1.1 შესყიდვის ობიექტის დასახელება
GNSS ბაზა-როვერის, მიმღები ანტენის და საველე კონტროლერის შესყიდვა
1.2 საქონლის ტექნიკური პარამეტრები/მომსახურების/სამუშაოს აღწერა (ტექნიკური დავალება), შესყიდვის ობიექტის რაოდენობა/მოცულობა
1. შესყიდვის ობიექტის ტექნიკური მახასიათებლები და რაოდენობა იხილეთ თანდართულ ფაილში - ტექნიკური დავალება. 2. თითოეული შესყიდვის ობიექტი (ყველა მაკომპლექტებელი ნაწილით) უნდა იყოს ახალი, არ უნდა იყოს ექსპლუატაციაში ნამყოფი. ამასთან, თითოეული შესყიდვის ობიექტი/კომპლექტი სრულად უნდა იყოს აღჭურვილი ყველა იმ მატერიალური თუ არამატერიალური კომპონენტით (მაგ: ფუნქციონირებისათვის საჭირო აგრეგატით, ნაწილით, პროგრამით), რაც საჭიროა შესყიდვის ობიექტების სრულფასოვანი ფუნქციონირებისთვის, ზუსტი ცდების/გაზომვების ჩასატარებლად და მიღებული მონაცემების დასამუშავებლად. 3. თითოეული კომპლექტის შემადგენლობაში შემავალი საქონელი უნდა იყოს ტექნიკურად და პროგრამულად (საჭიროების შემთხვევაში) ერთმანეთთან სრულად თავსებადი. ასევე თავსებადი უნდა იყოს DJI Matrice 300-ის ტიპის საფრენ მოწყობილობასთან. 4. მიმწოდებელმა GNSS მიმღები მოწყობილობა საველე კონტროლერით შემსყიდველს უნდა მიაწოდოს ტექნიკურ დავალებაში მითითებული - სრული კომპლექტაციით, შესაბამისი ლიცენზიებით, შესაბამის ქსელში ჩართული. გთხოვთ იხილოთ თანდართული დოკუმენტი:
1.3 ფასების ცხრილი/ხარჯთაღრიცხვა
1.4 საქონლის მიწოდების/მომსახურების გაწევის/სამუშაოს შესრულების ვადა
1. ტექნიკური დავალებით გათვალისწინებული საქონლის სრულად მოწოდება/ინსტალაცია/პროგრამულად გამართვა და საცდელი ცდა/გაზომვა, (მათ შორის DJI Matrice 300 rtk-სთან დაკავშირება) სრულად უნდა განხორციელდეს ხელშეკრულების გაფორმებიდან არაუგვიანეს 60 (სამოცი) კალენდარული დღის ვადაში. 2. ტექნიკური დავალების ყველა პოზიციით გათვალისწინებული საქონლის სრული კომპლექტაციით მოწოდების დამადასტურებელი მიღება-ჩაბარების აქტის გაფორმების დღიდან 1 წლის განმავლობაში, მომწოდებელმა უნდა უზრუნველყოს თანმდევი მომსახურების გაწევა და ტექნიკური მხარდაჭერა ტექნიკური დავალების მოთხოვნათა შესაბამისად.
1.5 საქონლის მიწოდების/მომსახურების გაწევის/სამუშაოს შესრულების ფორმა და ადგილი
1. შესყიდვის ობიექტის მოწოდება და თანმდევი მომსახურების გაწევა უნდა განხორციელდეს შემსყიდველის მისამართზე, რომელიც განსაზღვრულია ხელშეკრულებით, ან, ქ. თბილისში, შემსყიდველის მიერ მითითებულ მისამართზე, რომელიც მიმწოდებელს ეცნობება დამატებით. 2. მიმწოდებელმა საქონლის ტრანსპორტირება/მოწოდება და თანმდევი მომსახურების გაწევა უნდა უზრუნველყოს უსაფრთხოების ნორმებისა და სტანდარტების განუხრელი დაცვით.
1.7.1 მოთხოვნა საგარანტიო ვადის შესახებ
1.მოწოდებულ შესყიდვის ობიექტზე ვრცელდება გარანტია შემდეგი პირობებით: 1.1. GNSS ბაზა-როვერის და საველე კონტროლერის საგარანტიო ვადა უნდა შეადგენდეს მხარეთა შორის შესყიდვის ობიექტის მიღება-ჩაბარების აქტის გაფორმებიდან არანაკლებ 1 (ერთი) წელს. 2. საგარანტიო ვადის განმავლობაში მიმწოდებელი ვალდებულია, შემსყიდველის მიმართვის შემდეგ, საკუთარი ხარჯებით უზრუნველყოს შესაბამისი საქონლის ქარხნული წუნის/დეფექტებისა ან/და ნორმალური ექსპლუატაციის პროცესში, მიმწოდებლის მიზეზით წარმოქმნილი ხარვეზების, ასევე, ტექნიკური დავალებით განსაზღვრული თანმდევი მომსახურების ხარვეზ(ებ)ის აღმოფხვრა, საჭიროების შემთხვევაში წუნდებული საქონლის შეცვლა ახლით (ტრანსპორტირების ჩათვლით), ასეთი დეფექტის/ხარვეზის/წუნის დაფიქსირების დღიდან შემსყიდველთან შეთანხმებულ გონივრულ ვადაში. 3. ტექნიკური დავალების ყველა პოზიციით გათვალისწინებული საქონლის სრული კომპლექტაციით მოწოდების დამადასტურებელი მიღება-ჩაბარების აქტის გაფორმების დღიდან 1 წლის განმავლობაში, მომწოდებელმა უნდა უზრუნველყოს თანმდევი მომსახურების გაწევა და ტექნიკური მხარდაჭერა, კერძოდ: 3.1 მიმწოდებელმა საგარანტიო პერიოდში, შემსყიდველის მოთხოვნის შემდეგ, მოთხოვნიდან 20 კალენდარული დღის ვადაში, უნდა უზრუნველყოს თანმდევი მომსახურების გაწევა, რაც მოიცავს: 3.1.1 შემსყიდველის არაუმეტეს 5 თანამშრომლის ტრენინგი მოწყობილობების ექსპლუატაციასთან დაკავშირებულ საკითხებზე და მასთან დაკავშირებული ყველა სახის ხარჯის გაწევა. საჭიროების შემთხვევაში ტრენინგი უნდა მოიცავდეს თეორიულ და პრაქტიკულ ნაწილს. 3.1.2 თანმდევი მომსახურების გაწევა უნდა დადასტურდეს შესაბამისი მომსახურების გაწევის აქტით 3.2 მიმწოდებელმა საგარანტიო პერიოდში, უნდა განახორციელოს ტექნიკური მხარდაჭერა, რაც მოიცავს: 3.2.1 შესყიდვის ობიექტების არამატერიალური კომპონენტების გამართულ ფუნქციონირებას, პროგრამული განახლების (საჭიროების შემთხვევაში ლიცენზიების განახლება) უზრუნველყოფას და ნორმალური ექსპლუატაციის პროცესში, მისი გაუმართაობის მიზეზით წარმოშობილი ხარვეზების აღმოფხვრას შემსყიდველთან შეთანხმებულ გონივრულ ვადებში. 3.2.2 შემსყიდველის კონსულტირებას ხელსაწყოების ფუნქციონირებასთან დაკავშირებულ საკითხებზე. 4. გარანტიასთან დაკავშირებული სხვა პირობები განისაზღვრება ხელშეკრულების პროექტით.
2.1.1 მოთხოვნა შესყიდვის ობიექტის სასაქონლო ნიშანთან, პატენტთან, მოდელთან, წარმოშობის წყაროსთან ან/და მწარმოებელთან დაკავშირებით
1. პრეტენდენტმა, სატენდერო დოკუმენტაციის ფასების ცხრილში, ფასების ცხრილის მოთხოვნათა შესაბამისად, უნდა მიუთითოს ინფორმაცია შემოთავაზებული საქონლის მწარმოებლის, მწარმოებელი ქვეყნისა და მოდელის (ან საქონლის ნომრის/იდენტიფიკატორის) შესახებ. იმ შემთხვევაში თუ შემოთავაზებულ საქონელს მოდელი არ გააჩნია, პრეტენდენტმა აღნიშნულის შესახებ უნდა მიუთითოს მოდელის დასახელებაში. 2. შემოთავაზებული შესყიდვის ობიექტ(ებ)ის - GNSS ანტენისა და საველე კონტროლერის მწარმოებელს უნდა გააჩნდეს არანაკლებ 2 (ორი) წლიანი გამოცდილება, ანალოგიური საქონლის (გეოდეზიური მოწყობილობების/ინსტრუმენტების) წარმოების სფეროში, რის დასტურადაც წარმოდგენილი უნდა იყოს მწარმოებლის მიერ გაცემული წერილი/დოკუმენტი ან/და ამონაბეჭდი მწარმოებლის ოფიციალური საიტიდან წყაროს/ბმულის მითითებით. ინფორმაცია/დოკუმენტაცია სისტემაში ატვირთულ უნდა იქნას სატენდერო დოკუმენტაციის 10.1. მუხლის მე-2 პუნქტის მოთხოვნათა გათვალისწინებით.
2.2.1 მოთხოვნა პრეტენდენტის გამოცდილების შესახებ
1. პრეტენდენტს, 2021 წლის პირველი იანვრიდან უნდა გააჩნდეს გეოდეზიური მოწყობილობების/ინსტრუმენტების მიწოდების გამოცდილება, რის დამადასტურებლადაც უნდა წარმოადგინოს მხარეთა მიერ ხელმოწერილი ხელშეკრულებების და შესაბამისი საქონლის მიწოდების დამადასტურებელი დამკვეთის ან/და მის მიერ განსაზღვრული უფლებამოსილი პირის მიერ ხელმოწერილი დოკუმენტების ასლები, საიდანაც უნდა იკვეთებოდეს შესყიდვის ობიექტის დასახელება და ღირებულება (მიღება-ჩაბარების აქტი, ან/და დამკვეთის მიერ გაცემული, შესყიდვის ობიექტის მიწოდების დამადასტურებელი ნებისმიერი წერილობითი დოკუმენტი). იმ შემთხვევაში, თუ სახელმწიფო შესყიდვების ერთიან ელექტრონულ სისტემაში განთავსებულია ამ პუნქტით მოთხოვნილი ინფორმაცია და დოკუმენტაცია, საკმარისია აღნიშნული შესყიდვის შესაბამისი სარეგისტრაციო ნომრის (SPA/NAT/CMR და სხვა) მითითება. 2. იმ შემთხვევაში, თუ ამ მუხლის 1-ლი პუნქტით მოთხოვნილი გამოცდილება შესრულებულია საქართველოს ტერიტორიაზე და დამკვეთს წარმოადგენს კერძო სამართლის სუბიექტი (არა შესყიდველი ორგანიზაციები), პრეტენდენტმა, დამატებით უნდა წარმოადგინოს შესაბამისი დადასტურებული საგადასახადო ანგარიშ-ფაქტურები“.
2.7.1 მოთხოვნა ლიცენზიასთან, აკრედიტაციასთან, სტანდარტებთან, ხარისხის შესაბამისობასთან და სხვ. დოკუმენტების შესახებ
1. შემოთავაზებული საქონლის მწარმოებელი უნდა აკმაყოფილებდეს ISO 9001:2015; სტანდარტების მოთხოვნებს და უნდა გააჩნდეს ძალაში მყოფი შესაბამისი სერთიფიკატი, რომლებიც გაცემული უნდა იყოს ან EA(uropean co-operation for Accreditation)-ის ან ANAB(ANSI National Accreditation Board)-ის ან A2LA(American Association for Laboratory Accreditation)-ის ან IAS(International Accreditation Service)-ის მიერ აკრედიტებული სერტიფიკაციის ორგანოს მიერ. 2. პრეტენდენტმა უნდა წარმოადგინოს შემოთავაზებული GNSS ანტენისა და საველე კონტროლერის მწარმოებლის ავტორიზაციის წერილ(ებ)ი (MAF)/დოკუმენტი, რომელიც დაადასტურებს, რომ პრეტენდენტი არის შემოთავაზებული საქონლის მწარმოებლის ოფიციალური წარმომადგენელი ან/და პრეტენდენტს გააჩნია შემოთავაზებული საქონლის გაყიდვის ავტორიზაცია. დოკუმენტი სისტემაში ატვირთულ უნდა იქნას სატენდერო დოკუმენტაციის 10.1. მუხლის მე-2 პუნქტის მოთხოვნათა გათვალისწინებით.
2.9 სხვა დამატებითი მოთხოვნები
პრეტენდენტმა უნდა წარმოადგინოს შემოთავაზებული შესყიდვის ობიექტის მწარმოებლის მიერ ოფიციალურად დეკლარირებული ინფორმაცია (მწარმოებლის წერილი ან/და მისაწოდებელი საქონლის პასპორტი ან/და ბმული მწარმოებლის ოფიციალური საიტიდან, ამობეჭდილი და თარგმნილი ქართულ ენაზე), ტექნიკური დავალებით განსაზღვრული თითოეული კომპონენტის ტექნიკური მონაცემების შესახებ, დეტალური სპეციფიკაციით განსაზღვრულ მოთხოვნათა შესაბამისად. ინფორმაცია/დოკუმენტაცია სისტემაში ატვირთულ უნდა იქნას სატენდერო დოკუმენტაციის 10.1.2 პუნქტის მოთხოვნათა გათვალისწინებით.
4.1.1 მოთხოვნა ფასწარმოქმნის ადეკვატურობის დამადასტურებელი დოკუმენტ(ებ)ის შესახებ
იმ შემთხვევაში, თუ პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს სსიპ "ლევან სამხარაულის სასამართლო ექსპერტიზის ეროვნული ბიურო"-ს ან/და საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული ან/და საშემფასებლო დასკვნით, რომლითაც ცალსახად უნდა დასტურდებოდეს ხელშეკრულებით ნაკისრი ვალდებულებების შესრულების შესაძლებლობა, როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით. პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი.
4.1.2 ფასწარმოქმნის ადეკვატურობის დამადასტურებელი დოკუმენტ(ებ)ის წარმოდგენის ვადა
მოთხოვნიდან 5 სამუშაო დღის ვადაში
7.2 ეტაპობრივი ან/და საბოლოო ანგარიშსწორების განხორციელების პირობები
ხელშეკრულების ფარგლებში ანგარიშსწორება ხორციელდება უნაღდო ანგარიშსწორების ფორმით, საქართველოს ეროვნულ ვალუტაში, ხელშეკრულებით გათვალისწინებულ რეკვიზიტებზე, შესყიდვის ობიექტის სრულად მიწოდების შემდეგ, მხარეთა შორის გაფორმებული მიღება-ჩაბარების აქტის გაფორმებიდან და საგადასახადო ანგარიშ-ფაქტურის დადასტურებიდან (თუ მიმწოდებელი რეგისტრირებულია დღგ-ის გადამხდელად) არაუგვიანეს 10 (ათი) სამუშაო დღის განმავლობაში.
7.3 ეტაპობრივი ან/და საბოლოო ანგარიშსწორების განხორციელების ვადები
ანგარიშსწორებისთვის განსაზღვრული დოკუმენტების სრულყოფილად გაფორმებიდან 10 (ათი) სამუშაო დღის განმავლობაში.
8.1 ხელშეკრულების პროექტი
9.1 სატენდერო კომისიის აპარატის საკონტაქტო წევრის ვინაობა და მონაცემები
გვანცა ბაბულეიშვილი, 598633263, gvantsa.babuleishvili@georoad.ge
10.1 დამატებითი ინფორმაცია/დოკუმენტები
1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად; 2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით. 3. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა; 4. იმ შემთხვევაში, თუ პრეტენდენტის მიერ ტექნიკური დოკუმენტაციის სახით წარმოდგენილი დოკუმენტ(ებ)ი შედგენილია და მხარეთა მიერ ხელმოწერილია ელექტრონულად, პრეტენდენტი ვალდებულია წარმოადგინოს აღნიშნული ელექტრონული დოკუმენტ(ებ)ის ორიგინალი ეგზემპლარ(ებ)ი, ან მისი დამოწმებული ამონაბეჭდი, საქართველოს კანონმდებლობის მოთხოვნათა შესაბამისად; 5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად; 6. პრედენდენტს არა აქვს უფლება წარმოადგინოს ალტერნატიული სატენდერო წინადადება; 7. მოცემულ ელექტრონულ ტენდერში, პრეტენდენტის სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით, გარდა დღგ-ისგადასახადისა. თუგამარჯვებული პრეტენდენტი ხელშეკრულების დადების მომენტისთვის; საქართველოს კანონმდებლობის შესაბამისად, არის დღგ-ის გადამხდელი, ხელშეკრულების ღირებულებაში გათვალისწინებულ იქნება წინადადების ფასის შესაბამისი დღგ-ის ოდენობა; 8. პრეტენდენტი ვალდებულია ფასების ცხრილში მითითებული ერთეულისა და საერთო ფასები, მათი ათწილადით გამოსახვის შემთხვევაში, გამოსახოს და შესაბამისად გაინაგარიშოს მძიმის შემდეგ ორი ციფრის (მეასედის) სიზუსტით; 9. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი ან ის წარმოდგენილი იქნება განუფასებლად. ასევე, თუ მის მიერ, სატენდერო პირობების და კანონმდებლობის მოთხოვნათა გათვალისწინებით, არ იქნება წარმოდგენილი სატენდერო დოკუმენტაციით განსაზღვრული ინფორმაცია შემოთავაზებული საქონლის მწარმოებლის, მწარმოებელი ქვეყნისა და მოდელის (ან საქონლის ნომრის/იდენტიფიკატორის) შესახებ; 10. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. 11. პრეტენდენტი ვალდებულია, დაიცვას „პერსონალურ მონაცემთა დაცვის შესახებ“ საქართველოს კანონის მოთხოვნები და ინფორმაცია დაამუშავოს ამავე კანონით განსაზღვრული წესითა და პირობებით. 12. ტენდერში მონაწილეობით პრეტენდენტი ადასტურებს, რომ მის სატენდერო წინადადებაში მითითებული, ფიზიკური პირების პერსონალური მონაცემები (ასეთის არსებობის შემთხვევაში), მოპოვებულია „პერსონალურ მონაცემთა დაცვის შესახებ“ საქართველოს კანონის მოთხოვნათა შესაბამისად და პირი თანახმაა მიმწოდებლის მიერ შემსყიდველისთვის აღნიშნული ინფორმაციის წარდგენაზე, ასევე, მიმწოდებლის და შემსყიდველის მიერ მათი პერსონალური მონაცემების დამუშავებაზე ამავე კანონის მოთხოვნათა დაცვით. 13. იმ შემთხვევაში, თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
11.1 სატენდერო პირობების დამტკიცების შესახებ სატენდერო კომისიის სხდომის ოქმი