1.1 შესყიდვის ობიექტის დასახელება
სსიპ გარემოს ეროვნული სააგენტოს მიერ ქალაქ თბილისისა და ქალაქ რუსთავის მასშტაბით სპლიტ სისტემის კონდიციონერების შეკეთებისა და ტექნიკური მომსახურების სახელმწიფო შესყიდვა.
1.2 საქონლის ტექნიკური პარამეტრები/მომსახურების/სამუშაოს აღწერა (ტექნიკური დავალება), შესყიდვის ობიექტის რაოდენობა/მოცულობა
შესყიდვის ობიექტის მოცულობიდან გამომდინარე, იხილეთ ტექნიკური დავალება - დანართი N1
1.3 ფასების ცხრილი/ხარჯთაღრიცხვა
1.4 საქონლის მიწოდების/მომსახურების გაწევის/სამუშაოს შესრულების ვადა
1.4.1 სპლიტ სისტემის კონდიციონერების შეკეთებისა და ტექნიკური მომსახურების გაწევის ვადაა ხელშეკრულების გაფორმებიდან 2026 წლის 31 დეკემბრის ჩათვლით, ეტაპობრივად, შემსყიდველის მოთხოვნიდან 3 (სამი) სამუშაო დღის განმავლობაში. მიმწოდებელი ვალდებულია კონდიციონერების შეკეთება განახორციელოს დეფექტური აქტის შედგენის და შემსყიდველის თანხმობის შემდეგ, სადაც აღნიშნული უნდა იყოს გასაწევი მომსახურების დეტალური აღწერა შესაბამისი ღირებულებით.
1.5 საქონლის მიწოდების/მომსახურების გაწევის/სამუშაოს შესრულების ფორმა და ადგილი
➢ სსიპ „გარემოს ეროვნული სააგენტოს“ ადმინისტრაციული შენობა, მის: ქ. თბილისი, დ.აღმაშენებლის გამზ. N150. ➢ სსიპ „გარემოს ეროვნული სააგენტოს“ ვაშლიჯვრის ლაბორატორია, ქ.თბილისი, მარშალ გელოვანის 32ა. ➢ სსიპ „გარემოს ეროვნული სააგენტოს“ საკალიბრაციო შენობა, ქ. თბილისი, მარშალ გელოვანის 32ა. ➢ სსიპ „გარემოს ეროვნული სააგენტოს“ ჰიდრომეტეოროლოგიის შენობა, ქ. თბილისი, მარშალ გელოვანის 34ა. ➢ სსიპ „გარემოს ეროვნული სააგენტოს“ დაბინძურების დეპარტამენტის ჯიხურები ქ. რუსთავში.
1.7.1 მოთხოვნა საგარანტიო ვადის შესახებ
1.7.1.1 კონდიციონერების შეკეთებისა და ტექნიკური მომსახურების შემთხვევაში, კონკრეტული გამოცვლილი ნაწილისა და შესრულებული მომსახურების საგარანტიო ვადა უნდა შეადგენდეს მიღება-ჩაბარების აქტის გაფორმებიდან არანაკლებ 1 (ერთი) წელს, ხოლო შეკეთებული ნაწილის საგარანტიო ვადა - არანაკლებ 6 (ექვსი) თვეს. საგარანტიო პერიოდის განმავლობაში აღმოჩენილი ხარვეზის შემთხვევაში,მიმწოდებელი ვალდებულია საკუთარი ხარჯებით უზრუნველყოს ხარვეზის (მათ შორის ხარვეზიანი ნაწილის შეკეთება ან შეცვლა ახლით) აღმოფხვრა, შემსყიდველის წერილობითი დავალების მიღებიდან არაუმეტეს 3 (სამი) სამუშაო დღის ვადაში. (სირთულის მიხედვით).
2.2.1 მოთხოვნა პრეტენდენტის გამოცდილების შესახებ
პრეტენდენტს 2024 წლის 1 იანვრიდან - 2026 წლის 1 იანვრამდე ჯამურად უნდა გააჩნდეს კონდიციონერების შეკეთებისა და ტექნიკური მომსახურების არანაკლებ 20 000 (ოცი ათასი) ლარის ღირებულების განხორციელების გამოცდილება. აღნიშნულის დასადასტურებლად პრეტენდენტმა ერთიან ელექტრონულ სისტემაში, სატენდერო წინადადებასთან ერთად უნდა ატვირთოს შესაბამისი ხელშეკრულებები და მიღება-ჩაბარების აქტები/ანგარიშ-ფაქტურები, ხოლო თუ პრეტენდენტს ხელშეკრულებ(ები)ა გაფორმებული აქვს სახელმწიფო შემსყიდველ ორგანიზაციასთან, საკმარისია მითითებულ იქნას შესაბამისი SPA, NAT, CMR ან სხვა ნომრები. შენიშვნა - პრეტენდენტის მიერ წარმოდგენილი გამოცდილების დამადასტურებელი დოკუმენტაცია უნდა მოიცავდეს პრეტენდენტის გამოცდილებას კონდიციონერების შეკეთებისა და ტექნიკური მომსახურების შესახებ.
2.9 სხვა დამატებითი მოთხოვნები
2.9.1 პრეტენდენტის მიერ წარმოდგენილ პრეისკურანტში დაფიქსირებული საქონლის და მომსახურების ერთეულის ღირებულება არ უნდა აღემატებოდეს სატენდერო დოკუმენტაციის პრეისკურანტის შესაბამის პოზიციაზე დაფიქსირებულ ერთეულის სავარაუდო ღირებულებას, აღნიშნული შეუსაბამობა გამოიწვევს პრეტენდენტის დისკვალიფიკაციას აღნიშნულ ტენდერში. ამასთან, დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს. ამასთანავე, თუ რომელიმე პოზიციაზე პრეტენდენტი საქონელსა და მომსახურებას გვთავაზობს უფასოდ, ერთეულის ფასის შესაბამის გრაფაში უნდა ჩაიწეროს „0”. 2.9.2 სატენდერო წინადადების ფასის გაანგარიშებისას პრეტენდენტმა ასევე უნდა გაითვალისწინოს, რომ მომსახურების მიწოდება განხორციელდება საქართველოს ტერიტორიაზე, კერძოდ სატენდერო დოკუმენტაციის 1.5 პუნქტში მითითებულ მისამართებზე. აღნიშნულ მისამართებზე მომსახურება უნდა განხორციელდეს ტრანსპორტირების საფასურის გარეშე. (პრეტენდენტს უნდა გააჩნდეს წარმომადგენლობები მითითებულ რეგიონებში ან საიჯარო ხელშეკრულება არსებულ მომსახურებასთან დაკავშირებით). 2.9.3 ელექტრონული ვაჭრობის შედეგად პრეისკურანტის საერთო ფასის შემცირების შემთხვევაში, ფასთა კლება პროცენტულად და პროპორციულად უნდა აისახოს ყველა დასახელების საქონელსა და მომსახურებაზე. ამასთან, პროპორციული პროცენტული ფასდაკლების შემდგომ, თუ პრეისკურანტში საბოლოო ერთეულის ფასი მიღებულია არამთელი, მრავალნიშნა ციფრი, მაშინ ის პრეტენდენტის მიერ უნდა შემცირდეს და დამრგვალდეს მეასედამდე (თეთრების სიზუსტით). შესაბამისად უნდა შემცირდეს პრეისკურანტის საბოლოო ჯამური ღირებულებაც. 2.9.4 პრეისკურანტში საქონლის და მომსახურების რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებელის მიერ ელექტრონული ვაჭრობისას დაფიქსირებული პრეისკურანტის საბოლოო ჯამური ღირებულების 10%-ს.
4.1.1 მოთხოვნა ფასწარმოქმნის ადეკვატურობის დამადასტურებელი დოკუმენტ(ებ)ის შესახებ
იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა შესაძლებელია დასაბუთდეს სსიპ ,,ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული პირის ან დამოუკიდებელი სერთიფიცირებული აუდიტის დასკვნით (დასკვნას თან უნდა ახლდეს დასკვნის გამცემი ორგანოს შესაბამისი უფლებამოსილების დამადასტურებელი დოკუმენტი) ან შესყიდვის ობიექტის მიწოდებასთან დაკავშირებული ანგარიშ-ფაქტურით (ინვოისით), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.
4.1.2 ფასწარმოქმნის ადეკვატურობის დამადასტურებელი დოკუმენტ(ებ)ის წარმოდგენის ვადა
მოთხოვნიდან 5 სამუშაო დღის ვადაში
7.2 ეტაპობრივი ან/და საბოლოო ანგარიშსწორების განხორციელების პირობები
მიმწოდებელთან ანგარიშსწორება განხორციელდება ეტაპობრივად, ფაქტიურად გაწეული მომსახურების შესაბამისად, მხარეებს შორის გაფორმებული მიღება–ჩაბარების აქტისა და შესაბამისი საგადასახადო დოკუმენტაციის წარმოდგენის საფუძველზე.
7.3 ეტაპობრივი ან/და საბოლოო ანგარიშსწორების განხორციელების ვადები
სატენდერო დოკუმენტაციის 7.2 ქვეპუნქტში მითითებული დოკუმენტაციის წარმოდგენიდან 10 სამუშაო დღის ვადაში.
8.1 ხელშეკრულების პროექტი
9.1 სატენდერო კომისიის აპარატის საკონტაქტო წევრის ვინაობა და მონაცემები
ზურაბ მიქიაშვილი, 574053535, Zurab.Mikiashvili@nea.gov.ge
10.1 დამატებითი ინფორმაცია/დოკუმენტები
10.1.1. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია. 10.1.2. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად (გარდა excel - ის ფორმატის ფაილისა), კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. 10.1.3. პრედენდენტს არა აქვს უფლება წარმოადგინოს ალტერნატიული წინადადება. 10.1.4. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. 10.1.5. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში. 10.1.6. ანგარიშსწორება მოხდება უნაღდო ანგარიშსწორებით ლარში. 10.1.7. სახელმწიფო შესყიდვის დაფინანსების წყარო: სსიპ გარემოს ეროვნული სააგენტოს 2026 წლის - სახელმწიფო მიზნობრივი ქვეპროგრამა "სააგენტოს მართვა და ადმინისტრირება". 10.1.8. სატენდერო დოკუმენტაციაში შესყიდვის ობიექტის აღწერილობაში, სადაც მითითებული არის სასაქონლო ნიშანი, პატენტი, მოდელი, წარმოშობის წყარო ან მწარმოებელი (ასეთის არსებობის შემთხვევაში), იგულისხმება „მსგავსი“, „ეკვივალენტური“. ამასთან, სატენდერო დოკუმენტაციით განსაზღვრული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული სატენდერო წინადადება. 10.1.9. პრეტენდენტის მიერ ერთიან ელექტრონულ სისტემაში ასატვირთი მონაცემები: ა) თანხმობა ტექნიკურ დავალებაზე დანართი N1-ის მიხედვით; ბ) ფასების ცხრილი (პრეისკურანტი) - დანართი N2-ის მიხედვით; გ) გამოცდილების დამადასტურებელი დოკუმენტაცია, კერძოდ პრეტენდენტს 2024 წლის 1 იანვრიდან - 2026 წლის 1 იანვრამდე ჯამურად უნდა გააჩნდეს კონდიციონერების შეკეთებისა და ტექნიკური მომსახურების არანაკლებ 20 000 (ოცი ათასი) ლარის ღირებულების განხორციელების გამოცდილება. აღნიშნულის დასადასტურებლად პრეტენდენტმა ერთიან ელექტრონულ სისტემაში, სატენდერო წინადადებასთან ერთად უნდა ატვირთოს შესაბამისი ხელშეკრულებები და მიღება-ჩაბარების აქტები/ანგარიშ-ფაქტურები, ხოლო თუ პრეტენდენტს ხელშეკრულებ(ები)ა გაფორმებული აქვს სახელმწიფო შემსყიდველ ორგანიზაციასთან, საკმარისია მითითებულ იქნას შესაბამისი SPA, NAT, CMR ან სხვა ნომრები. შენიშვნა - პრეტენდენტის მიერ წარმოდგენილი გამოცდილების დამადასტურებელი დოკუმენტაცია უნდა მოიცავდეს პრეტენდენტის გამოცდილებას კონდიციონერების შეკეთებისა და ტექნიკური მომსახურების შესახებ.
11.1 სატენდერო პირობების დამტკიცების შესახებ სატენდერო კომისიის სხდომის ოქმი