 000,00 (ხუთასი ათასი) ლარის ოდენობით. 2.2.1.2 ტენდერში მონაწილე პრეტენდენტს 2023 წლის 1 იანვრიდან ტენდერის გამოცხადების დღემდე ერთი ხელშეკრულების ფარგლებში შესრულებული უნდა ჰქონდეს ტენდერით გათვალისწინებული ანალოგიური ხასიათის, სირთულისა და შინაარსის (წყალმომარაგების მაგისტრალის ან/და გამანაწილებელი ქსელის მოწყობა საპროექტო-სახარჯთაღრიცხვო დოკუმენტაციის შედგენა ან მათთან დაკავშირებული სამუშაოები) მომსახურება, საერთო ღირებულებით არანაკლებ 100 000 (ასი ათასი) ლარის ოდენობით. 2.2.1.3 ინფორმაცია წარმოდგენილ უნდა იქნეს დანართის შესაბამისად; 2.2.1.4 პრეტენდენტმა უნდა წარმოადგინოს ტენდერით გათვალისწინებული ანალოგიური ხასიათის, სირთულისა და შინაარსის მომსახურების შესრულების დამადასტურებელი დოკუმენტების ასლები (ხელშეკრულების ასლები, მომსახურების შესრულების დამადასტურებელი დოკუმენტი, მიღება-ჩაბარების აქტების ასლები, ფორმა N2 ან/და სხვა დამადასტურებელი დოკუმენტი,საიდანაც შესაძლებელია სამუშაოების შინაარსისა და ღირებულებების იდენტიფიცირება) 2.2.1.5 არასახელმწიფო შესყიდვის ან სახელმწიფო შესყიდვის ქვეკონტრაქტორის შემთხვევაში, გარდა "გ" პუნქტით მოთხოვნილი დოკუმენტებისა დამატებით უნდა წარმოადგინოს დადასტურებული ანგარიშ-ფაქტურები. 2.2.1.6 სახელმწიფო შესყიდვის შემთხვევაში, თუ პრეტენდენტის მიერ მითითებული იქნება NAT/SPA/CMR ან სხვა ნომრები და ხელშეკრულების შესრულების მიმდინარეობის ანგარიშზე არსებული ინფორმაციებით და ატვირთული დოკუმენტაციებით შესაძლებელი იქნება სამუშაოების შინაარსისა და ღირებულებების იდენტიფიცირება, დამატებითი დოკუმენტის წარმოდგენას არ საჭიროებს.
2.4.1 მოთხოვნა პრეტენდენტის პერსონალის გამოცდილების შესახებ
2.4.1.1. პრეტენდენტს, ტენდერით გათვალისწინებული მომსახურების გასაწევად უნდა ჰყავდეს შესაბამისი სტაჟისა და გამოცდილების მქონე შემდეგი სპეციალისტები: 2.4.1.1.1 ინჟინერი ; 2.4.1.1.2 გეოლოგი ; 2.4.1.2 პრეტენდენტმა უნდა წარმოადგინოს ინფორმაცია იმ სპეციალისტთა კვალიფიკაციისა და გამოცდილების შესახებ, რომლებიც უშუალოდ მონაწილეობას მიიღებენ ტენდერით გათვალისწინებული მომსახურების გაწევაში. 2.4.1.3 პრეტენდენტმა უნდა ატვირთოს ნოტარიულად დამოწმებული წინარე შეთანხმებები, საიდანაც დადასტურდება სპეციალისტთა ნება ტენდერში მონაწილეობის შესახებ. შეთანხმებაში მითითებული უნდა იყოს სატენდერო განცხადების ნომერი. 2.4.1.4 პრეტენდენტმა უნდა ატვირთოს პერსონალის კვალიფიკაციის დამადასტურებელი დოკუმენტები (დიპლომი, ან სხვა დოკუმენტი) 2.4.1.5 ინფორმაცია წარმოდგენილი უნდა იქნას დანართის შესაბამისად.
2.9 სხვა დამატებითი მოთხოვნები
4.1.3 ფასწარმოქმნის ადეკვატურობის გაუთვალისწინებლობის დასაბუთება
4.1.3.1 აღნიშნული მომსახურების თავისებურებიდან (ინტელექტუალური სამუშაო) გამომდინარე შემსყიდველი ორგანიზაცია არ ითვალისწინებს ფასწარმოქმნის ადეკვატურობის დასაბუთების ვალდებულებას.
6.1 მოითხოვება ხელშეკრულების შესრულების უზრუნველყოფის გარანტია
5 პროცენტი
6.2 სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში მოითხოვება გარანტია
10 პროცენტი
6.3 გარანტიის მოქმედების ვადა
6.3.1 ხელშეკრულების უზრუნველყოფის საბანკო გარანტიის მოქმედების ვადა 60 (სამოცი) კალენდარული დღით უნდა აღემატებოდეს ხელშეკრულებით გათვალისწინებული სამუშაოების შესრულების ვადას.
6.4 გარანტიის პირობები
6.4.1 უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.
7.2 ეტაპობრივი ან/და საბოლოო ანგარიშსწორების განხორციელების პირობები
7.2.1. ანგარიშსწორების ფორმა - უნაღდო, ვალუტა - ლარი; 7.2.2. ანგარიშსწორება მიმწოდებელთან განხორციელდება ეტაპობრივად, გადახდის სერტიფიკატის, მიღება-ჩაბარების აქტის გაფორმებისა და დღგ-ს ანგარიშფაქტურის წარმოდგენის შემდეგ; 7.2.3. საავანსო ანგარიშსწორება არ გამოიყენება.
7.3 ეტაპობრივი ან/და საბოლოო ანგარიშსწორების განხორციელების ვადები
7.3.1. ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე
8.1 ხელშეკრულების პროექტი
9.1 სატენდერო კომისიის აპარატის საკონტაქტო წევრის ვინაობა და მონაცემები
სალომე ბოლქვაძე, 577032660, ketilmotskobaspa@gmail.com
10.1 დამატებითი ინფორმაცია/დოკუმენტები
10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. 10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია. 10.1.3. ალტერნატიული სატენდერო წინადადება არ განიხილება. 10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით. 10.1.5. პრეტენდენტმა სატენდერო წინადადების ფასში უნდა გაითვალისწინოს დღგ. 10.1.6. პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი (სატენდერო დოკუმენტაციის დანართი №2) ან ფასების ცხრილი წარმოდგენილი იქნება განფასების გარეშე ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს. 10.1.7. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. 10.1.8. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.
11.1 სატენდერო პირობების დამტკიცების შესახებ სატენდერო კომისიის სხდომის ოქმი