1.1 შესყიდვის ობიექტის დასახელება
აფხაზეთის ავტონომიური რესპუბლიკის მთავრობის აპარატის, აფხაზეთის ავტონომიური რესპუბლიკის აღმასრულებელი ხელისუფლების დაწესებულებების, მათდამი დაქვემდებარებული ან/და მათ მიერ დაფუძნებული ან/და მათ მიმართ ანგარიშვალდებული/კონტროლისადმი დაქვემდებარებულ ორგანიზაციების ბალანსზე არსებული 33 ერთეული სატრანსპორტო საშუალებების რეცხვისა და ქიმწმენდის მომსახურების შესყიდვის ერთობლივი ელექტრონული ტენდერი (პრეისკურანტით).
1.2 საქონლის ტექნიკური პარამეტრები/მომსახურების/სამუშაოს აღწერა (ტექნიკური დავალება), შესყიდვის ობიექტის რაოდენობა/მოცულობა
1.2.1. მსუბუქი სატრასნპორტო საშუალებების (სედანი), მაღალი გამავლობის სატრანსპორტო საშუალებების (ჯიპი) და ფურგონის ტიპის სატრანსპორტო საშუალების რეცხვისა (გამშრალება) და ქიმწმენდის მომსახურება: ა) მსუბუქი (სედ ანი), მაღალი გამავლობის (ჯიპი) და ფურგონის ტიპის სატრანსპორტო საშუალებების რეცხვისა და ქიმწმენდის მომსახურების გაწევა უნდა განხორციელდეს საბარათე (პლასტიკური ბარათი) სისტემის მეშვეობით (დანართი №1 - ,,ტექნიკური დავალება", დანართი №2- ,,სატრანსპორტო საშუალებების ჩამონათვალი" შესაბამისად). ბ) პრეტენდენტი ვალდებულია უზრუნველყოს მომსახურების გაწევა საბარათე (პლასტიკური ბარათი) სისტემის მეშვეობით. პრეტენდენტმა საკუთარი ხარჯებით, უსასყიდლოდ უნდა უზრუნველყოს პლასტიკური ბარათების დამზადება ყველა სატრანსპორტო საშუალებებისათვის და მიწოდება ერთობლივ ტენდერში მონაწილე შემსყიდველი ორგანიზაციებისათვის. გ) მიმწოდებელმა უნდა უზრუნველყოს შემსყიდველი ორგანიზაციების ბალანსზე არსებული მსუბუქი სატრასნპორტო საშუალებ(ებ)ის (სედანი), მაღალი გამავლობის სატრასნპორტო საშუალებ(ებ)ის (ჯიპი) და ფურგონის ტიპის სატრანსპორტო საშუალების რეცხვისა და ქიმწმენდის მომსახურება, შემსყიდველის მიერ მიმწოდებლისთვის ბარათის წარდგენიდან არაუგვიანეს 1 საათისა; დ) ავტოსამრეცხაო ობიექტებზე რეცხვის ან ქიმწმენდის მომსახურებით სარგებლობა შესაძლებელი უნდა იყოს ყოველდღე 10:00 სთ-დან 19:00 სთ-მდე (მათ შორის უქმე/დასვენების დღეებში); ე) რეცხვისას/ქიმწმენდისას გამოყენებული უნდა იყოს: მაღალი წნევის რეცხვის აპარატი, მტვერსასრუტი, მაღალი ხარისხის სპეციალური სარეცხი საშუალებები, რომლებიც არ აზიანებენ სატრასნორტო საშუალების ლაქს, საღებავს, ტყავის ან ქსოვილის შალითას, სპეციალური ქიმიური საშუალებები ლაქების, მტვრის და სუნის მოსაშრობლად; ვ) მომსახურების გაწევის დროს მიმწოდებლის ბრალეულობით შემსყიდველის სატრანსპორტო საშუალებაზე მიყენებული ნებისმიერი სახის ზიანის ანაზღაურების ვალდებულება ეკისრება მიმწოდებელს 5 (ხუთი) სამუშაო დღის ვადაში. შენიშვნა: პრეტენდენტი ვალდებულია დეტალურად გაეცნოს დანართ №1-ში და დანართ №2-ში მოცემულ პირობებს/აღწერილობას და წარმოადგინოს აღნიშნული დანართები, მასში მითითებული პირობების/აღწერილობის უცვლელად. აღნიშნული დოკუმენტი წარმოდგენილი უნდა იყოს სატენდერო დოკუმენტაციის 10.1.8 პუნქტით დადგენილი წესის შესაბამისად. პრეტენდენტი ვალდებულია გაითვალისწინოს, რომ დოკუმენტზე ხელმოწერით ეთანხმება და ადასტურებს დანართში მითითებულ პირობებს/აღწერილობას. 1.2.2. შესყიდვის ობიექტის დასახელება ასახულია სატენდერო დოკუმენტაციის დანართი №3-ში - ,,პრეისკურანტის ფასების ცხრილი". ფასების ცხრილი"-ს წარმოუდგენლობა ან/და განუფასებელი პოზიცია დაზუსტებას არ დაექვემდებარება და გამოიწვევს პრეტენდენტის დისკვალიფიკაციას. 1.2.3. პრეტენდენტის მიერ შესყიდვების ერთიანი ელექტრონული სისტემის მეშვეობით წარმოდგენილ პრეისკურანტში (დანართი №3 - პრეისკურანტის ფასების ცხრილი) მითითებული ერთეულის ფასები არ უნდა აღემატებოდეს შემსყიდველის მიერ პრეისკურანტის შესაბამის გრაფაში მითითებულ ერთეულის სავარაუდო ზღვრულ ფასებს, წინააღმდეგ შემთხვევაში მოხდება პრეტენდენტის დისკვალიფიკაცია. 1.2.4.პრეტენდენტ(ებ)ის მიერ ელექტრონული ვაჭრობის შედეგად პრეისკურანტის საერთო ფასის შემცირების შემთხვევაში ფასთა კლება პროცენტულად და პროპორციულად უნდა აისახოს პრეისკურანტში მოცემული ჩამონათვალის ერთეულის ფასებზე. შენიშვნა: პრეტენდენტი უფლებამოსილია დანართი №3 - ,,პრეისკურანტის ფასების ცხრილი" წარმოადგინოს Excel-ის ფორმატის ცხრილის სახით. (გთხოვთ გაითვალისწინოთ, რომ პრეტენდენტის მიერ Excel-ის ფორმატის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს). 1.2.5. ა) შესყიდვის ღირებულებად განისაზღვროს 43120 ლარით. ბ) პრეისკურანტის სავარაუდო ღირებულებად განისაზღვროს 1220 ლარით.
1.3 ფასების ცხრილი/ხარჯთაღრიცხვა
1.4 საქონლის მიწოდების/მომსახურების გაწევის/სამუშაოს შესრულების ვადა
პრეტენდენტმა სატრანსპორტო საშუალებების რეცხვის მომსახურების გაწევა უნდა განახორციელოს პერიოდულად, შემსყიდველის მოთხოვნის შესაბამისად, ხელშეკრულების გაფორმებიდან 2026 წლის 31 დეკემბრის ჩათვლით.
1.5 საქონლის მიწოდების/მომსახურების გაწევის/სამუშაოს შესრულების ფორმა და ადგილი
პრეტენდენტის მიერ სატრანსპორტო საშუალებების რეცხვის (გამშრალება) ან ქიმწმენდის მომსახურების გაწევა უნდა განხორციელდეს პრეტენდენტის მიერ მითითებულ მისამართ(ებ)ზე არსებულ ავტოსამრეცხაო ობიექტებში.
2.2.1 მოთხოვნა პრეტენდენტის გამოცდილების შესახებ
პრეტენდენტის გამოცდილება აღნიშნულ სფეროში უნდა შეადგენდეს 2024 წლის 1 იანვრიდან ტენდერის გამოცხადების დღემდე, საერთო თანხით არანაკლებ 80000 (ოთხმოცი ათასი - იგულისხმება ფაქტიურად გაწეული მომსახურების ჯამური ღირებულება) ლარის ოდენობით, რისთვისაც პრეტენდენტის მიერ წარმოდგენილი უნდა იქნეს შესაბამისი დამადასტურებელი დოკუმენტაცია, კერძოდ: ხელშეკრულებები და მიღება-ჩაბარების აქტები. იმ შემთხვევაში, თუ მომსახურება გაწეულია სახელმწიფო შესყიდვის ფარგლებში და ყველა შესაბამისი ინფორმაცია ატვირთულია სახელმწიფო შესყიდვების ერთიან ელექტრონულ სისტემაში, ზემოაღნიშნული დოკუმენტების ნაცვლად შესაძლებელია წარმოდგენილ იქნას სახელმწიფო შესყიდვის შესაბამისი ნომერი (SPA, NAT, CMR და სხვ.).
2.3.1 მოთხოვნა პრეტენდენტის მატერიალურ-ტექნიკური ბაზის შესახებ
2.3.1.1 პრეტენდენტს, ქალაქ თბილისის ტერიტორიაზე საკუთრებაში ან/და სარგებლობაში ან/და ქვეკონტრაქტით უნდა გააჩნდეს არანაკლებ 2 (ორი) ავტოსამრეცხაო ობიექტი (სხვადასხვა ლოკაციაზე მდებარე), თითოეული (ერთ ლოკაციაზე მდებარე) არანაკლებ 3 (სამი) სამრეცხაო ბოქსით, რომელთაგან მინიმუმ ერთი უნდა მდებარეობდეს ქ. თბილისი, ალ. ყაზბეგის N42 - დან არაუმეტეს 6 კმ საავტომობილო გზის მანძილზე. პრეტენდენტმა უნდა წარმოადგინოს ინფორმაცია ავტოსამრეცხაო(ებ)ის შესახებ მდებარეობის ზუსტი მისამართების მითითებით). (შენიშვნა: აღნიშნულის დასადასტურებლად პრეტენდენტმა უნდა წარმოადგინოს საკუთრების ან სარგებლობის (იჯარა და სხვ.) დამადასტურებელი დოკუმენტი (სარგებლობის შემთხვევაში პრეტენდენტმა უნდა წარმოადგინოს შესაბამისი (საიჯარო და სხვა) ხელშეკრულებ(ებ)ი, რომლის მოქმედების ვადაც უნდა იყოს არანაკლები 2026 წლის 31 დეკემბრისა), ხოლო საკუთრების შემთხვევაში შესაბამისი ამონაწერი სამეწარმეო რეესტრიდან, ასევე ქვეკონტრაქტორის არსებობის შემთხვევაში პრეტენდენტმა უნდა წარმოადგინოს ინფორმაცია ქვეკონტრაქტორებთან არსებული ავტოსამრეცხაოების შესახებ, შესაბამისი მისამართების მითითებით. ასევე, ქვეკონტრაქტორებთან გაფორმებული ხელშეკრულებები, რომელიც ძალაში უნდა იყოს მინიმუმ 2026 წლის 31 დეკემბრის ჩათვლით). 2.3.1.2 პრეტენდენტის მიერ შემოთავაზებულ ყველა ავტოსამრეცხაო ობიექტებზე შესაძლებელი უნდა იყოს ავტოსატრანსპორტო საშუალებების რეცხვა როგორც გარედან, ასევე შიგნიდან (სალონი/საბარგული) და გამშრალება; 2.3.1.3 პრეტენდენტის მიერ შემოთავაზებულ ერთ-ერთ ავტოსამრეცხაო ობიექტზე, ასევე შესაძლებელი უნდა იყოს სატრანსპორტო საშუალებების ქიმწმენდა; 2.3.1.4 პრეტენდენტის საკუთრებაში ან სარგებლობაში არსებული ავტოსამრეცხაო ობიექტები ან ქვეკონტრაქტით არსებული ავტოსამრეცხაო ობიექტები აღჭრვილი უნდა იყოს ვიდეომეთვალყურეობის სისტემით; 2.3.1.5 ხელშეკრულების მოქმედების პერიოდში, სატენდერო წინადადებით შემოთავაზებული სამრეცხაო ობიექტ(ებ)ის ცვლილების შემთხვევაში, მიმწოდებელი ვალდებულია არაუგვიანეს 3 სამუშაო დღით ადრე წერილობით აცნობოს შემსყიდველს აღნიშნულის შესახებ. ჩანაცვლებული ავტოსამრეცხაო ობიექტი უნდა აკმაყოფილებდეს სატენდერო პირობებით განსაზღვრულ მოთხოვნებს. 2.3.1.6 პრეტენდენტმა ყველა შემოთავაზებულ ობიექტებზე უნდა გამოყოს საკონტაქტო პირი (მენეჯერი), რომელთანაც შესაძლებელი იქნება მომსახურების წინასწარი დაჯავშნა/ჩაწერა 2.3.1.7 პლასტიკური ბარათით მომსახურებისას პრეტენდენტის მიერ შემოთავაზებულ ყოველ ავტოსამრეცხაო ობიექტზე განთავსებული უნდა იყოს პლასტიკური ბარათის წამკითხველი (გასატარებელი) მოწყობილობა, რომელმაც უნდა უზრუნველყოს გაწეული შესაბამისი მომსახურების მომენტალური ასახვა ელექტრონულ სისტემაში (შემსყიდველის სპეციალურ ანგარიშზე).
2.8.1 ქვეკონტრაქტორთან დაკავშირებული მოთხოვნები
ქვეკონტრაქტორის არსებობის შემთხვევაში პრეტენდენტმა უნდა წარმოადგინოს ინფორმაცია ქვეკონტრაქტორებთან არსებული ავტოსამრეცხაოების შესახებ, შესაბამისი მისამართების მითითებით. ასევე, ქვეკონტრაქტორებთან გაფორმებული ხელშეკრულებების, რომელიც ძალაში უნდა იყოს მინიმუმ 2026 წლის 31 დეკემბრის ჩათვლით. შენიშვნა: ქვეკონტრაქტორი არ უნდა იყოს რეგისტრირებული შესყიდვებში მონაწილე არაკეთილსინდისიერ პირთა რეესტრში – ,,შავ სიაში“.
2.9 სხვა დამატებითი მოთხოვნები
4.1.1 მოთხოვნა ფასწარმოქმნის ადეკვატურობის დამადასტურებელი დოკუმენტ(ებ)ის შესახებ
იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა. ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც ერთეულის ასევე საერთო ღირებულებასთან მიმართებით (შესაბამისი ტენდერის უნიკალური ნომრის მითითებით); დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.
4.1.2 ფასწარმოქმნის ადეკვატურობის დამადასტურებელი დოკუმენტ(ებ)ის წარმოდგენის ვადა
მოთხოვნიდან 3 სამუშაო დღის ვადაში
7.2 ეტაპობრივი ან/და საბოლოო ანგარიშსწორების განხორციელების პირობები
7.2.1 ანგარიშსწორება განხორციელდეს უნაღდო ანგარიშსწორების ფორმით, ეტაპობრივად, გაწეული მომსახურებ(ებ)ის შესაბამისად გაფორმებული მიღება-ჩაბარების აქტ(ებ)ისა და საგადასახადო ანგარიშ-ფაქტურ(ებ)ის წარდგენის საფუძველზე, 10 (ათი) სამუშაო დღეში. 7.2.2 ანგარიშსწორებას განახორციელებს: • აფხაზეთის ავტონომიური რესპუბლიკის მთავრობის აპარატი - 15900 ლარის ფარგლებში, • აფხაზეთის ავტონომიური რესპუბლიკის ფინანსთა და ეკონომიკის სამინისტრო - 8100 ლარის ფარგლებში, • აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტრო - 1800 ლარის ფარგლებში, • აფხაზეთის ავტონომიური რესპუბლიკის განათლებისა და კულტურის სამინისტრო - 3750 ლარის ფარგლებში, • აფხაზეთის ავტონომიური რესპუბლიკის იძულებით გადაადგილებულ პირთა სამინისტრო - 5400 ლარის ფარგლებში, • აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტრო - 2850 ლარის ფარგლებში, • ზემო აფხაზეთში აფხაზეთის ავტონომიური რესპუბლიკის მთავრობოს წარმომადგენლობა - 1680 ლარის ფარგლებში, • სსიპ კულტურის, სპორტის და ახალგაზრდულ საქმეთა სააგენტო - 1700 ლარის ფარგლბში, • ა(ა)იპ აფხაზეთის ავტონომიური რესპუბლიკის საინფორმაციო - ანალიტიკური ცენტრი - 1940 ლარის ფარგლებში, დაფინანსების წყარო: აფხაზეთის ავტონომიური რესპუბლიკს 2026 წლის რესპუბლიკური ბიუჯეტი.
7.3 ეტაპობრივი ან/და საბოლოო ანგარიშსწორების განხორციელების ვადები
ფაქტიურად გაწეული მომსახურების შესაბამისად გაფორმებული მიღება-ჩაბარების აქტის და საგადასახადო დოკუმენტაციის წარმოდგენიდან 10 (ათი) სამუშაო დღის განმავლობაში.
8.1 ხელშეკრულების პროექტი
9.1 სატენდერო კომისიის აპარატის საკონტაქტო წევრის ვინაობა და მონაცემები
ლელა უზარაშვილი, 599902348, Lelauzarashvili.afsm@gmail.com
10.1 დამატებითი ინფორმაცია/დოკუმენტები
10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იყოს ორიგინალის სახით (ასლის შემთხვევაში ნოტარიულად დამოწმებული) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. 10.1.2 დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია. 10.1.3 სახელმწიფო შესყიდვების ერთიან ელექტრონულ სისტემაში ატვირთულ ყველა დოკუმენტზე განხორციელებული უნდა იყოს კვალიფიციური ელექტრონული ხელმოწერა ან/და დამოწმებული უნდა იყოს კვალიფიციური ელექტრონული შტამპით (კანონით გათვალისწინებულ შემთხვევებში). საჭიროების შემთხვევაში ატვირთული უნდა იყოს მინდობილობა ან რწმუნებულობა. 10.1.4 პრედენდენტს არა აქვს უფლება წარმოადგინოს ალტერნატიული წინადადება. 10.1.5 სატენდერო წინადადებაში საერთო და ერთეულის ფასი გამოსახული უნდა იყოს ლარში, საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯის გათვალისწინებით. 10.1.6 ხელშეკრულების ფორმა და პირობები მოცემულია 8.1 პუნქტში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად. 10.1.7 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი. 10.1.8 დანართი N1 და დანართი N2 და ასევე პრეტენდენტის მიერ წარმოგენილი ნებისმიერი ტექნიკური დოკუმენტაცია სისტემაში ატვირთული უნდა იყოს ელექტრონული ხელმოწერით ან ელექტრონული შტამპით დამოწმებული ,,ელექტრონული დოკუმენტისა და ელექტრონული სანდო მომსახურების შესახებ” საქართველოს კანონის შესაბამისად. პრეტენდენტი უფლებამოსილია დანართი N3 წარმოადგინოს Excel-ის ფორმატის ცხრილის სახით, ხოლო Excel-ის ფორმატის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
11.1 სატენდერო პირობების დამტკიცების შესახებ სატენდერო კომისიის სხდომის ოქმი